Sendandi: Vinnumálastofnun
Download 29.48 Kb. Pdf ko'rish
|
Minnisblað
Viðtakandi: Jóhanna Sigurðardóttir félags- og tryggingamálaráðherra Sendandi: Vinnumálastofnun Dags.:
1. september 2008 Efni:
Staða á vinnumarkaði í byrjun sept. 2008 og horfur næstu mánuði
Staða á vinnumarkaði og hópuppsagnir Atvinnuleysi í júlí var 1,1% og var fjöldi atvinnulausra í lok júlí 2.252. Lítilsháttar fjölgun hefur orðið í ágúst og má búast við að í lok ágúst verði um eða yfir 2.300 manns atvinnulausir og atvinnuleysi verði þá 1,2%. Töluverð hreyfing er á fólki sem skráir sig atvinnulaust en meðan margir komi inn á skrá er mikið um að fólk fái fljótt aftur störf, þannig að heildarfjölgun atvinnulausra er lítil enn sem komið er. Atvinnulausum fjölgar einkum á höfuðborgarsvæðinu og þá fyrst og fremst körlum í ágústmánuði en atvinnuleysi meðal karla á höfuðborgarsvæðinu jókst þá um 15%. Á landsbyggðinni fækkar nokkuð á heildina litið, einkum fækkar konum á skrá og þá helst á Norðurlandi eystra, Austurlandi og Suðurlandi. Þeir sem hafa verið að bætast á atvinnuleysisskrá nú síðustu vikur eru einkum ófaglærðir úr byggingariðnaði og ýmis konar iðnaði, einnig fólk sem hefur starfað í ýmsum verslunar- og þjónustustörfum. Ráðningar hafa einkum verið í ýmis þjónustustörf, bæði í ferðaþjónustu og hjá opinberum aðilum í umönnun, gæslu, þrif oþh., en einnig má sjá eftirspurn eftir fólki til ýmissa stærri verkefna í byggingariðnaði. Tvær hópuppsagnir bárust í ágúst, annars vegar frá Ístak þar sem sagt er upp allt að 300 manns á Austurlandi og á höfuðborgarsvæðinu, að stórum hluta erlendir starfsmenn. Hins vegar er Pósthúsið (Fréttablaðið) að segja upp 129 blaðberum víða á landsbyggðinni, en stöðugildi eru þó mun færri. Stærstu hópppsagnirnar fram að því komu í júní þegar Icelandair og Flugþjónustan á Keflavíkurflugvelli sögðu upp um eða yfir 300 manns. Alls hefur um 1300 til 1400 manns verið sagt upp á árinu með hópuppsögnum, mest í flugrekstri og byggingariðnaði, en einnig í verslun og þjónustu. Horfur næstu vikur og mánuði Á höfuðborgarsvæðinu og á Suðurnesjum má gera ráð fyrir að atvinnuleysi aukist jafnt og þétt í september líkt og raunin hefur verið í ágúst, vegna samdráttar hjá byggingarverktökum og í sumum greinum verslunar, fjármálastarfsemi og öðrum þjónustugreinum. Á landsbyggðinni er staðan á hinn bóginn víðast hvar betri þegar horft er til næstu tveggja mánaða og má búast við að frekar fækki þar á skrá í september; með nýju kvótaári eykst eftirspurn eftir fólki til fiskvinnslustarfa og fiskveiða nokkuð og aukin þörf er fyrir fólk til starfa í sláturhúsum, en á móti kemur nokkur samdráttur í ferðaþjónustu. Á heildina litið er því gert ráð fyrir að á landinu öllu aukist atvinnuleysi lítilsháttar í september og verði 1,2-1,3%. Þegar kemur fram í nóvember og desember má á hinn bóginn gera ráð fyrir að atvinnuleysi aukist hraðar. Þá mun draga úr almennum umsvifum byggingarverktaka og í ferðaþjónustu, þeim sem sagt hefur verið upp með hópuppsögnum mun fara að sjá stað af meiri þunga auk smærri uppsagna hjá ýmsum aðilum, auk þess sem gera má ráð fyrir áframhaldandi gjaldþrotum líkt og vísbendingar hafa komið fram um hjá Ábyrgðasjóði launa síðustu mánuði. Meðalatvinnuleysi ársins 2008 verður um 1,3% og líklegt er að atvinnuleysi muni aukast enn á árinu 2009 þó margt komi til með að kunna að hafa áhrif á þá þróun. Vinnumálastofnun telur þó líklegt að meðal atvinnuleysi ársins 2009 verði um eða nokkuð yfir 3%. 2 Erlent starfsfólk á íslenskum vinnumarkaði Erlent starfsfólk á íslenskum vinnumarkaði var skv. áætlun Vinnumálastofnunar komið yfir 17.000 manns árið 2007 sem er yfir 9% af vinnuaflinu, og jókst mikið á árunum 2005-2007. Seinni part ársins 2007 jókst brottflutningur erlends vinnuafls mikið, einkum tengt lokum stóriðju- og virkjanaframkvæmda og bendir útgáfa vottorða um staðfestingu á atvinnu (E-301), sem erlendir ríkisborgarar sækja sér þegar þeir fara af íslenskum vinnumarkaði, til að sá brottflutningur sé að aukast. Þannig hafa verið gefin út um 1600 slík vottorð það sem af er þessu ári, samanborið við 1200 allt árið í fyrra og 500 árið 2006. Enn er þó töluvert streymi erlends starfsfólks inn á íslenskan vinnumarkað. Nýskráningum fólks frá Póllandi og öðrum „nýju“ ríkjum ESB hefur lítið fækkað frá fyrra ári, hafa að jafnaði verið yfir 400 á mánuði fram í júní, en heldur færri nú í júlí og ágúst, eða um 340 hvorn mánuð. Þá er ólíklegt að innflutningur erlends vinnuafls aukist með haustinu í ár líkt og raunin varð bæði 2007 og 2006. Athyglisvert er að yfir 35% af erlenda vinnuaflinu hefur komið til starfa í byggingariðnaði og hefur hlutfallið verið svipað allt þetta ár. Um 20% hafa komið til starfa í ferðaþjónustutengdum greinum en það sem eftir stendur skiptist á ýmsar atvinnugreinar. Þrátt fyrir að töluvert sé enn um innflutning erlends vinnuafls gerir Vinnumálastofnun því ráð fyrir að erlendu starfsfólki hafi farið heldur fækkandi frá haustmánuðum 2007 og sé nú komið niður í 15- 16.000 manns og muni fækka enn næstu mánuði og verða á bilinu 13-14.000 í árslok 2008. Atvinnulausum erlendum ríkisborgurum hefur fjölgað töluvert síðustu mánuði. Á sumarmánuðum 2007 voru að jafnaði nálægt 110 erlendir ríkisborgarar á skrá en fjölgaði þá jafnt og þétt og voru komnir yfir 200 í mars 2008. Í júlí fór fjöldinn svo yfir 230 manns og hefur fjölgað enn í ágúst þó endanlegar tölur þar um liggi ekki fyrir.
Aukið atvinnuleysi – viðbrögð Vinnumálastofnunar Vinnumálastofnun er að mörgu leyti vel í stakk búin að takast á við aukið atvinnuleysi, að miklu leyti verður byggt á því sem vel hefur tekist undanfarin ár við að þróa og móta viðeigandi úrræði eftir því sem þörf krefur, stofnunin hefur öfluga ráðgjöf upp á að bjóða og er í góðu samstarfi við ýmsa aðila um námskeiðahald og mótun úrræða, s.s. símenntunarmiðstöðvar. Síðustu mánuði hefur verið lögð aukin áhersla á greiningarvinnu ráðgjafa með það að markmiði að grípa sem fyrst inn í óvinnufærni/atvinnuleysi með úrræði fyrir þann hóp sem hættast er við langtímaatvinnuleysi. Til að minnka álag og auka skilvirkni hefur verið ráðist í gerð rafrænnar skráningar atvinnulausra og á slíkt kerfi að vera tilbúið til notkunar þann 1. október nk. Þar með geta atvinnulausir skráð sig á netinu hvar sem þeir eru staddir, og þurfa þeir þá eingöngu að mæta á þjónustuskrifstofu til að staðfesta umsókn með undirskrift og skila inn viðeigandi fylgigögnum. Þar með mun minnka verulega álag á starfsfólk við móttöku og skráningu. Frekari þróun kerfisins verður næstu mánuði m.a. til að bæta þjónustuna enn og auka sjálfshjálp atvinnuleitenda og atvinnurekenda við vinnumiðlun. Aukning hefur verið í komu erlendra ríkisborgara til Vinnumálastofnunar og hafa verið ráðnir pólskumælandi starfsmenn á höfuðborgarsvæðinu og á Vestfjörðum sem veita alhliða ráðgjöf og aðstoða við atvinnuleit. Fyrirhugað er að bæta við pólskumælandi starfsmanni á höfuðborgarsvæðinu og undanfarna mánuði hefur Eures, evrópska vinnumiðlunin, verið samþætt innlendri vinnumiðlun í auknum mæli til að bregðast við fjölgun erlendra ríkisborgara sem nýta sér þjónustu stofnunarinnar. Af öðrum aðgerðum hjá einstökum skrifstofum má nefna að á höfuðborgarsvæðinu er að hefjast tilraunaverkefni með vinnuklúbb, en í því felst að opið hús verður á föstudögum þar sem hægt er að fá aðstoð við ferilskrárgerð, fyrstu skref í atvinnuleit og grunnráðgjöf af ýmsu tagi. Á Austurlandi er að fara í gang samvinnuverkefni Vinnumálastofnunar, Starfsendurhæfingar Austurlands, Félagsþjónustu Fljótsdalshéraðs og HSA um þjónustu við einstaklinga sem þurfa marghliða þjónustu af félagslegum og/eða heilsufarslegum ástæðum, og annað verkefni er á döfinni þar sem unnið verður sérstaklega með þá sem koma til með að missa vinnu í fiskvinnslu til að auðvelda þeim að finna sér nýjan starfsvettvang.
3 Á Suðurnesjum mun í haust verða sett á stofn kvennasmiðja sem verður í boði fyrir atvinnulausar konur í Grindavík í samvinnu við Miðstöð símenntunar á Suðurnesjum. Þetta er einstaklingsmiðað nám og sniðið að þörfum þeirra einstaklinga sem um ræðir. M.a. verður boðið upp á sjálfsstyrkingu, ensku, íslensku, tölvukennslu, frumkvöðlafræði, ræðumennsku, myndmennt, handmennt, jóga, heilsufræði og skapandi skrif. Download 29.48 Kb. Do'stlaringiz bilan baham: |
ma'muriyatiga murojaat qiling