Sinaluvchilar ko’rsatkichlari

Ota-onalarning oʼz farzandlariga boʼlgan munosabat turlarini aniqlash uchun А.Ya.Varga, V.V.Stolinning “Ota-onalarning bolalarga boʼlgan munosabatini aniqlash” test-soʼrovnomasidan foydalanildi.
“Ota-onalarning bolalarga boʼlgan munosabatini aniqlash” test- soʼrovnomasi mualliflari А.Ya.Varga va V.V.Stolin nuqtai nazari boʼyicha ota-onaning bolaga boʼlgan munosabat xususiyati quyidagi koʼrsatkichlarni oʼz ichiga oladi: bolaga nisbatan integral hissiy munosabat – “Qabul qilish-rad etish” shkalasi; ota-ona munosabatining istalgan ijtimoiy obrazi – “Kooperatsiya” (Hamkorlik) shkalasi; ota-ona munosabatida avtoritarizm (avtoritetga ega boʼlgan katta yoshli kishilarga koʼr-koʼrona boʼysunishga asoslangan “Аvtoritar giperijtimoiylashuv”), yaʼni “Nazorat” shkalasi; ota- onalarning farzandlari bilan munosabatlaridagi psixologik distantsiyani ifodalovchi “Simbioz” shkalasi; ota-ona tomonidan bolaning qabul qilinishi va uni tushuna olish xususiyatini aks ettiruvchi “Bolaning omadsizliklariga munosabat” shkalasi.
Eksperimental tadqiqotimizda 31 nafar ota-onalar sinaluvchi sifatida qatnashdilar. Tadqiqot natijalaridan olingan koʼrsatkichlarning tahlilini oʼtkazish uchun har bir shkala boʼyicha berilgan javoblar foiz hisobida qayta ishlanib, koʼrsatkichlar uch darajaga ajratildi: yuqori, oʼrta va past(1-,2-jadvallar).
А.Ya.Varga, V.V.Stolinning “Ota-onalarning bolalarga boʼlgan munosabatini aniqlash” test-soʼrovnomasi

№	Shkalalar	Sinaluvchilar ko’rsatkichlari
		Yuqori	O’rta	Past
1.	Bolani qabul qilish – rad etish	-	71.5	28.5
2.	Kooperatsiya	-	72.7	27.3
3.	Simbioz	11.8	66.6	21.6
4.	Nazorat	54.4	33.3	28.5
5.	Bolaning muvaffiqiyatsizliklarga munosabat	21.1	31.6	47.3

Sinaluvchilarning shkala bo’yicha ko’rsatkichlari