Sáne: Klass: 11- “ ”-klass Pan


Download 17.02 Kb.
Sana05.01.2022
Hajmi17.02 Kb.
#217842
Bog'liq
Maqtımqulı lirikası


Sáne: ___________

Klass: 11- “_____”-klass

Pan: Adebiyat

Tema: Maqtımqulı lirikası



Waqıt: 45 minut

Sabaqtıń maqseti: Bilim beriwshilik maqset: Oqıwshılarǵa berilgen tekstti qatesiz,durıs ham tasirli oqıwǵa,tıńlap túsiniw,sózlerdi durıs jazıw,esitken, kórgen waqıyaları tiykarında pikirin bayanlay alıw sıyaqlı kónlikpelerdi payda etip, úyretiw.

- Sózlerdi durıs oqıw, durıs jazıp,sózlerden gapler qurap beriwge úyretip barıw.

- Oqıwshılarda tekst mazmunına baylanıslı súwret salıp beriw kónlikpesin payda etip barıw.

- Oqıwshılarda tekst mazmunına say shıǵarma qaharmanlarınıń obrazların jaratıp bere alıw kónlikpesinde tarbiyalap barıw.



Rawajlandırıw maqset:

  • Oqıwshılardı óz pikirlerin erkin bayanlay alıw,kommunikativlik qatnastı payda etiw,axborot ham jańa siyasıy xabarlardan xabardar bolıw, matematikalıq sawatxanlılıq ham ilim-pan texnikalar menen islesiw sıyaqlı tayanısh kompetenciyaların rawajlandırıw.

Tarbiya beriwshilik maqset:

  • Oqıwshılardıń toparlarda óz-ara doslıqta birge islesiwdi,oqıwshılardı adep-ikramlılıqqa, jaqsı pazıyletlerdi qaliplestiriw ham adamgershilik sezimlerdi qaliplestirip tarbiyalap barıw.

Sabaqtıń túri:

Dastúriy emes sabaq. Toparlarda jumıs islew.Jańa bilim beriw.



Sabaqqa kerekli oqıw quralları: Taxta,por,qaǵazlar,saat,tarqatpalı materiallar,marker h.t.b

I.Sabaqtıń barısı:

Shólkemlestiriw. (3 minut)

-Klass oqıwshıları menen salemlesiw;

-Klastıń tazalıǵına itibar beriw,sabaqlıqlarınıń bari-joqlıǵın qadaǵalayman;

-Nawbetshi arqalı qatnastı barlayman.



II. Úy tapsırmasın soraw: (14 minut) Maqtımqulı Úy tapsırmasın sorawda birneshe metodtan paydalanaman, oqıwshılardı toparlarǵa bólip, olardıń ótilgen tema boyınsha bilimlerin anıqlayman.

III.Taza tema bayanı.(15 minut) Maqtımqulı lirikası

Kózge miymandur

Qara tastan qıldı ayırǵan kózlerim,

Jolın kórmes, nurı kózge miymandur.

Kelgen as dep kelmes, bozartpa júziń,

Nanǵa mútáj emes, sózge miymandur.

Awırdur dáwirler, uzaqdur jollar,

Sorassa jigitler, sózlesse tiller.

Báhárde ashılǵan ráńbáráń gúller —

Bir pasıl ashılar, jazǵa miymandur.

Ne ázim ónerler, ne sırlı isler,

Ne hawalı baǵlar, bálent aǵashlar.

Alpıs álwan, jetpis túrli jemisler –

Shaqadan ayrılar, gúzge miymandur.

Jigittiń bolmasa jaraǵı, atı,

Sonı belli biliń, joqdur ǵayratı.

Jas minedi — keter súyek quwatı,

Jigitliktiń zorı dizge miymandur.

Haqtı yadqa alıp, Haqtan qorqıńlar,

Shaytan ara tússe — qoymas erkińe,

Quba jawan, quwanbaǵıl kórkińe,

Qartayarsań, kórkiń júzge miymandur.

Maqtımqulı, úgit bardur sózińde,

Bir Allanıń qorqınıshı kózińde,

Qansha jasasań da jerdiń júzinde —

Adam ulı bes kún duzǵa miymandur.

Dáwran tabılmas

Duwamdı alǵanlar kógerer gúldey,

Gúldiń máwsimindey dáwran tabılmas.

Qáhárimniń otı kúydirer kúldey,

Kúl ornınan qaytıp bostan tabılmas.

Kóńil — músápirdur tániń jurtında,

Janım tolıp-tasar, júregim dártte,

Oyım — kámildedur, kózim márttedur,

Shártime múnásip mártler tabılmas.

Haqtıń jamalına kóńil baylaǵıl,

Mal-dúnya jolında mashǵul bolmaǵıl,

Bul dúnya úyine adam miymandur,

Bir kún úy ishinde miyman tabılmas.

Kóńil awlayın dep baqsam hár taman,

Urıs-qaǵıs ishre azar tabar jan,

Aytılmas násiyhat, oqılmas Quran,

Janǵa jaǵar ádep-árkan tabılmas.

Maqtumqulı, jan táǵdirge tán berdi,

Hárkim ózin tıya bilse máp kórdi,

Hay, ne jaman peshe ańlamaw dártti —

Jáhillik dártine dárman tabılmas.

Mútáj áyleme

Áy Qudayım, sennen tilegim kándur,

Sen meni námártke mútáj áyleme!

Ǵáziyneńnen meniń rısqım bergil,

Bendeńdi bendeńe mútáj áyleme!

Adastırma tuwrı jolım igrige,

Igrini teńleme hárgiz tuwrıǵa,

Kisi malı nesip etpes uǵrıǵa,

Hadaldı haramǵa mútáj áyleme!

Námártlerdiń kópirinen ótpespen,

Kárwan bolsam, sawap isten qashpaspan,

Nákásler qolınan sharap ishpespen,

Oń qolım sol qolǵa mútáj áyleme!

Sennen jaqsı niyet, tilegim kópdur,

Ashshı sózler dilden shıqqan bir oqdur,

Tuwısqan teń bolmas biri-birine,

Aǵanı inige mútáj áyleme!

Maqtımqulı, Haqtan tile bárini,

Tiler bolsań — tile óz iymanıńdı,

Abad áyle ekki kózim nurını,

Oń kózim shep kózge mútáj áyleme!


IV.Bekkemlew: (10 minut) Taza temanı bekkemlew maqsetinde oqıwshılarǵa qosımsha sorawlar beremen.

Tapsırmalar

1. Maqtımqulınıń ómiri hám dóretiwshiligi haqqında aytıp beriń.

2. Shayır qosıqlarında insanıy ideyalardıń sáwleleniwin tallap kórsetiń.

3. Shayırdıń didaktikalıq qosıqlarınan 5 kupletten yadlaw.

V.Oqıwshılardı bahalaw ham úyge tapsırma beriw: (3 minut) Maqtımqulı Úyge berilgen tapsırmanı orınlaǵan ham sabaq barısında aktiv qatnasıp, berilgen qosımsha sorawlarǵa juwap berip otırǵan oqıwshılarǵa tiyisli bahaların qoyaman. Oqıwshılar menen xoshlasıp, búgingi sabaqtı juwmaqlayman.

OIBDO: ________________ ____________________________



“______” __________________ ______ - jıl
Download 17.02 Kb.

Do'stlaringiz bilan baham:




Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling