Tema: polimer material qaplamalari joba

7 - LEKCIYA
Tema: POLIMER MATERIAL QAPLAMALARI
Joba
1. Qatlam payda etiwshi sistemalar.
2. Olardıń ózgeshelikleri.
3. Isletiliw tarawi.

Texnikada isletiletuǵın poliamidlerdiń molekularlıq massası 8000-25000 ortasında boladı. Sırtqı kórinisi qattı, aq reńden ashıq qońır reńge shekem boladı. Poliamid ılaydan islengen soplopolimer tınıq reńli boladı. Kristall alipatik poliamidlerdi suyıqlıqqa ótiw temperaturası 180-280⁰ C aralıǵinda boladı. Makromolekulada amid gruppaları sanın kóbeyip barıwı menen, polimerdi suyıqlıqqa ótiw temperaturası, qattılıǵı artıp baradı. Makromolekulası taq metilen gruppalarınan quralǵan poliamidler, jup metilen gruppalı poliamidlerge salıstırǵanda bir qansha tómen temperaturada suyıqlıqqa ótedi (m: 5 metilen gruppalı poliamid 4 metilen gruppalı poliamidten tómen temperaturada suyıqlanadı). Poliamidler joqarı bekkemlikke, jabısqaqlıqqa hám elastiklikke iye bolıp, suwıqta sozılıw qásiyetine iye. Sozılıw esabınan poliamid talshıqları yamasa perdelerin uzınlıǵın 4-6 mártege shekem sozıw múmkin. Joqarı mexanikalıq ayrıqshalıqlar, antifrikcion hám elektr izolyasiya ózgeshelikleri, ximiyalıq hám korroziya tásirine shıdamlılıq, poliamidlerdi eń tiykarǵı konstrukcion materiallar qatarına qosadı. Poliamidlarden shesternyalar, podshipnikler, vkladishler, vtulkaler, rolikler, muftaler, polzunlar, samallatqısh hám vintlardi, elektr izolyaciya buyımları, meditsina buyımları islep shiǵarıladı.

Podshipnik hám basqa súykeliste isleytuǵın buyımlar maysız suw menen isletiledi. Grafit, talk hám molibden disulfidi menen toltırılǵan poliamidten alınǵan buyımlar óz-ózin maylaw ózgeshelikine iye. Sonıń ushın poliamidten alınǵan buyımlardı, tekstil hám azıq-awqat sanaatında isletiw maqsetke muwapıq. Sebebi bul bularda qollanılatuǵın stanolardaǵı buyımlardı maylamaw kerek.
Poliamidler kóplegen perde materialları, lak qatlamları, jelim alıwda isletiledi.
Poliamid perdelerinen jasalma teri, kinopplyonka tayarlawda paydalanıladı.
Poliamid qatlamları mexanikalıq bekkemlikke hám jaqsı ximiyalıq turaqlılıqqa iye. Olar trubalar, ıdıslar alıwda, elektr sımların orawda,lastikler óndiriste, gezlemeler, terilerdi pardozlawda isletiledi.