Texnikumlar menen birge islesiw ilajları dawam etpekte

Texnikumlar menen birge islesiw ilajları dawam etpekte

Qaraqalpaq mámleketlik universitetiniń Biologiya fakulteti “Ekologiya hám topıraqtanıw” kafedrasına biriktirilgen texnikumlar menen birge islesiwdi elede jetilistiriw, óz-ara tájriybe almasıw maqsetinde Qońırat sanaat texnikumı oqıtıwshısı M.Tóreeva, Qaraózek agroekonomika texnikumı oqıtıwshısı G.Turımbetova, Amudárya muhandislik texnikumı oqıtıwshıları N.Urazımbetov, I.Qazaqbaeva, Y.Turǵanbaeva hám texnikum oqıwshı jasları Biologiya fakultetinde boldı. Miymanlar bul jerde universitettiń oqıw processi, talabalar ushın jaratılǵan imkaniyatlar menen jaqınnan tanıstı. Atap aytqanda, fakultette shólkemlestirilgen Bioeklogiya ilim-izertlew laboratoriyası, Ekologiya hám topıraqtanıw oqıw laboratoriyalarındaǵı inventarlardıń islew processi menen tanısıp, texnikum oqıtıwshıları tájriybeli professor oqıtıwshılardıń sabaqlarına kirip metodikalıq bazasın bekkemledi. Búgingi ushırasıw barısında talaba jaslar fakultette shólkemlestirilgen zoologiya muzeyi hám de “Jas ekolog” klubı jumısları menen de tanısıp ótti.