Watanniń rawajlanıwına meniń úlesim

Watanniń rawajlanıwına meniń úlesim

" Ullı ruwxiy qúdret deregi bar eken, elimizdiń tinishliǵı hám párawanlıǵına, watanımızdıń ǵáresizligine hesh qanday jawız kúsh tásir ete almaydı!"

Sh.M. Mirziyoev.

Insan balası dúnyaǵa keler eken, ol belgili bir shárayitta, mákánda jasaydı. Bul mákándı milleti hám dinine qaramastan bul eldi "watanım", dep esaplaydı. Ana watan sezimi ana háyyiwi, áke órnegi, atalar úgit-násiyatı júreklerimizge sińgedi. .Ózbekstanda házir waqıtta 150den aslam millet wákilleri awızbirikshilikte búgingi kúninen minnetdarshılıq, erteńgi kúnine isenim menen jasap kiyatır.Házirgi waqıtta watanımızdıń jáne de gúllep, jasnawı ushın kóplegen iygilikli isler ámelge asırılmaqta. Biraq, sonı da yadtan shıǵarmaw lazım, xalıqaraliq maydanda túrli búlginshiliklerdi keltirip shiǵarip atirǵan buzǵınshi kúshler tárepinen "erkinlik hám demokratiya" niqabı astında terrorizm, ekstremizm,seperatizm sıyaqlı sırtqı tásir etiwshi kúshler dúnyaniń ayrim bóleklerinde tınısh ómirdiń izden shiǵıwına túrtki berip,dúnyada jańadan-jańa urıs oshaqları alıstırılıp atırǵanlıǵına dúnya jámiyetshiligi gúwa bolmaqta . Bunday jaǵdaylar bizde hesh qashan júz bermeydi, dep sergekliktiń dárejesin páseytiw qáte. Tezlik penen ózgerip turǵan dúnyá jámiyetshiliginde, mıń qubısqa dónip turǵan zamanda ǵáplet uyqısıda qalıw nadanliqtıń ayqın kórinisi esaplanadi.Nadanliq tamır tutqan topıraqta tınıshlıqtıń náwsheleri ónbeytuǵını bárshemizge belgili haqiyqat, desem asıra aytqan bolmayman. Jurtımızdıń tınıshliǵı, ashıq aspanımızdıń qádrine jetip, watan keleshegi ushın juwapkershilikti sezimin qálbimizge hám sanamizǵa sińdirip alıwımız tiyis.Kópti kórgen, aqtan qaranı ajrata alatuǵın sanalı insanlar sergek tartıp, basqalardı da buzǵınshı idealardan qorǵawı watan aldındaǵı ádiwli minneti. Biz, bunday jawız kúshlerge óz bilimimiz, aqılımız, joqarı dárejedegi mánawiyatımız benen qarsı shıǵıwımız lazım. Bunıń ushın bizler kóp kitap oqıwımız, ilim úyreniwden jalıqpawımız kerek. Bizler hár tárepleme bilimli, bekkem, tártip-intizamlı bolsaq ǵana, hesh qanday jawız kúshler bizge tásir ete almaydı. Olardıń sheńgeline túsip qalıwdan ózimizdi qutqarǵan bolamız.

Ullı oyshıl Konfuciydıń " Eger mámleketiń bir jıl párawan bolıwın qáleseń biyday ek, eger on jıl párawan jasawın qáleseń terek ek, eger júz jıldan artıq párawan jasawın qáleseń jaslarǵa bilim ber", degen gápin yadqa alar ekenbiz, ne ushın bıyılǵı jıldı Prezidentimiz "Insan qádiri, sapalı bilimlendiriw jılı" dep atama beriwge usınıs etkenligin túsinemiz. Búgin shın mániste Ózbekstan – jaslar mámleketi! Hár bir perzenttiń arzıw-qálewleri ushın qos qanat bermekte. Atap aytqanda, Jurtbasshımız Shavkat Mirziyoyevtıń tikkeley baslaması hám belsendiligi menen sońǵı jıllar mámleketimiz jasları ómirinde túp burılıslar dáwri boldı. Ótken jaqın jıllar aralıǵında jaslar sıyasatı nátiyjeliligin asırıw maqsetinde 100den aslam nızam hám nızam astı hújjetleri qabıl etildi. Ásirese, 2021-jıl "Jaslardı qollap quwatlaw hám xalıqtıń salamatlıǵın bekkemlew jılı", dep járiyalap, mámleket dástúrin qabıl qılǵanlıǵı bul tarawdaǵı jumıslardı ulıwma jańasha basqıshqa kóterdi. . 2016-jılı 14-sentyabrdegi Ózbekstan Respublikasınıń "Jaslarǵa tiyisli mámleket sıyasatı haqqında"ǵı nızamı, Ózbekstanda jaslarǵa tiyisli mámleket sıyasatın 2025-jılǵa shekem rawajlandırıw koncepsiyası, 2019-2023-jıllarǵa mólsherlengen "Dene tárbiya hám ǵalabalıq sporttı rawajlandırıw koncepsiyası, 2020-2025-jıllarda mólsherlengen "Kıtapqumarlıqtı rawajlandırıw hám qollap quwatlaw milliy dástúri" usılar qatarında.

Berdaq babamızdıń "Jigit bolsań arıslanday tuwılǵan, xizmet etkil udayına xalıq ushın", degen qosıq qatarlarınan-aq, watanımızdıń tınıshlıǵın saqlaw, onı sırtqı dushpanlardan qorǵaw aádiwllı minnet ekenligin sezinemiz., Álbette, bul jolda eń aldı menen jutımızdıń qurallı -kúshleriniń miyneti jemisli. Sonlıqtan, 1993-jılı 14-yanvar kúni pútkil elimizde " Watan qorǵawshılar kúni" dep belgilenip, hár jılı saltanatlı bayram sıpatında ótkerilip kelmekte.

Prezidentimiz Sh.M.Mirziyoev 2022-jılı 14-yanvar sánesinde óziniń shiǵip sóylegen sózinde: "... milliy armiyamız hár qanday basqınshılıq hám qáwip-qáterge qarsı múnásip soqqı bere alatuǵın el-jurt tayanıshı hám súyenishine jaslar hám áskeriy xizmetshilerdi watansúyiwshilik ruwxında tárbiyalawdıń tiykarǵı institutina aylanadi" dep er azamatlarimizǵa jáne de joqari baha berdi hám óz isenimin bildirdi. Rasında da, milliy armiyamızdıń óz kúsh-qúdireti menen sırtqı dushpanlardan qorqay alıwına hesh qanday gúman joq.Óz jurtınıń shın perzenti, el ǵayratkeri, ǵárezsizligimizdiń tiykarın salǵan I.A.Karimov atamızdıń "Eger biz bir bolsaq, bir maqset jolında jámlessek, bizdi heshkim sırttan kelip jawlap ala almaydı", degen sózin esapqa alıp, sonı aytıwım múmkin, biz jaslar, prezidentimiz basshılıǵında "Jańa Ózbekstanda erkin hám páráwán jasayıq" uranı astında jámlesiwdi dawam ettirip, aldıǵa qoyǵan iygilikli maqsetlerimiz hám erteńgi taǵdirimizdi intellektual dárejesimız, oy-órisimiz hám óz-ózimizge bolǵan talapshańlıǵımızdı asırıwımız arqalı bekkemlewimiz zárúr.
"Biz ushın Qaraqalpaqstannıń jetiskenligi - pútkil Ózbekstannıń jetiskenligi, Qaraqalpaqstannıń táshwishi - pútkil Ózbeksttannıń táshwishi, degen ideya hámme waqıtta ámeliy háreketlerdiń baǵdarı bolıp kelgen hám bunnan keyinde sonday bolıp qaladı! Bizdiń baslı maqsetimiz - birgelikli miynetimiz benen Jańa Ózbekstan hár tárepleme rawajlanǵan, abat hám paraxat Jańa Qaraqalpaqstandı qurıw", degen edi Prezidentimizdiń parlament hám xalqımızda jollaǵan múrájátnamasında.
Álbette, biz jaslar bul ullı maqset sheńberinde birlesip, watanımızdıń rawajlaniwina óz úlesimizdi qosıp, elimizdiń bayraqların elede joqarılarǵa kóteriwde kúsh-jigerimizdi ayanbay xiymet etemiz! Sonlıqtan, hár bir insan jurtımızda tınıshlıq hám turaqlılıqtı saqlaw hám qorǵaw, jarqın keleshegımızdı qurıw jolında shın júrekten jan kúydirip, elim dep, jurtım dep janıp jasawımız lazım. Umıtpayıq, hár bir insanniń keleshegi óziniń qolında. Al watanımızdıń keleshegi biz jaslardıń qolında! Ana watanım - bul meniń altın besigim! Men hámiyshe jurtımızdıń rawajlanıwına óz úlesimdi qosıp , elimizdiń bayraǵın elede joqarıǵa kóteretuǵın ana watanıma sadıq perzent bolaman!

Paydalanilǵan ádebiyatlar:

1. I. A. Kárimov " Yuksak ma'naviyat - yenglismas kush" Tashkent -2008.
2. Mirziyoyev Sh.M. Buyuk kelajagimizni mard va olijanob halqimiz bilan birga quramiz. – T.: “O‘zbekiston”, 2017 yil. – 488 b.
Maxmudov Y.F, Xudoyqulov X.J. “Milliy g’urur-ma’naviy komillik mezoni”.T,