Zbekiston respublikasi milliy gvardiyasi harbiy-texnik instituti

O‘ZBEKISTON RESPUBLIKASI MILLIY GVARDIYASI
HARBIY-TEXNIK INSTITUTI


Xizmat doirasida foydalanish uchun
__________ nusxa


O‘ZBEKISTON RESPUBLIKASI
MILLIY GVARDIYASI BO‘LINMALARINI
JAMOAT TARTIBINI TA’MINLASH BO‘YICHA O‘QUV KURSLARIDA TAYYORLASH


O’QUV QO’LLANMA
Toshkent-2019
BBК-67.412
М-42

O‘quv qo‘llanma O‘zbekiston Respublikasi Milliy gvardiyasi Harbiy-texnik instituti Kengashining 2019 yil 09 noyabr kunidagi 1-sonli bayonnomasi bilan nashrga tavsiya etilgan.

Azizov S.X., Dadaboyev X.V., Rasulmetov M.N., Choriyev M.R., Nurmuxammedova G.Z. O‘zbekiston Respublikasi Milliy gvardiyasi bo‘linmalarini jamoat tartibini ta’minlash bo‘yicha o‘quv kurslarida tayyorlash. O‘zbekiston Respublikasi Milliy gvardiyasi Harbiy-texnik instituti, O‘quv qo‘llanma. – Toshkent, 2019. – 168 b.

Mazkur o‘quv qo‘llanma Milliy gvardiya bo‘linmalari tomonidan jamoat osoyishtaligini ta’minlash, fuqarolarning qonuniy manfaatlarini g‘ayriqonuniy xurujlardan asrash, fuqarolarning tinch mehnat qilishi va dam olishi uchun zarur shart-sharoitlarni yaratib berishdan iborat bo‘lgan asosiy vazifalarini ro‘yobga chiqarish masalalarini yoritish maqsadida tayyorlangan.

O‘quv qo‘llanma Milliy gvardiya jamoat xavfsizligini saqlash va fuqarolarning xavfsizligini ta’minlash vazifalarini bajaruvchi bo‘linmalarining harbiy xizmatchilari, tinglovchilar hamda kursantlar uchun mo‘ljallangan.


© O‘zbekiston Respublikasi Milliy gvardiyasi Harbiy-texnik instituti, 2019
KIRISH

“...bugungi kunda biz “Xavfsiz shahar-xavfsiz mamlakat” konsepsiyasi asosida yurtimizda jamoat tartibini ta’minlashga qaratilgan katta ishlarni amalga oshirmoqdamiz. Shu munosabat bilan mana shu yangi tuzilma, ya’ni, Milliy gvardiya tashkil etildi. Endi bundan buyon har bir shahar va viloyatda xavfsiz hudud loyihasini amalga oshirish, jamoat tartibini saqlash uchun Ichki ishlar vazirligi bilan birga Milliy gvardiya mas’ul va javobgar etib belgilanadi”