Zbekiston respublikasi toshkent shahar hokimining qarori
Download 26.01 Kb. Pdf ko'rish
|
O’ZBEKISTON RESPUBLIKASI TOSHKENT SHAHAR HOKIMINING QARORI №. 85
2015 yil 5 fevral Toshkent shahrida yoshlar o’rtasida jinoyatchilik va huquqbuzarliklarni oldini olishga qaratilgan qo’shimcha chora-tadbirlar to’g’risida
Toshkent shahridagi yoshlar, ayniqsa voyaga yetmaganlar o’rtasida nazoratsizlik va huquqbuzarliklarni hamda jinoyatchilikni oldini olinishi bo’yicha barcha profilaktik tadbirlar amalga oshirib kelinayotganligiga qaramasdan, ushbu tadbirlar Yetarli samara bermayotganligi natijasida yoshlar, ayniqsa voyaga yetmaganlar o’rtasida nazoratsizlik va xuquqbuzarlik hamda jinoyatlar sodir etish, ular orasida tarbiyasi og’ir, darslarga muntazam ravishda qatnashmaydigan bolalar ishtirokida alohida guruh va to’dalar tashkil etish, ularni o’zlari bilan o’tkir tig’li va inson hayotiga xavf yetkazishi mumkin bo’lgan buyumlar (sovuq qurollar tarkibiga kiruvchi pichoq, xanjar, bigiz va kastet, bita, to’qmoq), inson sog’ligiga qarshi ta`sir etuvchi kimyoviy moddalar (maxsus sachratguvchi gaz va boshqalar) hamda elektr toki o’tkazuvchi jixozlari (maxsus elektratok o’tkazuvchi moslama) va boshqa shu kabi har xil qurollarni yonlarida olib yurish holatlari uchramoqda. Amalga oshirilayotgan chora-tadbirlarga qaramasdan 2014 yil yakunlariga ko’ra sodir etilgan qotillik jinoyatlari 18,45 foizga oshgan bo’lib, bu jinoyatlarning 19,6 foizi yoshlar, 2,4 foizi voyaga yetmaganlar tomonidan sodir etilgan. Toshkent shahrida huquqni muhofaza qiluvchi idoralar tomonidan jinoyatchilik va huquqbuzarliklarni bartaraf etish, shuningdek “Voyaga yetmaganlar o’rtasida nazoratsizlik va huquqbuzarliklarning profilaktikasi to’g’risida”gi ("O’zbekiston Respublikasi qonun xujjatlari to’plami", 2010 yil, 39- son, 341-modda), “Huquqbuzarliklar profilaktikasi to’g’risida”gi ("O’zbekiston Respublikasi qonun hujjatlari to’plami", 2014 yil 19 may, 20-son, 22-modda) O’zbekiston Respublikasining Qonunlari, O’zbekiston Respublikasi Prezidentining 2014 yil 6 fevraldagi “O’zbekiston Respublikasida Yoshlarga oid davlat siyosatini amalga oshirishga qaratilgan qo’shimcha chora-tadbirlar to’g’risida”gi PQ-2124- sonli qarori talablariga asosan, yoshlar, ayniqsa voyaga yetmaganlar xavfsizligini ta`minlash borasida olib borilayotgap ishlarni yanada kuchaytirish maqsadida, Toshkent shahar Ichki ishlar bosh boshqarmasining murojaatini inobatga olib,
QAROR QILAMAN: 1. Toshkent shahridagi umumta`lim va o’rta maxsus ta`lim muassasalariga o’tkir tig’li va inson hayotiga havf yetkazishi mumkin bo’lgan buyumlar (sovuq qurollar tarkibiga kiruvchi pichoq, xanjar, bigiz va kastet, bita, to’qmoq), inson sog’lig’iga qarshi ta`sir etuvchi kimyoviy moddalar (maxsus sachratguvchi gaz va boshqalar) hamda elektr toki o’tkazuvchi jixozlari (maxsus elektra tok o’tkazuvchi moslama) (keyingi o’rinlarda - “taqiqlangan buyumlar” deb yuritiladi) olib kirishni belgilangan tartibda taqiqlash choralari ko’rilsin. 2.
O’rta maxsus kasb-hunar ta`limi boshqarmasi (F.Inoyatov), Xalq ta`limi bosh boshqarmasi (I.Akbarov), Voyaga yetmaganlar ishlari bo’yicha shahar komissiyasi (A.Yusupov), tuman hokimlari, Toshkent shahar IIBB (M.Adilov) bilan birgalikda: ta`lim muassasalarida yoshlar, ayniksa voyaga yetmaganlar o’rtasida ma`naviy-ahloqiy xislatlarni buzuvchi, zo’ravonlik, shafqatsizlik va pornografik, shuningdek, soxta diniy mafkurani targ’ib qiluvchi, o’quvchi yoshlarni salbiy harakatlarga undovchi harakatlarini oldini olish maqsadida, ta`lim muassasalari binosiga kirish-chiqish tartibi qoidalari ishlab chiqilsin va ta`lim muassasasining ichki qoidalariga o’zgartirishlar kiritilishini ta`minlansin; yoshlar, ayniqsa voyaga yetmaganlarning hayoti va sog’lig’iga tahdid soluvchi turli harakatlarni oldini olish va ularning xavfsizligini ta`minlash, ta`lim muassasasining kirish-chiqish tartibini amalda joriy qilish maqsadida, mas`ul xodimlar va ichki ishlar organlari profilaktika inspektorlari bo’lgan maxsus ishchi guruhlar tuzilsin; o’quvchilarni binoga kirish joyida taqiqlangan buyumlarni olib kirilishini oldini olish yuzasidan tuzilgan maxsus ishchi guruhlar tomonidan tegishli choralar ko’rilsin; o’quvchilar yonida taqiqlangan buyumlar aniqlangan takdirda, belgilangan tartibda rasmiylashtirilib, olib qo’yish choralari ko’rilsin va ota-onasi xabardorligida yashash manzilidagi voyaga yetmaganlar ishlari bo’yicha komissiyasiga hujjatlar yuborilishi ta`minlansin; haftada kamida bir marta joylarda maxsus ishchi guruh a`zolari ishtirokida ma`naviy-ahloqiy xislatlarni buzuvchi, zo’ravonlik, shafqatsizlik va pornografik, shuningdek reaktsion-sektant, soxta diniy mafkurani targ’ib qiluvchi, atrofdagilarni salbiy harakatlarga undovchi materiallardan iborat bo’lgan, ko’rgazma, fon sifatida xizmat qiluvchi rasmlar, audio-video yozuvlar, chizma va suratli tasvirlar, ovozli video roliklarni namoyish qilinishi va tarqatishini oldini olish bo’yicha targ’ibot va tashviqot ishlari olib borilsin; tuman hokimliklari xuzuridagi Voyaga yetmaganlar ishlari bo’yicha komissiya majlislarida ta`lim
muassasalaridagi o’quvchilarning yonidan taqiqlangan buyumlar hamda o’quvchilarning hayoti, sog’lig’i, ma`naviyati va xulqiga xavf solishi mumkin bo’lgan boshqa predmetlar topilganligi to’g’risidagi hujjatlar favqulodda hodisa sifatida tanqidiy va keskin muhokama qilinishi ta`minlansin; ta`lim muassasasi pedagog xodimlari va o’quvchilarni kiyinish madaniyatiga rioya etilishi, ta`lim muassasasining ichki-tartib qoidalariga amal qilinishi doimiy ravishda o’rganib borilsin. 3.
Voyaga yetmaganlar ishlari bo’yicha shahar komissiyasi (A.Yusupov), tuman hokimlari, Ichki ishlar bosh boshqarmasi (M.Adilov), Sog’liqni saqlash bosh boshqarmasi (B.Mamajonov) “Mahalla” hayriya jamoat fondi Toshkent shahar bo’limi (J.Inog’omov), Kamolot YOIH Toshkent shahar Kengashi (M.Zuparov) bilan hamkorlikda: Mazkur qaror qonuniy kuchga kirgan kundan boshlab, inson xayotiga xavf Yetkazishi mumkin bo’lgan taqiqlangan buyumlar, turli holatlarda insonlarga
qarshi ishlatilganda qanday oqibatlarni keltirib chiqqanligi va kelib chikishi mumkin bo’lgan hodisalar haqida aholi, yoshlar, ayniqsa voyaga yetmaganlar o’rtasida, yashash va ish joylarida targ’ibot va tashviqot ishlari olib borilishi kuchaytirilsin. Ichki ishlar bosh boshqarmasi (M.Adilov): Yuqoridagi holatlar yuzasidan qonun buzilish holatlari aniqlangan taqdirda qonuniy ta`sir choralarini qo’llash ta`minlansin. 4.
Axborot xizmati (X.Ermatov), “Kompyuterlashtirish markazi” DUK (M.Asamov): mazkur qaror rasmiy e`lon qilinsin hamda www.toshkent.uz Web-saytiga joylashtirilsin. 5.
Mazkur qaror rasmiy e`lon qilingan kundan kuchga kiradi. 6.
Mazkur qarorning bajarilishini nazorat qilish Toshkent shahar hokimining o’rinbosari SH.Turdiqulov va Ichki ishlar bosh boshqarmasi boshlig’i M.Adilov zimmasiga yuklatilsin.
Toshkent shahar hokimi
R.Usmanov Download 26.01 Kb. Do'stlaringiz bilan baham: |
ma'muriyatiga murojaat qiling