Ïóë ìàáëà¨ëàðè ¦àðàêàòè ¦èñîáè, апудити ва та¦лили
Download 0.64 Mb. Pdf ko'rish
|
Kitob 3048 uzsmart.uz
|
I bob bo’yicha xulosa Xo’jalik yurituvchi sub’ektlarning pul mablag’laridan foydalanishni to’g’ri yo’lga qo’yishda, avvalo, pul mablag’larining hisobi, auditi va tahliliga muhim e’tibor qaratish lozim. Ma’lumki, mustaqillikka erishilgan vaqtdan boshlab respublikamiz buxgalteriya tizimida muhim islohotlar o’tkazilib, uni bosqichma-bosqich xalqaro andozalarga moslashtirmoqda. Buxgalteriya hisobi uzoq vaqtlar davlat mulki ustidan markazlashtirilgan hisob olib borishning vositasi bo’lib keldi. Respublikamiz mustaqillikka erishganidan keyin buxgalteriya hisobi sohasida ham bir qator o’zgarishlar sodir 31 bo’ldi. Bugungi kunda buxgalteriya hisobining ayrim tomonlari davr talabiga to’la javob bermay qoldi. Bozor iqtisodiyotiga bosqichma-bosqich o’tish va bozor munosabatlarini rivojlantirish buxgalteriya hisobini ham isloh qilishni taqozo etmoqda. Bu masalada iqtisodchi olimlarimiz o’z fikr mulohazalarini bildirib, turli xil qarashlar, munozaralar olib borishmoqda. Bozor iqtisodiyoti sharoitida buxgalteriya hisobini tashkil qilish va yuritishni isloh qilish, shuningdek buxgalteriya hisobi hisobvaraqlar rejasini xalqaro hisob standartlariga moslashtirish, buxgalteriya hisobi va auditning milliy standartlarini ishlab chiqish va ularni amaliyotda qo’llash hamda har bir tarmoq xususiyatlariga mo’ljallangan hisob uslubiyatlarini ishlab chiqish borasida bir talay ishlar qilinmoqda. Hozirgi kunda dunyodagi 100 dan ortiq mamlakatda buxgalteriya hisobi yagona yondoshuv asosida yuritilmoqda, ammo har bir alohida olingan mamlakatda uning iqtisodiyoti, mulkchilik tizimi va xo’jalik yuritish tizmining xususiyatlarini hisobga olgan holda, mana shu xususiyatlarni nazarda tutuvchi milliy andozalarni qabul qilish orqali hisobga olinadi. Buxgalteriya hisobi va hisobotini xalqaro talablarga muvofiq o’zgartirish keyingi vaqtlarda O’zbekiston uchun tobora dolzarb ishga aylanmoqda. Bunga, birinchidan, xalqaro bozorlarda ish olib boradigan kompaniyalar o’rtasida munosib muomala tili bo’lishini talab qiluvchi jahon iqtisodiyotining rivojlanishi, ikkinchidan, xalqaro andozalarni chuqur o’rganish va ularni mamlakatimiz amaliyotida keng qo’llanish zarurligi sabab bo’lmoqda. Shu boisdan ham buxgalteriya hisobining milliy andozalarini ishlab chiqishda bevosita xalqaro andozalarga tayanmoqda. Buxgalteriya hisobining milliy andozalarini amalga kiritish zarurati asosan buxgalteriya hisobining bazaviy qoidalari va tamoyillarini tushuntirish va umumlashtirish, asosiy tushunchalarni bayon qilish, u yoki bu buxgalteriya usullarini hisobga olgan holda O’zbekiston Respublikasida hisobning o’ziga xos xususiyatlarini qo’llashdan iboratdir. Respublikamizda pul mablag’larini buxgalteriya hisobida aks ettirishni tartibga solish maqsadida buxgalteriya hisobining milliy andozalari ishlab chiqilgan. |
