1. Autik bolalar bilan ishlash uchun korreksion dastur Maqsadi

Guliston Davlat Universiteti Pedagogika fakulteti Pedagogika va psixologiya yo'nalishi 53-19-guruh talabasi Ergasheva Zulfiyaning tayyorlagan dasturi


1.Autik bolalar bilan ishlash uchun korreksion
dastur
Maqsadi: Bolalarda muloqot ko’nikmalarini shakllantirish, bilish jarayonlarini rivojlantirish.
Vazifasi: -Bolalarda muloqotga kirishishdagi muommolar bo’yicha ishlash.
-o’quvchilarda bilish jarayonlarini rivojlantirish.
Trening o’tkazish shakli :Guruhiy
Vaqti: 35-40 daqiqa
Reja:

№	Trening qismlari	Davomiyligi	Jihoz va vositalar	Maqsadi
1.	Kirish Trening qoidalari, maqsad va vazifalari bilan tanishtirish	2 daqiqa	A3 qog’oz (qoidalar uchun)	Trening haqida ularda tushuncha hosil qilib olish
	Tanishuv qismi: “Doira ichida doira”	5 daqiqa		Ishtirokchilarda bir-birlariga nisbatan iliq muhit hosil qilish
2.	Asosiy qism. “Savatcha mashqi”	6 daqiqa	Meva va sabzavotlar rasmi tushirilgan A4 qog’oz	Mashq o’quvchilarda diqqat, mantiqiy tafakkurni rivojlantiradi, guruhlarga ajrata olish qobiliyatini va fikrlash tezligini oshiradi
	“Ortiqchasini top”	7 daqiqa	Maxsus rasmlar tushirilgan A4 qog’ozlar	O’quvchilarda diqqat va mantiqiy tafakkurni rivojlantirish
	“Vizual terapiya”	10 daqiqa	Kolonka	Tinglashni rivojlantirish
3.	Yakuniy qism Treningni yakunlash Refleksiya Yakunlash(aylana bo’ylab)	5 daqiqa	Stullar	Ijobiy ustanovkani mustahkamlash

1.Kirish
Trening qoidalari, maqsad va vazifalari bilan tanishtirish.
Trening qoidalari:
-o’zaro hurmat
-tinglash
-faollik
-ko’ngilli ishtirok
Maqsadi: Bolalarda muloqot ko’nikmalarini shakllantirish, bilish jarayonlarini rivojlantirish.
Vazifasi: -Bolalarda muloqotga kirishishdagi muommolar bo’yicha ishlash.
-o’quvchilarda bilish jarayonlarini rivojlantirish.
Tanishuv qismi: “Doira ichida doira”
O’tkazilish tartibi: Guruh ishtirokchilarining yarmi stollarini olib doira hosil qilishadi. Guruhning boshqa ishtirokchilari bu guruh atrofidan ikkinchi doirani hosil qilishadi va birinchi doira ishtirokchilari o’zlarining ismlarini aytishadi va ismlarini bosh harfi bilan boshlanuvchi ijobiy jihatlarini aytib o’tishadi. Masalan: Nargiza-nafis

2.Asosiy qism
“Savatcha mashqi”
Maqsad: Mashq o’quvchilarda diqqat, mantiqiy tafakkurni rivojlantiradi, guruhlarga ajrata olish qobiliyatini va fikrlash tezligini oshiradi.
Mashqning borishi: Ishtirokchilar ikki guruhga ajratiladi. Birinchi guruhga mevalarni, ikkinchi guruhga sabzavotlarni olib o’z savatchalariga solish so’raladi.Vazifani tez va to’g’ri bajargan guruh g’olib hisoblanadi.
“Ortiqchasini top”
Maqsad: o’quvchilarda diqqat va mantiqiy tafakkurni rivojlantirish.
Mashqning borishi: Olib boruvchi o’quvchilarga 3tasi bitta umumiylikka ega bo’lgan va bittasi ulardan farq qiluvchi 4 ta rasmdan iborat A4 qog’ozlar tarqatadi. Bolalar ulardan ortiqchasini topishlari lozim bo’ladi.
“Vizual terapiya”
Maqsadi: turli vizual texnologiyalar yordamida muloqot qilish ko’nikmalarini shakllantirish.
Mashqning borishi: O’quvchilarga turli ovozlar qo’yib beriladi, ular eshitib nimaning ovozi ekanini aniqlashlari lozim.
3.Yakuniy qism
Treningni yakunlash: Refleksiya Yakunlash(aylana bo’ylab)
Aylana bo’ylab hamma o’z taassurotlari bilan bo’lishadilar. Ishtirokchilarga aylana bo’ylab mashg’ulotda nima yoqqani-yu, nima yoqmaganligi haqida fikr bildirishlari, jamoaning qaysidir a’zosiga yoki butun jamoaga nimanidir aytishni eslaridan chiqargan bo’lsalar, aytishlari mumkinligi ma’lum qilinadi. Bu mashqni trener o’z taassurotlarini aytishi bilan boshlashi ham mumkin, lekin buni oxirida qilgani ma’qul – chunki ishtirokchilar boshlovchidan keyin gapiradigan bo’lishsa, o’zlarining salbiy mulohazalarini bildirmay qolishi mumkin.