1-Boshlovchi: Assalomu alaykum aziz mehmonlar Otalaru onalar, qalbi ummonlar

1-Boshlovchi: Assalomu alaykum aziz mehmonlar
Otalaru onalar, qalbi ummonlar
Assalom ustozlar, siz mehribonlar
Assalom sizlarga, ey mehribonlar
2-Boslovchi: Salomdan boshlamoq – xalqim odati
Salomli bolaning bor saodati
Salomlashmoq insonga xos go`zal odat
Nasib bo`lsin barchamizga baxt-u saodat
O`qituvchi: Assalomu alaykum aziz mehmonlar, hurmatli ustozlar, jonkuyar ota-onalar-u asaldan shirin bolalar. Bugun biz ushbu bilim dargohiga jonajon maktabimizga barchangizni quchoq ochib chorladik. Buning boisi bor albatta, sababi kechagina maktabga o`zining ilk qadamlarini qo`ygan 1-sinf o`quvchilari o`zlarining eng ajoyib bayramlarini nishonlash arafasida turibdilar. Uch oygina muqaddam bu o`quvchilar yurakda hayajon bilan jonajon maktabimiz ostonasini bosib o`tishgan edi. Mana shu o`tgan qisqa vaqt ichida ular anchagina mehnat qilishdi va bugungi kunda alifbodagi barcha harflarni tanib o`qish-yozish ko`nikmasini egalladi. Shu sababli bugungi tantanani savodxonlik bayrami deb atadik. Bayramimizga xush kelibsiz aziz mehmonlar. Aziz bolajonlarimizning shodligiga sherik bo`ling.
1-Boshlovchi: Endi davramizga aziz bolajonlarimiz 1-D sinf o`quvchilarini taklif etamiz.
Bolalar kirishadi. Madhiya aytiladi.
O`quvchi: So`zimning boshi salom
Salom eng yaxshi kalom
Shuning uchun avvalo
Onajonlar Assalom
O`quvchi: Bizga ilm o`rgatgan
To`g`ri yo`lni ko`rsatgan
Mehribon-u talabchan
Aziz ustozlar, sizga Assalomu alaykum
O`quvchi: Yaxshi o`rtoq dugona
Bir-biriga parvona
Mening uchun yagona
Sinfdoshlarim, sizga Assolomu alaykum
O`quvchi: Muborak ayyomingiz
Dillar quvonchga to`lsin
Alifbe bayramingiz
Barchaga qutluq bo`lsin
1-Boshlovchi: Ayting qani azizlar
Baxtyor o`g`il-qizlar
Nechun keldik bu yerga
Nechun bor yosh ko`ngilda
O`quvchi: Bugun bizda zo`r quvonch
Yurakka shodlik to`lgan
Savodxonlik bayrami
Bizni bunga keltirgan
2-Boshlovchi: Qanday qilib savodxon
Bo`lib oldingiz chunon
O`quvchi: Alifbe bo`ldi sirdosh
Ilm yo`lida yo`ldosh
Sochdi ziyo nurini
Bo`lib misoli quyosh
O`quvchi: Avval kitob varaqlab
Suratlar axtarardim
Rasmi yo`q betga
Zerikishli qarardim
Endi olib kitobni
Shirillatib o`qiyman
Go`yo quchib oftobni
O`zim ham sher to`qiyman
O`quvchi: Bilsangiz bor bir kitob
Kitoblarning bobosi
Kitobmas go`yo oftob
Yo`qdir uning bahosi
O`quvchi: Bu bayram sababkori
Bilimlar poydevori
Ma`noli shirin so`zi
Qani alifbe o`zi
O`quvchi: Alifbeni chaqirsak
Baravar qarsak chalsak
Kelar bizga mehmonga
Shu ajoyib makonga
Hamma: Alifbejon kelaqol
Bizga mehmon bo`laqol
Alifbe: Assalom bolajonlar
Aqli soz bilag`onlar
Bugun shodlik muborak
Savodxonlik muborak
Hamma: Raxmat senga Alifbe
Raxmat senga Alifbe
Alifbe: Ayting nelar bildingiz
Ne sirlar o`rgandingiz
Menga sovg`a bo`lsin deb
Nelar tayyorladingiz
O`quvchi: Chiziqchalar chizishni
O`qishni va yozishni
Husnixat-u qiroat
Sendan o`rganndik faqat
Alifbe: Qani ayting nechta xarf
Nechta tovush bor menda
O`quvchi: 29 harf bildik, 30 tovush bor senda
Alifbe: Qani harflar so`zlasin
Tartib bilan tizilib
Bolajonlar so`zini
Eshitay maza qilib
O`quvchi: Bilimlar mamlakati
Boshlanar Alifbodan
30 ta do`stimiz bor
Bizlarning alifbodan
O`quvchi: Alifboni o`rgangan
Bolalar jim turmaydi
Harflar tilga kirib
Odamlarday so`zlaydi
Boshlovchi: harflar tilga kirsa
A: Assalom avvalo, aziz jonajon, Alla aytib katta qilgan onajon
B: Buyuk bobosi bor boshida bu kun
Butun el taniydi yurtimni bugun
D: Dildan deyman doim jon tanim, O`zbekiston mening vatanim
E: Elim deb, yurtim deb yashayman har vaqt
El-yurt baxti mening baxtimdir abad
F: Fido bo`lsin, mayli bu jonim
Faqat omon bo`lsin ona vatanim
G: Gulla go`zal gulgin diyorim
Gul maskanim, O`zbekistonim
H: Hayotim, hur o`lkam, baxtimdir faqat
Hur o`lkam baxti deb yashaymiz har vaqt
I: I harfini bildingiz, ishda ilg`or bo`ldingiz
Iroda, Izzat, Ikrom istagi o`qish tamom
J: Jaranglaydi jajji sho`x sozim, Jahon tanir bugun ovozim
K: Kamolingni kulib yashayman
Yurtim jamolinga boqib to`ymayman
L: Lolaman, lov-lov yonar yuragim, Xalqqa mehnat orzu-tilagim
M: Mana men mardona, mashxur makonman
Siz tug`ilib o`sgan O`zbegistonman
N: Non aziz non bilan, hayotdir inson
Non ushog`in ko`zga surgin bolajon
O: Ona yurt, onajon O`zbekistonim, Ona kabi aziz jon-u jahonim
P: Poytaxtim – Toshkentim, porlagin yurtim,
Paxtaga kon makon O`zbekistonim
Q: Qo`limda qalamim, she`r bitay sizga,
Onajon, doston kam tarifingizga
T: To`yinga to`yona, tilda dostonim,
31 yoshing muborak O`zbekistonim
R: Roxatbaxsh yurt bir jannat makon,
Rost so`zlasam bu O`zbekiston
S: Salom sevimligim, serquyosh diyor, Senga aytaman alyor
U: Unutmang ustozim har so`zingiz
Umrbod yodimda ulkan mehringiz
Y: Yillar o`tib, yillar kelibdi, Yurtim 31 yoshga to`libdi
O`quvchi: Mana bizni bildingiz, So`zga quloq soldingiz
Bolalar bizni bilar, Bilganni baxti kular
1-Boshlovchi: Barakalla bolajonlar Alifbodagi barcha harflarni tanib olibsiz.
2-Boshlovchi: Lekin shu harflarni qo`shib so`zlar ham yoza olasizmi?
O`quvchi: Albatta bu harflarni qo`shib, o`zimiz uchun sevimli bo`lgan vatan, ota-ona, ustoz kabi so`zlarni hech qiynalmay yoza olamiz. Marhamat, hozir sizlar buning guvohi bo`lasiz
O`quvchi: Bizni bag`riga bosgan bolalar yayrab o`sgan. Yuksalaver yildan yilga, O`zbekiston, jon vatan.
O`quvchi: Farzandiga jon fido, Tinib tinchimaz aslo
Bardam salomat bo`ling, Ota-onam doimo
O`quvchi: Bilimlar mamlakati makon aylagan bizda,
Ta`zim-u rahmat deymiz, sizday aziz ustozga
Alifbe: Bolajonlar siz mendan ko`p narsalar bilibsiz
Bilim to`la konimdan dur-u gavhar teribsiz
Fursat yetdi siz bilan hayrlashib ketaman
Do`stim o`qish kitobni endi taklif etaman
Hamma: Hayr Alifbejonim
O`qish kitobi: Salom aziz bolalar, chiroyli gul-lolalar
Menchi o`qish kitobman, nur sochgan oy oftobman
Yoninggizga keldim men, kerakligim bildim men
Hamma: Kitobim xush kelding sen
Dilni xushnud etding sen
O`qish kitobi: Bolajonlar yuzimni, Iflos qilib qo`ymangiz,
Yirtib zar varag`imni, Ko`p uyatga qolmangiz
Bolalar: Kitobim bo`l hotirjam, Ozor bermaymiz hech ham
O`qish kitobi: Men bir chuqur quduqman, Limmolimdir suvlarim
Qonib-qonib ichsangiz, Bahongiz besh do`stlarim
O`quvchi: Ey kitobjon, tashnamiz, Tinchlik zilol suvinga
Seni kutar chanqoq dil, Oq poyondoz yo`lingga
O`qish kitobi: Shunchaki o`qish qilmas kifoya, Diqqating jamla
O`qigin uqib, Har yer har joydan o`qima cho`qib
Hamma: Xo`p bo`ladi kitobim, xotirjam bo`l, oftobim
Matematika kitobi: ,,Matematika” o`zim, Quyoshday issiq yuzim
Raqamlardan boshlanar, Tinglasangiz har so`zim
Boshlovchi: Aziz bolajonlar, sizga bilim berib o`qish yozishni o`rgatgan, chin yurakdan halol mehnat qilayotgan aziz ustozimizni chin dildan tabriklaymiz.
O`quvchi: Rahmat sizga ustozim, Bizni jondan sevdingiz
Ongimzni uyg`otib, Bilim-saboq berdingiz
O`quvchi: Bizni sevib onadek, Sira tinim bilmaysiz
Mehnatingiz serf qilib, Doim bizni o`ylaysiz
O`quvchi: Aziz ustoz, biz uchun Bo`ling doim salomat
Ta`zim sizga, hurmat sizga, Ustoz sizga ko`p rahmat
Boshlovchi: Endi onajonlarimiz haqida she`r tinglaymiz
O`quvchi: Dunyoga keldim-u, men sizni ko`rdim
Mehr bulog`idan kuch-quvvat oldim
Nomingiz ushbu kun she`rimga soldim
Munisam, mushfiqam onajonim
O`quvchi: Oromdan voz kechib, bo`lib parvona
Dardimni oldingiz, siz yona-yona
Olamda tengi yo`q sizsiz yagona
Munisam, mushfiqim onajonim
Boshlovchi: Endi navbat bayramimizning badiiy qismiga
O`quvchi: Ona yurtim omon bo`l, shudir yolg`iz tilagim
Sen uchun, vatan uchun yonib yashar yuragim
O`quvchi: Hayr, aziz mehmonlar, ota-ona, ustozlar
Barchangizga ming rahmat, bo`ling doim salomat

1. Bobolarday oqil bo`lishga

2. Yurtboshimday yurtni sevishga
3. Vatanimni ko`zday saqlashga
4. Xalq ishonching oqlashga
5. Ustozlar o`gitin dildan oqlashga
6. Yaxshi-yomon ishni bilishga
7. Ona yurtga kerak bo`lishga
8. Doim ulug` ishlar qilishga
9. Onam sutin dildan oqlashga
10. Kerak bo`lsa jonim berishga
Qasamyoq qilamiz
O`qituvchining so`zi: