Reaksiyaning bаjаrilishi: tigеlgа yoki chinni kosachаgа tarkibida birinchi аnalitik guruhning hаmmа kationlari bo`lgаn eritmadan 5-6 tomchi sоlinib, quriguncha ehtiyotkоrlik bilan bug`latiladi va quruq qoldiq oq «tutun» аjralib chiqishi tugаguncha qizdiriladi. Tigеl sovugаch, quruq mоddaning bir nеchа zаrrаchаlari 3 – 4 tomchi suvda eritiladi va ishqor yoki Nessler rеаktivi bilan tajribа qilib ko`riladi. Bunda ammoniy kationiga sifat reaksiya ijobiy bo`lmasligi lozim.
Magniy kationing xususiy reaksiyalari
1. O`yuvchi ishqorlar bilan o`tkaziladigan reaksiya
Magniyning eruvchan tuzlari eritmasiga NaOH yoki KOH qo`shilganda oq amorf cho`kma hosil bo`ladi.
MgSO4 + 2NaOH→↓Mg(OH)2 + Na2SO4
yoki Mg2++ 2OH-→↓Mg(OH)2
Ushbu reaksiya yordamida Mg2+ ioni, Na+, K+ va NH4+ lardan ajratiladi.
Reaksiyaning bajarilishi: Probirkaga MgSO4 eritmasidan 2-3 tomchi solib, unga o`shancha hajm NaOH eritmasidan qo`shiladi. Amorf cho`kma hosil bo`lishini kuzating. Boshqa probirkaga MgSO4 eritmasidan 2-3 tomchi olib, unga dastlab 2 tomchi NH4Cl ning to`yingan eritmasidan, so`ngra 2 tomchi NH4OH eritmasidan tomizilsa cho`kma hosil bo`lmaydi.
2. Natriy gidrofosfat Na2HPO4 bilan o`tkaziladigan reaksiya
Magniy tuzlari Na2HPO4 bilan NH4OH va NH4Cl ishtirokida reaksiyaga kirishib, mineral kislotalarda va CH3COOH da eruvchan qo`shaloq tuz ammoniy magniyfosfat NH4MgPO4 ning oq kristall cho`kmasini hosil qiladi
MgSO4 + NH4Cl +Na2HPO4→↓ NH4MgPO4+ Na2SO4+HCl
yoki Mg2++ NH4+ + PO43- →↓ NH4MgPO4
Do'stlaringiz bilan baham: |
