1. Кириш Ишлаб чиқаришнинг назарий асослари

Аммоний фосфатлар ва аммофос ишлаб чиқаришнинг физик-кимёвий хусусиятлари. Аммоний фосфатлари ишлаб чиқариш учун аммиак ва ортофосфат кислота (экстракцияли ҳам, термик ҳам) хомашё ҳисобланади. Фосфат кислотани аммиак билан нейтраллаш кўп миқдордаги иссиқлик ажралиши билан содир бўлади:
H₃PO₄(с)  NH₃(г)  NH₄H₂PO₄(қ)  147 кж
Н₃РО₄(с)  2NH₃(г)  (NH₄)₂HPO₄(қ)  215 кж
кўринадики, жараённи АВ чизиқ бўйича амалга ошириш натижасида энг кўп миқдордаги моноаммонийфосфат олишга эришилади. Таркибида 40% Н₃РО₄ (~29% Р₂О₅) бўлган экстракцион фосфат кислотани нейтраллашда ҳаттоки 25^ОС ҳароратда ҳам кристалларнинг унуми унчалик кўп бўлмайди (С нуқтадаги система). Концентрланган фосфат кислотани (75% Н₃РО₄ ёки 54% Р₂О₅) нейтралланишидаги системанинг таркиби D нуқтага мувофиқ келади ва ҳосил бўладиган қаттиқ фазанинг миқдори 75^ОС дан юқори ҳароратда ҳам энг кўп бўлади. Бунга реакциянинг иссиқлиги ҳисобига бир қисм сувнинг буғланиши ҳам ёрдам беради.
Аммофос ишлаб чиқаришда қўшимчалар билан ифлосланган экстракцион фосфат кислота ишлатилганлиги учун, унинг аммиак билан рН3 гача нейтраллаш жараёнида RPO₄∙2H₂O туридаги темир ва алюминийнинг ўрта фосфатлари ва темир алюминий аммоний фосфатлари – NH₄(Fe,Al)(HPO₄)₂∙0,5H₂O, дикальцийфосфат СаНРО₄∙2Н₂О, гипс, фторидли ва фторсиликатли тузлар, магнийаммонийфосфат NH₄MgPO₄∙H₂O ажралиб чиқади, суюқ фазада эса аммоний сульфат пайдо бўлади.
Фосфат кислотани аммонийлаштиришда, таркибида аммоний фосфатлари, эркин фосфат кислота, сув ва чўкадиган қўшимчалар бўлган кислотали суспензия ҳосил бўлади. Аммиакнинг ютилиш меъёри бўйича суспензия миқдори ва компонентларнинг таркиби ҳамда ҳароратнинг ортиши худди унинг хоссаси – рН қиймати, қаттиқ фазалар эрувчанлиги, қовушқоқлиги (оқувчанлиги) ва бошқалар каби мунтазам ўзгариб туради.
Тўйинган сувли эритма устидаги аммиакнинг мувозанатли босими NH₃:Н₃РО₄ моляр нисбатига боғлиқдир Унга эса водород кўрсаткич – рН қиймати боғлиқ рН қиймати орқали жараённи бошқариб турилади. 25^ОС да NH₃:Н₃РО₄ моляр нисбати 1,45 га яқин бўлган тўйинган эритма максимал зичлик ва қовушқоқликка эга бўлади. Суспензия таркибининг ўзгариши уларнинг суюқ фазаларининг қайнаш ҳароратига катта таъсир кўрсатади, буни концентрлаш ва сувсизлантиришнинг оптимал тартиб (режим) ларини танлашда эътиборга олиш лозимдир.

Аммоний фосфатлар тўйинган сувли эритмалари устидаги аммиак босимининг NH₃:Н₃РО₄ моляр нисбатига боғлиқлиги.

65-75^ОС ҳароратдаги аммоний фосфатлар тўйинган эритмалари рН қийматининг NH₃:Н₃РО₄ моляр нисбатига боғлиқлиги.