1-kurs 308-22 topar oqıwshısı Sipatdinov Dawranbektin’ Akademiyalıq jazıw

Soraw: Hu’kimetimiz tárepinen qabiliyetli jaslardı qollap-quwatlaw tek ğana qag’az ju’zinde qalıp atirg’anday túyilmedime sizge?
Juwap: Jaslarǵa qaratılǵan itibar tek tilde emes, bálki ámelde de óz tastıyıqın taptı. Atap aytqanda, nawqıran áwlad wákillerin qollap-quwatlaw ushın hár bir rayon (qala) da “Jaslar dápteri” fondları dúzildi hám de olarda 231, 8 milliard swm muǵdarında aqsha qáliplestirildi. Bul aqshalar hám basqa derekler esabınan “Jaslar dápteri”degi 430 mıń jigit-qızǵa 300 milliard swm muǵdarında járdem kórsetildi. Bul jaysha kún keshirimge ajıratılǵan aqsha emes. Kerisinshe, jigit-qızlardıń kelesi jetkilikli turmısın qurıwı ushın ajıratılǵan nátiyjeli investitsiya bolıp tabıladı.
Búgin jaslar bántligin támiyinlew kún tártibindegi zárúrli máselelerden biri. Biraq kópshilik mákemeler ele arnawlı bir kásiplik kónlikpege iye bolmaǵan jigit-qızlardan kóre, tájiriybeli insanlardı jumısqa alıwdı maqul kóredi. Sol orında jaslardı jumısqa alǵan kárxana hám shólkemler ushın bir qatar jeńilliklerdiń engizilgeni júda jaqsı boldı. Atap aytqanda, jumıs beretuǵınlarǵa olardıń 25 jastan aspaǵan jumısshı-xizmetkerleri ushın esaplanǵan social salıq summasın byudjetten tolıq qaytarıp beriw tártibi engizildi. Kásip-óner mektep hám texnikumlar oqıwshılarına kárxanalarda ámeliyat o'tegen dáwiri ushın 6 ay dawamında 500 mıń swmnan subsidiya beriw tártibi engizildi. Bul jumıs beretuǵın ushın da, jumıs úyreniwshi ushın birdey mápli usınıs.
Jurtımızda isbilermenlikti qollap-quwatlaw boyınsha jaratılǵan múmkinshilikler haqqında sóz ketkende sońǵı tórt jılda 30 jasqa deyingi isbilermenler sanı 5 ese kóbeyip, 500 mıńnan asqanın qanaatlanıwshılıq penen atap kórsetiw kerek. Olar iskerligine jaqınnan kómeklesiw maqsetinde investitsiyalar hám sırtqı sawda ministrligi janında Jas isbilermenlerdi qollap-quwatlaw fondı shólkemlestirilip, Tikleniw hám Rawajlanıw fondı qarjları esabınan 100 million AQSH dolları ajıratıldı. Bul zárúrli qollap-quwatlaw ekenin tarawdıń wákilleri jaqsı biledi
Barlıq iskerlik tarawlarǵa nomerlesiwdin keń hám aktiv qollanıp atırǵanı informacion-kommunikaciya texnologiyalarınan paydalanıw ilimin tereń iyelegen kadrlarǵa mútajlikti asırıp atır. Ásirese, IT qánigelerine dúnya kóleminde talap joqarı. Sonı itibarǵa alıp, aymaqlarda 134 Cifrlı texnologiyalar oqıw orayı dúzildi. “Bir million programmist” joybarı sheńberinde 168 mıń jigit-qız kompyuter programmalastırıw tiykarları boyınsha biypul oqıtıldı ha’m bul joybar boyınsha tálim alğan jaslarğa úyrengen tarawı boyınsha sertifikatlar berildi. Bul sertifikat arqalı jaslar payızsız kredit aliw arqalı kompyuter satıp alıwı múmkin. Yağnıy 7.5 million swm mug’darda 24 ayg’a kredit ajıratıladı hám kredit payızın “Jaslar ágentligi” tólep beriwdi o’z moynına aldı. Bul degeni sonsha jas bir kásipti iyelep, jeke mútájlikleri ushın pul tabıw múmkinshiligine iye boldı.
Jaslardıń pul tabıwdı úyrengeni, ata-anasına, shańaraǵına járdemshi bolǵanı quwanarlı. Biraq xalqımız mudam materiallıq párawanlıqtı ruwxıylıq penen uyqas halda kórip kelgen. 2020-2025-jıllarda kıtapxanlıq mádeniyatın rawajlandırıw hám qollap-quwatlaw milliy programmasınıń qabıl etilgeni de mine sol qádiriyattıń ámeliy ańlatpası bolıp tabıladı. Onıń dáslepki nıshanası retinde “Bilim karvonı” joybarı sheńberinde jaslarǵa 4 millionnan artıq kitap jetkizip berildi. Kıtapxanlıq ulıwma milliy háreketke aylanıp, “Jas kıtapxan” hám de “Jas kıtapxan shańaraq” kórik-tańlawın ótkeriw dástúr kórinisine kirdi. Nátiyjede 11 dana jas kitapxan hám de 2 kitapxan jas shańaraq Prezident sıylıǵı — “Spark” avtomashinası menen táǵdirlendi. Bul umtılıw-háreketti kıtapxanlıqqa úndew boyınsha dúnyada alternativı joq joybar retinde bahalaw múmkin.
Juwmaq etip aytqanda, jetkinshektiń bilimli, kásip-ónerli, húr pikirli bolıp erjetiwi, múnásip dáramat tabıwı ushın barlıq zárúr sharayat hám múmkinshilik jaratıp berildi. Ózbekstannıń jaslar menen islew boyınsha tájiriybesi kem ushraytuǵın esaplanıp, shet el mámleketlerdiń jaslar shólkemleri hám ekspertleriniń tán alıwına iye bolıp kelmekte. Mámleketimiz jaslar mámleketi sıpatında xalıq aralıq maydanǵa shıqpaqta. Bul múmkinshiliklerdi joqarı qádirlew hám olardan nátiyjeli paydalanıw, mámleketimiz rawajlanıwına bilimimiz hám miynetimiz benen úles qosıw bárshemizdiń perzentlik minnetimiz bolıp tabıladı.