1-amaliy mashg`ulot: SON. SONNING GRAMMATIK MA`NOSI MORFOLOGIK BELGILARI, SINTAKTIK VAZIFASI.
1-ilova
Mashqlar bajarish
184-mashq. O‘qing. Numerativ so‘z bilan birga qo‘llangan sonlarni aniqlab, numerativ so‘zlarning ma’nosini izohlang.
1. O‘zlaringni zo‘rlab bo‘lsa ham bir qoshiq-yarim qoshiqdan ovqat ichinglar! (N. S.) 2. Mayning yettilariga borib urug‘ sochish kerak! (S. Ahm.) 3. — Qayvaqtda bo‘lgan bo‘lishi mumkin?—Bundan o‘n asrlar muqaddam, do‘stim. (N. Biryukov.) 4. Soatiga atigi olti milya yo‘l bosyapmiz. (Yu. Smuul.) 5. Bir yillik xirojni — uch yuz ming dinorni oldindan yubortirdi. (S. B.) 6. U turgan joydan ellik qadamlarcha narida trassa ko‘kimtir chiroqlar bilan yoritilgan. (N. Biryukov.) 7. Ichkariga kir, uka. Biron piyola choy ich! (S. Ahm.) 8. SHtirlits soatiga qaradi: roppa-rosa yetti. (Yu. Semyonov.) 9. Uch-to‘rt oygina bo‘lsa ham diydoriga to‘ydirib ketdi. (S. Ahm.) 10. Zulfiqorovning xotini bitta qiyiqchada uch-to‘rtta anor, bir kilodan mo‘lroq sariq kishmish olib keldi. (A. Q.) 11. ...O‘n ming juftdan ortiq ko‘zlar bahaybat qoyali tog‘larga tikildi. (N. Biryukov.) 12. Uzoqda, taxminan, uch chaqirim narida tog‘ tizmasi ko‘rinib turardi. (F. Muhammadiev).
Do'stlaringiz bilan baham: |