1-mavzu. Davlat xaridlari jarayonini tashkil etishning huquqiy asoslari Reja

affillangan shaxsi 
davlat xaridlari bo‘yicha savdolarda bitta lotda ishtirok etishiga 
cheklov belgilandi. Bu bilan nosog‘lom raqobatning oldi olinishi nazarda tutilgan.
Yana bir muhim jihat – davlat xaridlari sohasida ochiqlik va shaffoflikni 
ta’minlash maqsadida xarid qilish tartib-taomillari ishtirokchilari va davlat xaridlari 
ijrochilariga o‘zlarining ta’sischilari va benefitsiar mulkdorlarini ochiqlash 
majburiyati yuklatildi. 
Qonunning qabul qilinganligi xalqaro reytinglarda mamlakatimiz natijalarini 
yaxshilash, iqtisodiyotni yanada modernizatsiyalash bo‘yicha davlat investitsiya 
dasturlarini samarali amalga oshirish, mahalliy ishlab chiqaruvchilar va kichik biznes 
sub’ektlarini qo‘llab-quvvatlash hamda mamlakat iqtisodiyotiga xorijiy 
investitsiyalarni jalb etish imkonini yanada oshiradi. 
Qonunda boshqa tushunchalar bilan birga quyidagi asosiy tushunchalarga ham 
ta’rif beriladi: 
benefitsiar mulkdor — pirovardida mulk huquqlariga egalik qiladigan yoki 
tovarlar (ishlar, xizmatlar) yetkazib beruvchini amalda nazorat qiladigan jismoniy 
shaxs; 
boshlang‘ich narxni pasaytirish uchun o‘tkaziladigan auksion — davlat 
xaridlari elektron tizimining maxsus platformasida davlat xaridlarini amalga 
oshirishning raqobatli usuli bo‘lib, uni tashkil etish chog‘ida narx g‘olibni 
aniqlashning yagona mezoni bo‘ladi; 
davlat buyurtmachisi — davlat xaridlarini amalga oshiruvchi yuridik shaxs; 
davlat xaridlari — davlat buyurtmachilarining tovarlarga (ishlarga, 
xizmatlarga) bo‘lgan ehtiyojlarini pulli asosda ta’minlash jarayoni; 
davlat xaridlari to‘g‘risidagi shartnoma — davlat buyurtmachisi va davlat 
xaridlarining ijrochisi o‘rtasidagi davlat xaridlari bo‘yicha huquqlar va 
majburiyatlarni belgilash, o‘zgartirish yoki bekor qilish to‘g‘risidagi kelishuv; 
davlat xaridlarining sub’ektlari — davlat buyurtmachisi, xarid qilish tartib-
taomillari ishtirokchisi, davlat xaridlarining ijrochisi, xarid komissiyasi, davlat 
xaridlari elektron tizimining operatori, ixtisoslashgan tashkilot va ekspert, ekspert 
tashkiloti;