1-Мавзу. Макроиқтисодиёт фанининг предмети, мақсади ва вазифалари

Ўзбекистон Республикаси асосий макроиқтисодий кўрсаткичларининг 2017 йил учун прогнози

№	Кўрсаткичлар	2016 йилга нисбатан фоизда
1.	Ялпи ички махсулот (ЯИМ)	107,8
2.	Истеъмол нархлари индекси (2016 йил декабр ойига нисбатан)	5,7 – 6,7 %
3.	Саноат махсулотлари хажми	106,9
4.	Қишлоқ хўжалиги махсулотлари хажми	106,2
5.	Капитал қўйилмалар қиймати	109,6
6.	Чакана савдо айланмаси қиймати	114,2
7.	Давлат бюджети камомати (ЯИМга нисбатан %да)	1,0

• 2017 йилда Ўзбекистон иқтисодиётида ички талабни рағбатлантириш ва ишлаб чиқариш ҳажмларини кенгайтириш орқали иқтисодий ўсишнинг 7,8 фоизлик суръатларини таъминлаш прогноз қилинмоқда.

• Иқтисодиётнинг бундай юқори ўсиш суръатлари қуйидаги асосий омиллар ҳисобига таъминланиши кўзда тутилмоқда:
• – фаол инвестиция сиёсатини давом эттириш ҳисобига асосий капиталга йўналтирилган жами инвестициялар ҳажми 9,6 фоизга ошиши;
• – саноат соҳасида таркибий ўзгартиришларни чуқурлаштириб бориш, хусусан, ишлаб чиқаришни техник ва технологик жиҳатдан узлуксиз янгилаб бориш, саноатни модернизация ва диверсификация қилишни изчил давом эттириш, шунингдек, юқори қўшилган қийматга эга бўлган маҳсулотлар ишлаб чиқаришнинг ҳажми ва турини кенгайтириб бориш ҳисобига соҳанинг (қурилишни инобатга олган ҳолда) 6,9 фоизга ўсиши;

• – қишлоқ хўжалигини ислоҳ қилиш ва ривожлантириш, шунингдек, соҳада маҳсулот ишлаб чиқаришни диверсификация қилиш ва ҳосилдорликни ошириб боришга қаратилган дастурий вазифа ва чора-тадбирлар амалга оширилиши ҳисобига қишлоқ хўжалигида ишлаб чиқариладиган маҳсулотлар ҳажмининг 6,2 фоизга ошиши;
• – хизматлар кўрсатувчи тармоқларнинг (ахборот ва алоқа, юк ташиш ва сақлаш, савдо, умумий овқатланиш ва бошқалар) илдам суръатларда ривожлантирилиши ҳамда кичик бизнес ва тадбиркорликнинг тез суръатларда ривожланишини таъминлаш, соҳа субъектлари фаолиятини молия­вий қўллаб-қувватлаш ишларини давом эттириш ва қулай ишбилармонлик шароитларини яратиш бўйича тизимли, аниқ мақсадли ва дастурий чора-тадбирларнинг амалга оширилиши ҳисобига чакана савдо айланмаси ҳажми 14,2 фоизгача ошиши прогноз қилинмоқда.