1-mavzu: O’zbekiston tarixi fanining predmeti, uni o’rganishning nazariy-metodologik asoslari

14-MAVZU: O’ZBEKISTONNING DAVLAT MUSTAQILLIGINI QO’LGA
KIRITIShI VA UNING TARIXIY AHAMIYaTI. DEMOKRATIK HUQUQIY
DAVLAT VA FUQAROLIK JAMIYaTI ASOSLARINING BARPO ETILIShI. 
Reja:
1. O’zbekiston davlat mustaqilligining e’lon qilinishi va uning tarixiy ahamiyati.
2.O’zbekiston Respublikasining Konstitutsiyasi.
3.O’zbekistonda huquqiy demokratik davlat asoslarining barpo etilishi.
4.O’zbekistonda demokratik fuqarolik jamiyat asoslarini yaratilishi.
Tayanch so’z va iboralar: Istiqlol, islohot, Qonun chiqaruvchi, ijro etuvchi
va sud hokimiyati, parlament, ko’ppartiyaviylik, Oliy Majlis, Prezidentlik–
respublika boshqaruvi, Vazirlar Mahkamasi, jamiyat, modernizasiya, siyosiy
partiyalar, mudofaa va tashqi ishlar vazirliklari, milliy xavfsizlik xizmati, Davlat
bojxona va soliq qo’mitalari, konsernlar, korporasiyalar, hissadorlik jamiyatlari,
uyushmalar, qishloq, ovul, mahalla oqsoqollari, Xotin-qizlar qumitasi, ikkipalatali
parlament.
-I-
Respublika Oliy Kengashining XII chaqiriq navbatdan tashqari sessiyasi 1991
yil 31 avgustda o’z ishini boshladi. O’zbekistonning mustaqil davlat deb e’lon

---

qilinishida mazkur sessiya katta tarixiy ahamiyatga ega bo’ldi. Unda «O’zbekiston
Respublikasining davlat mustaqilligi to’g’risida" hamda "O’zbekiston
Respublikasining davlat bayrog’i to’g’risida"gi masalalar kun tartibiga qo’yilib,
qizg’in muhokama qilindi. Oliy Kengash deputatlari moddama-modda muhokamadan
so’ng O’zbekiston Respublikasining Davlat mustaqilligi to’g’risidagi qonunni
qabul qildilar. So’ngra Respublika Davlat mustaqilligi to’g’risidagi Bayonot qabul
qilindi. O’zbekiston SSRning nomi O’zbekiston Respublikasi deb o’zgartirildi. 
Mustaqillik belgilangan kun 1 sentyabr 1991 yildan boshlab milliy bayram va
dam olish kuni deb e’lon qilindi. O’zbekiston Respublikasi mustaqilligi haqidagi bu
hujjatlar o’zbek xalqining asriy orzusi ro’yobga chiqqanligining huquqiy ifodasi
bo’ldi. 
O’zbekiston Respublikasining davlat mustaqilligi e’lon qilinishi bilan
birga Davlat mustaqilligi bilan bog’liq qonunlar tizimini yaratish zarur edi.
O’zbekiston erishgan istiqiqlolni mustahkamlash uchun mamlakatda referendum
o’tkazishga qaror qilindi. 1991 yili 18 noyabrda Oliy Kengash VIII sessiyasi