1-mavzu: “qurilish iqtisodiyoti” fanining predmeti, maqsadi, mazmuni va vazifalari

1.2. “Qurilish iqtisodiyoti” fanining predmeti, ob’yekti va mazmuni.
Fanning boshqa ijtimoiy-iqtisodiy fanlar bilan bog‘liqligi

Har qanday fan kabi “Qurilish iqtisodiyoti” fanining ham o’rganish predmeti mavjud. “Qurilish iqtisodiyoti” fanining predmeti bozor iqtisodiyoti sharoitida respublikamizda qurilish iqtisodiyotining shakllanishi va rivojlanishini o’rganishdan iboratdir.

“Qurilish iqtisodiyoti” fanining ob’yekti bo’lib xalq xo’jaligining qurilish tarmog’i, qurilish kompleksi, qurilish korxonalari va bevosita qurilish jarayoning o’zi hisoblanadi.
Resurslarni o’rganishda fanda qurilish tashkilotlarining asosiy ishlab chiqarish fondlari, aylanma mablag’lari, qurilishning moddiy-texnik ta’minoti tizimi, qurilishning moddiy-texnik bazasi ko’rib chiqiladi.
“Qurilish iqtisodiyoti” fanida quyidagi umumiy holatlar yoritilgan:

• 
  zamonaviy sharoitlarda kapital qurilishda investitsiyalar iqtisodiy samaradorligi;
  
• 
  investitsion loyihalarning texnik-iqtisodiy asoslanishi va qurilishni loyihalashning iqtisodiy asoslari;
  
• 
  qurilish mahsulotlari bozori sharoitida qurilish tashkilotlarining xo’jalik faoliyatiga ta’sir ko’rsatadigan omillar;
  
• 
  xarajatlarni minimallashtirish sharoitida eng yaxshi natijalarga erishish maqsadida qurilish ishlab chiqarishini korxona doirasida rejalashtirish masalalariga yangicha yondashish;
  
• 
  mulkchilikning turli shakllarida qurilish-montaj tashkilotlarining boshqaruv shakllari;
  
• 
  zamonaviy sharoitlarda qurilishni moliyalash va kreditlash;
  
• 
  buxgalteriya hisobi va hisobot tizimi;
  
• 
  qurilish tashkilotining xo’jalik faoliyatini tahlil qilish usullari;
  
• 
  qurilishda investitsion jarayoni qatnashchilarining o’zaro iqtisodiy munosabatlari.
  

“Qurilish iqtisodiyoti” fani qator iqtisodiy va muxandislik fanlari bilan chambarcha bo’liq. Bular:

• 
  umumiqtisodiy fanlar (iqtisodiyot nazariyasi, mikro- va makroiqtisodiyot, menejment asoslari va b.);
  
• 
  maxsus qurilish fanlari (qurilish ishlab chiqarish texnologiyasi, arxitektura, qurilish ishlab chiqarishini tashkil etish, qurilish konstruksiyalari, qurilish materiallari, qurilish mashinalari va b.);
  

maxsus iqtisodiy fanlar (ishlab chiqarish va xo’jalik faoliyati tahlili, qurilishda boshqarish, moliya va kredit, buxgalteriya hisobi, statistika va b.).