1-mavzu: tovar ishlov berish fani va uning vazifalari reja

Kanop tolasining xossalari

№	Xossalari	Birlamchi tola	Ikkilamchi tola
1	Poyadagi tola miqdori, %	30-56	70-44
2	Pishiqligi, kg	31,3	23,8
3	Metrik nomeri, Nm	117	336

Tolaning pishiqligi hosilni yig’ish muddatiga bog’liq. Ilgariroq yig’ilgan poya tolasining pishiqligi kam bo’ladi, kechroq yig’ilib olingan sari pishiqligi ortib boradi. Kanop poyasida 20-22% gacha tola bo’ladi.

Birlamchi va ikkilamchi tola dastasining uzunligi bo’yicha pishiqligi, kgk hisobida (poyaning uzunligi 2, 9 m, yo’g’onligi - 9, 1 mm).
Texnik kanop tolasi
Kanop poyasida pektin moddalari yordamida yopishgan oddiy tolalar poya uzunligi bo’yicha dasta-dasta bo’lib cho’zilgan (-rasm).
Bu uzluksiz dastalar ko’ndalangiga ham bir-biri bilan butun poya bo’yicha birlashib, egiluvchan to’r hosil qiladi. Egiluvchan to’r poyaning hamma konstruktsiyasini egiluvchan qilib, uni sinishdan asraydi hamda ichki qatlamni himoya qiladi.
Ikkilamchi qatlam tolalar dastasi ham to’rga o’xshab tuzilgan. Bu to’r ko’p qavatli bo’ladi. Birlamchi tola to’ri bilan ikkilamchi tola to’ri orasida bog’lanish bo’lmaydi, ularni osongina ajratish mumkin.
Tolalar yuqorida bayon qilinganidek tuzilishi texnik tola deb yuritiladi, chunki poyadan o’sha holatda tolasi ajratilib, fabrikaga yuboriladi. Texnik tolaning asosiy xususiyatlaridan biri uning pishiqligi hamda egiluvchanligidir. Texnik tolaning pishiqligi oddiy tolalarning pishiqligi hamda uzunligi va yo’g’onligiga bog’liq bo’ladi. Uzun va ingichka tolalar bir-biri bilan yaxshiroq yopishib, texnik tolaning pishiqligini oshiradi.