1-Ámeliy jumís waqíTLÍ HÁm fazalíq kommutaciyalaw bloklaríNÍŃ DÚziliw principin úyreniw

1-ÁMELIY JUMÍS
WAQÍTLÍ HÁM FAZALÍQ KOMMUTACIYALAW BLOKLARÍNÍŃ DÚZILIW PRINCIPIN ÚYRENIW
1.1. Jumıstan maqset
Cifrlı kommutaciyalaw sistemasınıń kommutaciya maydanınıń wazıypası hám dúziliw principin úyreniw, baylanıstı ornatıw, waqıtlı hám keńisliktegi islew usılları menen tanısıwdan ibarat.
1.2. Tapsırma
1. Ámeliy jumısqa tayarlanıw processinde tómendegi oqıw materiallardıń: lekciyalar tekstiniń 5-bólimin,[1] ádebiyattıń 1 bólimlerin úyreniw hám keltirilgen qadaǵalaw sorawlarına tayarlanıw zárúr.
2. Ózińiz jańa pedagogikalıq texnologiya túrleri boyınsha kommutaciyalaw usıların hám bloklardıń dúziliw principin keltiriń.
1. 3. Teoriyalıq bólim
Ulıwma túsinikler.Kommutaciya maydan (KM) telefon stanciyaları hám túyinleriniń tiykarǵı elementlerinen bolıp, jalǵaw apparatları kompleksinen ibarat. Kommutaciya maydanı járdeminde onıń kiriw hám shıǵıw liniyaları arasında baylanıs traktı ornatıladı.
Kommutaciya maydanı telefon stanciyaları hám túyinleri hámde olardaǵı basqarıw apparatı dúzilisin belgilep beredi. Ol N kiriw hám M shıǵıw liniyaları (kanalları) menen anıqlanatuǵın kólemi (sıyımlılıqı), liniyalarınıń (kanallardıń) bólistiriliw usılı, onı qurıw ushın isletilgen kommutaciya úskenesi, kiriw hám shıǵıw liniyaları arasındaǵı bos liniyalardı izlew tártibi, ishki dúzilisi (zvenolar hám basqıshlar sanı), ótkizgishlik qábileti hám baylanıstı joytıw kórsetkishleri boyınsha siyasiy gruppalanadı. Mısalı, kanallardı keńislik, waqıt yamasa basqa bir yamasa bir neshe bólistiriw usılı boyınsha kommutaciya maydanın qurıw múmkin. Eń kóp tarqalǵanı keńislik, waqıt hám sol eki usıldıń birgelikte qollanıwı esaplanadı.
Keńislik bolıw tiykarında qurılǵan KM nıń qurılıs principlerı
Kommutaciya maydanı ádetde bir neshe bólek bólimlerden dúziledi.
1.1-suwrette kórsetilgen kommutaciya maydanı A,V hám S bólimlerden shólkemlesken bolıp, N kiriw liniyalari menen M shıǵıw liniyaları V1 hám V2 aralıq liniyaları arqalı jalǵanadı. Bul liniyalar arasındaǵı koefficient tómendegishe ańlatpalanadı:
N>V₁; V₁=V₂; V₂Bul koefficient basqa jaǵdaylarda túrlishe bolıwı múmkin.
Solay eken, A bólekte kóp sanlı kiriw liniyalari (ádetde kem isletiletuǵın) kem sanlı (ádetde kóp isletiletuǵın ulıwma) aralıq liniyalarina jalǵanadı. Keyingi v bóleginde V1 kiriw hám V2 shıǵıw liniyalari sanı birdey, S bólektegi paydalanıwshı bolsa, V2 aralıq liniyası arqalı ózinen san tárepinen kóp bolǵan M shıǵıw liniyalarına jalǵanadı. A bólim júklemeni jıynaw, S bólim bolsa júklemeni jayıw wazıypasın atqaradı. Sonı aytıp ótiw kerek, kommutaciya maydanı tek júklemeni jıynawshı (A bólegine uqsap) yamasa tek jayıwshı (S bólegine uqsap) yamasa jıynawshı hám jaynawshı emes (V bólegine uqsap) wazıypanı orınlawshı etip qurılıwı múmkin.
Kommutaciya maydanın bir neshe bólimlerge bóliniwi oǵan júklengen wazıypadan tısqarı baylanıs ornatıw usılına da baylanıslı. Eger 1.1-suwrette kórsetilgen bólimlerde baylanıs basqa bólimlerde ornatılatuǵın baylanısqa baylanıslı bolmasa, kommutaciya maydanınıń bul bólegi izlew basqıshı dep ataladı.
Kommutaciya túyini túrine qaray izlew basqıshlarınıń sanı hár túrlı:dáslepki (DI), gruppalı (GI), sızıqlı (SI) bolıwı múmkin.

1.1- súwret. Kommutaciya maydanınıń dúzilisi