1. Metrologiya boyınsha tiykarġı atama hám túsinikler

6.Informaciyalıq texnologiyaları hám kommunikaciyaların rawajlandırıw tarawında metrologiya xızmeti

#7 Standartlastırıw boyınsha mámleketlik qadaġalaw organları hám obektleri.
Respublika standartlastırıw boyınsha islerdiń dúziliwin, muwapıqlastiriliwin hám islerdiń maqul túsetuǵın dárejede alıp barılıwın tómendegi keńseler támiyinleydi:
- tarmaqlararo jóneliske belgilengen ónim boyınsha - “O'zstandart” agentligi;
- qurılıs hám qurılıs sanaatı, proektlestiriw hám konstruksiyalaw boyınsha - Ózbekstan Respublikası Mámleket arxitektura hám qurılıs komiteti;
- tábiy resurslardan paydalanıwdı jolǵa qoyıw, átirap -ortalıqtı pataslanishdan hám basqa zıyanlı tásirinlerden qorǵaw tarawı boyınsha - Ózbekstan Mámleket tábiyaattı qorǵaw komiteti;
- medicina baǵdarındaǵı ónimler, medicinalıq texnika buyımları, dárivor elementlar hám respublika sanaatı islep shıǵaratuǵın ónim quramında insan ushın zıyanlı elementlar muǵdarın tártipke salıw salasında - Ózbekstan Respublikası Den sawlıqtı saqlaw ministrligi.
Ózbekstan Respublikasında standartlastırıw boyınsha islerdi ministrlikler, texnikalıq komitetler, kárxanalar, birlespeler hám basqa mápdar shólkemlerdiń perspektivalı jobaları tiykarında dúzilgen jıllıq joba boyınsha “O'zstandart” agentligi ámelge asıradı.

#8.Sertifikatlastırıw boyınsha tiykarġı túsinikler
Sertifikatlastırıw gúwali’q beriw, belgilengenler yamasa gúwa etiw, isenim bildiriw mánislerin bildiriwshi certifus (latınsha ) sózinen alınǵan bolıp, kerekli isenimlilik penen ónimdiń arnawlı bir standartqa yamasa texnikalıq hújjetke muwapıqlıǵın úshinshi, qali’s hám tán alınǵan tárep tárepinen tastıyıqlaytuǵın iskerlikti ańlatadı. Sanaat kárxanalarında islep shıǵılıp atırǵan hár qıylı ónimler arnawlı bir sapa kórsetkishlerine ıye boli’wi’ kerek. Sapa kórsetkishleri bolsa málim, belgilengen talaplarǵa muwapıq sáykes keliwi kerek.
Muwapıqlıq óz gezeginde málim standartqa yamasa basqa normativ hújjetlerge sáykes keliwin talap etedi. Muwapıqlıqtı sertifikatlastırıw múmkin.
“Sertifikatlastiriw” túsinigi birinshi ret Xalıq aralıq standartlastırıw shólkemi ken’esinin’ sertifikatlastırıw máseleleri boyınsha arnawlı komiteti tárepinen islep shıǵılıp, onıń “Standartlastırıw, sertifikatlastırıw hám sınaq tájiriybeleriniń akkreditlew tarawlarındaǵı tiykarǵı atamaları hám olardıń qaǵıydalari” qollanbasına kirgazilgan.
Qayta islengen Xalıq aralıq standartlastırıw shólkeminiń qollanbasında “sertifikatlastiriw” termininiń tek ǵana túsindirmeleri berilgen:
Sertifikatlastırıw ulıwma termin bolıp, ónim, texnologiyalıq process hám xızmetlerdiń sertifikatlastırıwda muwapıqlıqtı sertifikatlasti’riw úshinshi táreptiń qatnasıwı hám oǵan qalıs baha beriw túsiniledi.