1. Moliya / Banklar va boshqa kredit muassasalari. Kreditlar

10599 Ko‘rilishi mumkin bo‘lgan zararlarni qoplash zaxirasi — Boshqa banklardan olinishi lozim bo‘lgan mablag‘lar (kontr-aktiv)
Hisobvaraqning ta’rifi: bankning boshqa banklarga qo‘yilgan pul mablag‘lari bo‘yicha ko‘rilishi mumkin bo‘lgan zararlarni qoplash zaxirasi hisobi olib boriladi.
Hisobvaraqning kreditida tashkil etilgan zaxira summasi va/yoki zaxira summasining o‘sishi aks ettiriladi.
Hisobvaraqning debetida zaxiraning kamayish summasi va/yoki bekor qilingan summasi aks ettiriladi.
Tahliliy hisob har bir bank bo‘yicha depozitlarga qarab alohida shaxsiy hisobvaraqlarda olib boriladi.
10700 Oldi-sotdi qimmatli qog‘ozlari
Hisobvaraqning ta’rifi: ikki turdagi “Savdoga mo‘ljallangan qimmatli qog‘ozlar” toifasidagi va (“Savdoga mo‘ljallangan” toifaga kirmaydigan) haqiqiy qiymati bo‘yicha hisobi yuritiladigan va haqiqiy qiymatining o‘zgarishi foyda va zararlar hisobotida aks ettiriladigan qimmatli qog‘ozlar hisobi yuritiladi.
10701 Davlat xazina veksellari
Hisobvaraqning ta’rifi: baholarning qisqa muddatli o‘zgarishlari natijasida foyda olish maqsadida sotib olgan yoki bank tomonidan, boshqa biror usul orqali haqiqiy qiymatining o‘zgarishi foyda va zararlar hisobotida aks etadigan qimmatli qog‘ozlar deb topilgan, hukumat tomonidan chiqarilgan xazina veksellarining hisobi yuritiladi.
Hisobvaraqiing debetida sotib olingan xazina veksellarining nominal qiymati aks ettiriladi.
Hisobvaraqning kreditida hisobdan chiqarilgan davlatning xazina veksellarining nominal qiymati aks ettiriladi.
Tahliliy hisob xazina veksellarining turi va muddati bo‘yicha alohida shaxsiy hisobvaraqlarda olib boriladi.
10705 Davlat obligatsiyalari
Hisobvaraqning ta’rifi: baholarning qisqa muddatli o‘zgarishlari natijasida foyda olish maqsadida sotib olgan yoki bank tomonidan boshqa biror usul orqali haqiqiy qiymatining o‘zgarishi foyda va zararlar hisobotida aks etadigan qimmatli qog‘ozlar deb topilgan, hukumat tomonidan chiqarilgan davlat obligatsiyalari va boshqa xazina majburiyatlarining hisobi olib boriladi.
Hisobvaraqning debetida sotib olingan davlat obligatsiyalari va boshqa xazina majburiyatlarining nominal qiymati aks ettiriladi.
Hisobvaraqning kreditida hisobdan chiqarilgan davlat obligatsiyalari va boshqa xazina majburiyatlarining nominal qiymati aks ettiriladi.
Tahliliy hisob davlat obligatsiyalari va boshqa xazina majburiyatlarining turi va muddati bo‘yicha alohida shaxsiy hisobvaraqlarda olib boriladi. Xazina veksellarining qiymati aks ettiriladi.