22206 Chet eldagi Bosh ofis/filiallarga to‘lanadigan mablag‘lar
Hisobvaraqning ta’rifi: Bankning Bosh ofisi bilan uning chet eldagi filiallari o‘rtasidagi operatsiyalar hisobi olib boriladi. Ushbu hisobvaraq uchun 16105 — “Chet eldagi Bosh ofis/filiallardan olinadigan mablag‘lar” o‘zaro mos hisobvaraqdir. Mazkur hisobvaraqlarning aylanma va qoddiq summalari bir-biriga teng bo‘lishi va jamlanma balansda ushbu hisobvraqlarda qoldiq bo‘lmasligi shart.
Hisobvaraqning kreditida Bosh bank/filiallarga to‘lanishi lozim bo‘lgan mablag‘lar aks ettiriladi.
Hisobvaraqning debetida Bosh bank/filiallar oldidagi qarzlarning qaytarilishi, shuningdek mablag‘larning noto‘g‘ri o‘tkazilishi natijasida qaytarilgan summasi aks ettiriladi.
Tahliliy hisob Bosh bank/filiallar bilan bo‘ladigan hisob-kitoblar bo‘yicha alohida shaxsiy hisobvaraqlarda olib boriladi.
22208 Bosh ofis/filiallarga filiallar va banklararo hisob-kitoblar bo‘yicha to‘lanadigan mablag‘lar — Overdraft
Hisobvaraqning ta’rifi: 16103 — “Bosh bank/filiallardan filiallararo va banklararo hisob-kitoblar bo‘yicha olinadigan mablag‘lar” hisobvarag‘ining mavjud debet qoldiq summasidan ortiq summaga to‘lovlar amalga oshgan holatda vujudga kelgan kredit qoldig‘ining hisobi yuritiladi. Mazkur hisobvaraqlarning aylanma va qoldiq summalari bir-biriga teng bo‘lshpi va jamlanma balansda ushbu hisobvaraqlarda qoddiq bo‘lmasligi shart.
Hisobvaraqning kreditida 16103 — “Bosh bank/filiallardan filiallararo va banklararo hisob-kitoblar bo‘yicha olinadigan mablag‘lar” hisobvarag‘ida vujudga kelgan kredit qoldig‘ining summasi aks ettiriladi.
Hisobvaraqning debetida 16103 — “Bosh bank/filiallardan filiallararo va banklararo hisob-kitoblar bo‘yicha olinadigan mablag‘lar” hisobvarag‘iga mablag‘lar kelib tushganda mavjud kredit qoldig‘ining qoplanish summasi aks ettiriladi.
Tahliliy hisob har bir filial bo‘yicha alohida shaxsiy hisobvaraqlarda olib boriladi.
22210 Bosh ofis/filiallarga to‘lanadigan mablag‘lar — Float
Hisobvaraqning ta’rifi: o‘rnatilgan muddat davomida taqqoslanmagan Bosh bank bilan uning filiallari o‘rtasidagi yoki bitta bankning filiallari o‘rtasidagi transaksiyalar hisobi olib boriladi. Hisobni bosh transaksiyani boshlovchi bank yuritadi. Yil oxirida ushbu hisobvaraqlar bo‘yicha qoldiq qolmasligi lozim.
Hisobvaraqning kreditida o‘rnatilgan muddat davomida hisoblab o‘tkazilmagan, shuningdek qayta tasniflangan va 22202, 22204, 22205, 22206, 22208 hisobvaraqlaridan ushbu hisobvaraqqa o‘tkazilgan mablag‘lar summasi aks ettiriladi.
Hisobvaraqning debetida tartibga solingan summa hisobdan chiqariladi.
Tahliliy hisob Bosh ofis/filiallar bilan bo‘ladigan hisob-kitoblar bo‘yicha alohida shaxsiy hisobvaraqlarda olib boriladi.
Do'stlaringiz bilan baham: |
