1. Oliy nufuzga ega bo’lish

O’z ustida ishlash. Kishining turli harakter xislatlarini oilaviy hayot jarayonida ijobiy tomonga o’zgartirib borishga intilishida o’z aksini topadi. Bu yo’nalish bo’yicha yuqori ko’rsatgichga ega bo’lgan kishilar o’z shaxslarining xarak­ter xislatlari, qobiliyatlari haqida ko’proq ma’lumotga ega bo’lishga qiziqadilar, oila talablaridan kelib chiqib u yoki bu faoliyat turlarini bajarishga tayyordirlar.
Yutuqlarga yo’nalganlik. Kishining oilaviy hayotda aniq natijalarga erishishga (masalan, o’z farzandlariga tszroq o’qish - yozishni o’rgatish, yangi uy-joy qurish, yanada mukammalroq oilaviy hayot sharoitini yaratishga) intilishlarida o’z aksini topadi. Bu yo’nalish bo’yicha yuqori ko’rsatkichga ega bo’lgan kishilar ko’pincha boshqa kishilarning oilaviy hayotlari haqida ma’lumotga ega bo’lishga qizikadilar, boshqalarning oilaviy hayotda erishgan yutuqlariga nisbatan o’z oilalarida erishgan yutuqlarining qanchalik muhimligini bilishga intiladilar.
Ma’naviy qonikish. Kishining barcha oila a’zolari bilan ruhan yaqin bo’lishga, ularni tushunishga intilishida, o’z aksini topadi. Bu yo’nalish bo’yicha yuqori ko’rsatgichga ega bo’lgan kishilar oilaviy hayotda chin sevgini, oilaviy tinchlik, osoyishtalik, o’zaro hurmatni juda qadrlaydilar va bularni oila baxtining eng muhim sharti deb hisoblaydilar.
O’zlikni saqlash. Kishining shaxsiy qarashlari, istaklari, g’oyalariga tayangan holda o’z turmush tarzini yaratishga intilishida o’z aksini topadi. Bu yo’nalish bo’yicha yuqori ko’rsatgichga ega bo’lgan kishilar ko’pincha, shaxsiy o’ziga xosligini namoyon qilib, hatto o’z oilalaridan ham mustaqil bo’lishga (masalan, ta’tilni yakka holda o’tkazishga va h.k.) Intiladilar.
Ijtimoiy hayot sohasi
Oliy nufuzga ega bo’lish. Kishining siyosiy-ijtimoiy hayotida keng tarqalgan qarashlarga rioya kilishga, ularni qabul qilishga intilishlarida o’z aksini topadi. Bu yo’nalish bo’yicha yuqori ko’rsatgichga ega bo’lgan kishilar ijtimoiy – siyosiy mavzularda faol ishtirok etishlari mumkin, lekin ular odatda o’z fikrlarini emas, balki ko’pchilik qadrlagan, e’tiqod qilgan shaxslarning g’oyalarini ilgari suradilar. Shu bilan o’zlarini yuqori toifadagi shaxslarga tenglashtirishga, ushalar doirasidagi kishilarga intilgan bo’ladilar.