1. Qabiletke pedagogikalıq psixologiyalıq xarakteristika. Pedagogikalıq qabilettiń tiykarǵı túrleri. Empatiya hám pertseptiv qabiletler

Oqıtıwshı xızmetınde pedagogikalıq qábilet. Kommunikativlik kónlikpeler hám tásir kórsetiw
J O B A S I:
1. Qabiletke pedagogikalıq psixologiyalıq xarakteristika.
2. Pedagogikalıq qabilettiń tiykarǵı túrleri.
3. Empatiya hám pertseptiv qabiletler
4. Didaktikalıq, shólkemlestiriwshilik, konstruktivlik, kommunikativlik, biliw, ańlaw qabiletleri.
5. Oqıtıwshınıń kommunikativlik qabiletiniń rawajlanıwı.
6. Isendiriw kommunikativlik tásir kórsetiwdiń tiykarǵı usılı.
7. Pedagogikalıq protsesste boysındırıwdıń áhmiyeti. Boysındırıwdıń túrleri hám formaları.
8. Isendiriw hám boysındırıwdıń óz-ara baylanısı.
T A Y A N I Sh T Ú S I N I K L E R I
Pertseptiv qábilet, didaktikalıq, konstruktivlik, kommunikativlik, ańlaw (túsiniw),talant hám aqıllılıq qabiletleri.
TEKSERIW SORAWLARI
1. Pedagogikalıq qabiletti táriyplep beriń
2. Pedagogikalıq qábilettiń tiykarǵı túrleri
3. Oqıtıwshınıń tvorchestvalıq jaǵdayın shólkemlestiriw
degende neni túsinesiz.

Tabıslı islew ushın hár bir muǵallim pedagogikalıq sheberlikke iye bolıwı zárúr. Pedagogikalıq sheberlik iyesi óz miynetin sarıplap úlken nátiyjege erisedi. Dóretiwshilik onıń bárhá járdemshisi boladı.

Pedagogikalıq sheberliktiń eń áhmiyetli elementleriniń biri-bul pedagogikalıq is-háreketke qábiletlilik bolıp esaplanadı. Qábilet hámme insanlarda bar bolıp, ol hámmede birdey bolmaydı: birewde joqarı, birewde orta hám birewde tómen dárejede bolıwı múmkin. Tek ǵana aqılı zayıl adamlarda qábiletti ushırata almaymız. Mektep oqıtıwshısınıń tiykarǵı xızmetı insandı qáliplestiriwge qaratılǵan.
Qábiletlilik xızmet protsessinde payda boladı hám rawajlanadı, qábiletlilikti rawajlandırıw ushın ziyreklilik, aqıllılıq, talant, yaǵnıy insan nerv sistemasında anatomo-fiziologik qásiyet bolıwı da zárúr. Oqıtıwshınıń ayırım psixikalıq protsesslerı onda shaxsqa tán sıpatlardıń sonday kompleksin quraydı, bunı pedagogikalıq qábilet dep atawǵa boladı. Eń áhmiyetlisi jetekshi qábiletlilikti tańlap alıwdan ibarat bolıp, olarsız muǵallim óz isıniń sheberi bola almaydı. Muǵallimnıń kásiplik jumısınıń tabıslı bolıwı pedagogikalıq uqıplılıqlarǵa baylanıslı. Pedagogikalıq qábilet muǵallimshilik tarawda tabıslı islew ushın tiykar bolıp tabıladı.
Qábilet - shaxstıń belgili bir xızmet barısındaǵı ziyrekligi hám onıń óz jumısın tabıslı orınlawındaǵı sub`ektıv shart-sharayatlardı sıpatlawshı jeke psixikalıq qásiyet bolıp esaplanadı.
2. Pedagogikalıq iskerliktiń nátiyjeli bolıwı ushın muǵallimde qábilettiń tómendegi túrleri bolıwı hám tárbiyalap jetilistiriliwi lazım.
1. Biliw qábileti -bul pánnıń tiyisli bir tarawlarına tán (matematika, fizıka, bialogiya, ádebiyat x.t.b) qábilet bolıp tabıladı. Bunday qábiletke iye bolǵan muǵallim pándi oqıw kursı menen sheklenbey, bir qansha keń hám tereńirek úyrenedi, óz páni tarawındaǵı ózgerislerdi bárhá baqlap baradı, izertlewler júrgizedi.
2. Baqlawshılıq qábileti- oqıwshınıń, tárbiyalanıwshınıń ishki dúńyasına kire alıw qábileti, oqıwshı jekkeligin hám onıń waqtinshalıq ruwxıy jaǵdayın júdá jaqsı túsine biliwi menen baylanıslı boladı. Bunday muǵallim oqıwshınıń psixologıyasındaǵı kózge ilinbeytuǵın ózgerislerdi tez bayqaydı. Oqıwshılar bunday muǵallimlerdi tez bayqaydı. Oqıwshılar bunday muǵallimler haqqında «Oqıwshınıń qapa bolǵanlıǵın, yaki sabaq tayarlamaǵanlıǵın kózinen biledi, qaralmay turǵanǵa usaydı, biraq hámme nárseni kórip turadı»- deydi.
3. Sóylew qábileti- sóz járdeminde, sonday-aq qarım-qatnas quramında óz pikirin hám sezimlerin anıq hám ayqın táriyplew qábileti. Bul oqıtıwshılıq kásibi ushın júdá zárur.