1 Sportshılar tayarlawdı basqariw

 
 
4 Sportta prognozlastırıw
Sportshılardı tayarlaw progressiv xarakterlerge iye bolıp, bir tegis hám uyısqaq 
bolıwı kerek, bunday rawajlanıw «ástelep» nátiyjeleriniń tómenlewiniń aldın alıw kerek. 
Eger prognoz nátiyjeleriniń jaqsı tárepke ózgerip atırǵanınan derek berse, 
shınıǵıwda kóbirek utıslarǵa erisiw ushın aktivlikti arttırıw kerek. Bunıń ushın bolsa 
belgili maqsetler tiykarında sport isinde jıynalǵan usıllar ótkeriledi. Sport jumıslarınıń 
prognozı shólkem-degi jumıslardı durıs uyımlastırıp hám bul shólkemler qanday baǵdar 
arqalı baratırǵanın baqlaydı. Sport prognozı mámlekettegi sporttıń rawajlanıwına juwap 
beretuǵın shólkemlerdi, trenerlerdi, komanda basshıların aldına usıl islep shıǵıwdı 
wazıypa etip qoyadı. Sonday-aq bul wazıypalardı búgingi kúnniń talabı menen sheshiwdi 
hám tek taktik usıl menen emes, al praktik usıl menen bekkemlewdi talap etedi. 
Basqarıw jumısı tábiyatına qarap shólkemlik jumısı bolıp esaplanadı hám bul onıń 
ózine tán táreplerdiń biri bolıp esaplanadı. Anıq háreketti iske asırıw ushın basqarıwdıń 
nátiyjeli qararları qabıl etiledi. 
Reje basqarıwdıń dúziliw elementi bolıp esaplanıp, ol ózine ilimiy túrde 
tiykarlanǵan prognozdı kirgizedi. Eger bunıń kerisi bolǵanda edi, onda sporta 
rejelestirilgen, belgili maqsetti gózlegen, nátiyje beriwshi háreket bolmaǵan bolar edi. 
Biziń mámleketimizde sport jumısı hám rawajlanıwı menen baylanıslı bolǵan 
táreplerge úlken itibar beriledi. Keleshekte anıq kúshler menen sportshı tayarlıǵına tásir 
etiwshi baǵdarlardı, alda turǵan olimpiada máwsiminde sportshılar háreketi processin 
basqarıw kerekligin wazıypa etip qoyadı. Solay etip prognozlastırıw hám rejelestiriw 
basqarıwdıń tiykarǵı oblastı bolıp, sport háreketleriniń dárejesin belgileydi. 
Sport prognozlastırıwdıń wazıypaları 
1. Olimpiyada oyınlarında qatnasıp atırǵan komandalardıń maqsetlerin anıqlaw. 
2. Jeńiske erisiwdiń optimal jolları hám quralları; 
3. Resurslardı anıqlaw hám qoyılǵan maqsetke erisiw; 
4. Sport prognozlawdıń metodik principleri; 
5. Jámiyetlik-ekonomikalıq maqsetlerdiń súyenishi; 

---

6. dizimliligi; 
7. úzliksiz hám qaytıw baylanısı; 
8. proporcionallıq hám optimallıq; 
9. reallıq hám obektivlik; 
10. baslanǵısh zvenoǵa bóliniw; 
11. tábiyǵıylıq; 
12. uqsaslıq.