1-tema. Jámiyettiiń informaciya resursları: dúzilisi, kólemi, klassifikaciyası Maqset

Klassifikaciya
Informaciya resursların klassifikaciyalaw túrli rásmiy hújjetler menen tártiplestiriledi: GOST 7. 60 -2003. Baspalar. Tiykarǵı túrleri. Shártler hám tariypler; GOST 7. 69 -95 Audiovizual hújjetler. Tiykarǵı atamalar hám tariypler. GOST 7. 83-2001. Elektron baspalar. Tiykarǵı túrleri hám shıǵıw maǵlıwmatları hám basqalar.
Informaciya resursları mazmunı tárepinen hár túrlilıǵı hám mazmunı tárepinen quramalılıǵı sebepli olardı xarakteristikalaw túrli kriteryalarǵa muwapıq ámelge asırıladı:
• informaciya dızbeginiń mazmunı (sociallıq-siyasiy, huqıqıy, finanslıq hám ekonomikalıq maǵlıwmatlar, kárxanalar tuwrısındaǵı maǵlıwmatlar, jer tuwrısındaǵı maǵlıwmatlar hám basqalar);
• informaciya dızbeginiń deregi (dızbektiń tolıqtırıw kórinisi): (rásmiy maǵlıwmatlar, statistikalıq, analitik maǵlıwmatlar, ólshemler nátiyjeleri, testler hám basqalar);
• informaciya dızbeginiń málim bir shólkemlestirilgen sistemaǵa tiyisli bolıwı (arxiv, kitapxana, Ishki isler ministrligi, Ayrıqsha jaǵdaylar ministrligi, NTI hám basqalar);
• múlk forması: mámleket (federal, Rossiya Federatsiyası sub'ektleri), qala, jámiyetlik shólkemleri, jeke;
• informaciya dızbeginiń maqseti (ǵalabalıq, bilimlendiriwge tiyisli, basqarıw hám b);
• informaciya dızbeginiń kólemi (ólshem birligi menen salıstıratuǵın);
• maǵlıwmatlardıń ashıqlıǵı (ashıq, jasırın, konfedenciyal);
• informaciyanı usınıw forması (tekstli, cifrlı, grafik, multimedia hám basqalar);
• tasıwshı (elektron, qaǵaz hám basqalar);
• informaciya tarqatıw usılı (global tarmaqlar, jergilikli tarmaqlar, translyatsiya, baspalar hám basqalar);
• qáliplesiw kólemi (jergilikli, regionlıq, milliy, xalıq aralıq).
Qadaǵalaw sorawları:
• Informaciya resursları túsinigin xarakteristikalap beriń.
• Zamanagóy dúnyada informaciya resurslarınıń áhmiyeti nede?
• Informaciya resursları tarawındaǵı sırtqı hám ishki tosıqlardı xarakteristikalap beriń.
• Hújjetli informaciya resurslarınıń qásiyetleri qanday?