1. Zoologiya fanini oʻrganishning ahamiyati nimadan iborat?

4. Markaziy Osiyo, jumladan Oʻzbekistonda zoologiya sohasida olib borilgan tadqiqotlar va ularning mohiyati?

Respublikamizda Oʻzbekiston Respublikasi Fanlar Akademiyasi qoshida zoologiya va parazitologiya (hozirgi vaqtda zoologiya instituti) ilmiy tekshirish institutining tashkil etilishi va universitetlar hamda pedagogika institutlarida zoologiya kafedralarining ochilishi munosabati bilan zoologiya, shu jumladan umurtqalilar zoologiyasi boʻyicha yuqori malakali kadrlar tayyorlash va ilmiy tadqiqot ishlarini olib borish borasida salmoqli ishlar qilindi. XX asrning oʻrtalari va oxirida Respublikamiz olimlari tomonidan baliqlar (L.S. Berg, G.V. Nikolʼskiy, M.O. Abdullayev, Gʻ.K. Komilov, A.O. Omonov, U.T. Mirzayev, T.V. Solixov va boshqalar), amfibiyalar va reptiliyalar (T.Z. Zohidov, O.P. Bogdanov, E.V. Vashetko, T.Ye. Yodgorov, O.V. Mitropolʼskiy va boshqalar), qushlar (A.Q. Sagitov, D.Yu. Kashkarov, E.Sh. Shernazarov, S.B. Baqoev, O.P. Bogdanov, Ye.N. Lanovenko, J.L. Laxanov, R.N. Meklenbursev, O.V. Mitropolʼskiy, B.B. Abdunazarov, M.M. Ostapenko, G.P. Tretʼyakov, A.R. Jabborov, S.E. Fundukchiev, A.N. Ayupov va boshqalar), hamda sutemizuvchilar (T.Z. Zohidov, O.P. Bogdanov, O.V. Mitropolʼskiy, G.S. Sultanov, N.N. Volojeninov, V.I. Taryannikov, V.P. Lim, I.Q. Solixboev va boshqalar) boʻyicha boy faunistik va ekologik maʼlumotlar toʻplangan. Bu tadqiqotlarning natijalari asosida 4 jildlik «Oʻzbekiston faunasi», 4 jildlik «Zoologiya ensiklopediyasi» (T.Z. Zohidov), «Qizilqum choʻli biosenozlari» (T.Z. Zohidov), 2 jildlik «Oʻrta Osiyo tabiati va hayvonot dunyosi» (T.Z. Zohidov, R.I. Meklenbursev), «Oʻzbekiston hayvonlari», «Oʻzbekistonning noyob hayvonlari» (O.P. Bagdanov), 4 jildlik «Oʻzbekiston qushlari» (A.Q. Sagitov), «Oʻzbekistonning umurtqali hayvonlari aniqlagichi» (J.L. Laxanov), «Umurtqalilar zoologiyasi» va boshqa yirik ilmiy asarlar, darsliklar, hamda oʻquv qoʻllanmalar chop etilgan. Toʻplangan faunistik va zoogeografik maʼlumotlar «Oʻzbekiston Respublikasi Qizil kitobi»ga kiritilgan hayvonlar roʻyxatini tuzishga imkon berdi(2006). Oʻzbekiston hayvonot dunyosi, shu jumladan umurtqali hayvonlari toʻgʻrisidagi qiziqarli maʼlumotlar Oʻzbekiston milliy ensiklopediyasining barcha 12 ta jildlariga ham kiritilgan (2000-2006).