10. Laboratoriya. Amilazani kraxmalǵa tásiri, kartoshka quramindaǵi tirozinazani aniqlaw. Fermentler aktivligine ortaliq pH tásiri. Fermentler termolobilligi

10.Laboratoriya.
Amilazani kraxmalǵa tásiri, kartoshka quramindaǵi tirozinazani aniqlaw.Fermentler aktivligine ortaliq pH tásiri. Fermentler termolobilligi.
Fermentlerdıń aktıvligine pH tıń tásirin uyreniw ushın bir qatar pH i hár túrli bolǵan eritpeler tayarlanadı. Bul eritpelerde ferment aktivligi anıqlanadı.
Jumıs tartibi: 10 probirka alıp hár birine kestede kórsetilgendey 2,5 ml den bufer eritpe salınadı. Bufer eritpe Na₂HPO₄ hám tsitrat (limon kislota járdeminde tayarlanadı).

Probirka nomeri	Na2HPO4 0,2 M eritpe	tsitrat 0,1 M eritpe	Bufer eritpe pH i
1 3 4 5 6 7 8 9 10	0,27 1,10 1,29 1,39 1,51 1,65 1,82 2,06 2,27 2,43	2,23 1,40 1,21 1,11 0,99 0,85 0,68 0,44 0,23 0,07	2,6 4,4 5,0 5,4 5,8 6,2 6,6 7,0 7,4 8,0

Keyin hár bir probirkaǵa 1,5 ml den kraxmaldıń 0,5 % li eritpesi hám 1,9 ml den ferment shiresi qosıladı. Probirkalardaǵı suyıqlıq jaqsılap aralastırılıp 15 minut 37⁰C da inkubatsiyaǵa qoyıladı. Kórsetilgen waqıt tamam bolǵannan soń barlıq probirkalarǵa 3-7 tamshıdan yodtıń 1% eritpesinen qosıladı hám qaysı probirkada kraxmal jaqsı maydalanǵanı anıqlanadı.
Sonıń tıykarında fermenttiń optımal pH tı tabıladı. Reaktivler: Na₂HPO₄ 0,2 M eritpesi, tsitrat kislotanıń 0,1M eritpesi, kraxmaldıń 0,5% eritpesi, ferment shiresi.
Fermentlerdiń ózine tánligi
Jumıs tártibi: Tórt probirka alıp 1 hám 3 probirkalarǵa 4-5 ml kraxmaldıń 1% li eritpesinen, 2 hám 4 probirkalarǵa bolsa 2 ml saxarozanıń 2% li eritpesinen quyıladı keyin 1 hám 2 probirkalarǵa 2 ml den suyıltırılǵan silekey eritpesinen quyıladı. Probirkalardaǵı aralaspalar jaqsı shayqatılıp 38⁰C li suw baniyasına jaylastırıladı 20 min tán soń hár bir probirkadaǵı aralaspa eki probirkaǵa bólinedi hám olardan biri menen Feling reaktsiyası ótkeziledi, ekinshisine bolsa yod tásir ettiriledi. Probirkadaǵı eritpelerdiń ózgeriwine qarap fermentlerdiń ózine tánligi haqqında pikr jurgiziledi.
Fermentlerdiń aktivligine temperaturanıń tasiri. Jumıs tartibi: 4 dana probirka alıp hár birine 5 ml den kraxmal eritpesi quyıladı hám 1,2 hám 3 probirkalarǵa 2-3 ml den suyıltırılǵan silekey eritpesinen salınadı. Probirkadaǵı aralaspalar jaqsı shayqatılıp birinshi probirka muzlı stakanǵa salınadı, ekinshisi úy temperaturasında saqlanadı, úshinshi hám tortinshi probirkalar 36-40⁰C li suw baniyasına jaylastırıladı. 10 min tán keyin suw baniyasındaǵı probirkalar suwıtılıp hámme probirkalarǵa 1-2 tamshıdan yod eritpesinen tamızıladı. Bul waqıtta birinshi probirkadaǵi aralaspa - kók reńge, ekinshisi-qızıl yamasa qızǵısh qońır, úshinshisindegi sarı hám tortınshisindegi aralaspa bolsa kók reńge boyaladı. Eger birinshi probirkadaǵı aralaspa 36-40⁰C li suw baniyasında 10 min saqlansa, kraxmaldıń gidrolizleniwi nátiyjesinde aralaspanıń reńi ózgeredi. Bul prosess tómen temperaturanıń ferment aktivligine tásirin kórsetedi.