12-мавзу. Тижорат банкларининг фоиз сиёсати 1-топшириқ

4-топшириқ.
Юридик шахс банкдан 5 млн. сўм миқдоридаги маблағни кредит линиясини очиш йўли билан олиши тўғрисида банкка мурожаат қилди. Банк ва мижоз ўртасидаги келишувга мувофиқ кредитдан фойдаланганлик учун тўлов йиллик 20 % ставкада фоиз белгиланди. Банк мижози ҳақиқатда 4 млн.сўмдан фойдаланди. Мижозга кредит линиясининг ўзлаштирилмаган қисмидан 1 % комиссион ҳақ тўланиши шартномага асосида келишилди. Бундан ташқари, банк мижозга депозит ҳисобварағида ҳақиқатда фойдаланилган кредит суммасининг 20 % миқдорида ва фойдаланилмаган қисмидан 5 % миқдорида депозит ҳисобварақларида маблағлар қолдиғи бўлишини талаб қилди. Ўша пайтда Марказий банк мажбурий захира меъёри 15 % ни ташкил қилган.
Юқоридаги маълумотлар асосида кредит баҳосини ҳисобланг.
Кредит операцияларидан олинадиган даромадни аниқланг.
Банк мижозининг ҳақиқатда фойдаланган кредит суммасини топинг.
Кредит бўйича солиққа тортилгунга қадар банк олган фойдасини ҳисобланг.


5-топшириқ.
Ҳисобот ойида банкнинг жалб қилган ресурсларнинг ўртача суммаси 7381792 минг сўм дейлик, уларга тўланадиган харажатлар суммаси 23962 минг сўмни ташкил қилган, кредит қўйилмаларининг ҳисобот ойида ўртача суммаси 3316916 минг сўмни, булардан олинган даромад еса 43237 минг сўмни ташкил қилган.
Юқоридаги маълумотлар асосида жалб қилинган ресурсларнинг ўртача қийматини ва кредит қўйилмаларининг ўртача қийматини аниқланг.
Кредит баҳосининг оптимал вариантини топиш учун тижорат банки бўйича маржани ҳисобланг?