19-Ámeliy: Máyek beretuǵın tawıqlar ushın azıqlandiriw recepitin dúziw

19-Ámeliy: Máyek beretuǵın tawıqlar ushın azıqlandiriw recepitin dúziw


Sabaqtıń maqseti: Máyek baǵdardaǵı tawıqlar ushın azıq normasın belgilew hám tolıq bahalı juǵumlı jem receptin dúziw, azıqlandiriw texnikasın úyreniw.
Metodikalıq kórsetpe. Qusshılıqda tiykarınan úsh tipdegi azıqlandırıw qollanıladı - qurǵaq, ıǵal hám aralas. Sanaat tiykarında rawajlanıp atırǵan qusshılıq fabrikalar hám xojalıqlarda tek qurǵaq tipdegi azıqlandırıw qollalanıladı. Bunda tawıqlar mineral hám vitaminler menen bayıtılǵan tolı racionli granula formasındaǵı juǵumlı jemler menen azıqlantiriladi.
Íǵal hám aralas usıllarınan kishi, jeke hám járdemshi xojalıqllarda paydalanıp, ol jaǵdayda tiykarınan masaqlı hám soblıqlı dánlerden tayarlanǵan konsentrat aralaspalar suw, maysızlantirilǵan sút, gósh buloni, shireli azıqlar (maydanlanǵan tamırmiyweliler, juǵumlı silos 1 kúnde bir basqa 40-60 g), kók ot, ot unı, dán, beloklı -vitamili pasta hám asxana qaldıqları menen aralastırıp beriledi. Bul usılda azıq ıǵallıǵı 40% ten aspaytuǵın, jeńil shashılatuǵın qospalar tayarlanadı. Bul usıldıń tiykarǵı kemshiligi sonnan ibarat, normadan zıyat ıǵal azıq qustıń tumsiǵina japısadı hám párlerdi pataslantıradı, bunnan tısqarı qaldıq azıqlar tez aynip qalıwı qáwipi bolǵanlıǵı ushın olardı tazalap turıw ushın kóp miynet sarplanadı.
Qusshılıqda qolanilatuǵın azıqlar tómendegi toparlarǵa bólinedi: uglevodli (qurǵaq), beloklı, vitaminli, minerallı hám juǵumlı jemler.
Uglevodli azıqlarǵa barlıq masaqlı dánler, kepekler, un shańı hám basqa azıqlar kiredi. Masaqlı dánlerden eń jaqsı bul - mákke, biyday, qabıqsızlantirilǵan sulı hám arpa hám de tarı esaplanadı. Bul azıqlar jarma formada tayarlanıp aralaspa tayarlanadı.
Beloklı azıqlar retinde gósh, gósh-suyek, qan hám balıq unları, jipek qurtı, inkubatsiya shıǵındıları, azıqlıq hám qamırdan paydalanıladı. Proteinniń biologiyalıq qásiyetine qurıtılǵan sút ónimleri qaldıqları hám máyektiń inkubatsion qásiyetlerine unamlı tásir etedi. Bunnan tısqarı soblıqlı dánler - soya, noqat, chechevitsa, akoloidsiz lyupin dánleri, ayǵabaǵar, ziǵir, shrot hám may ekstraksiya sanaatı qaldıqları protein dáregi esaplanadı. Biraq, olar quramındaǵı ingibitorlar iskerligin kemeytiwi ushın, olarǵa termik, ekstruziya, kavitatsiya yamasa basqa usıllar menen qayta islew maqsetke muwapıq.
Qus ushın azıqlıq ashıtqı, pivo ashıtqısı hám gaprin, eprin hám meprin orınalmaspaytuǵın hám B gruppa vitaminler deregi esaplanadı. Qus ushın tayarlanatuǵın premiksler A, D₂, D₃, E, K, B₁, B₂, B₃, B₄, B₅, B₆, B_c, B₁₂ vitaminler preparatları menen bayıtıladi. A hám D vitamini dáregi retinde balıq unidan paydalanıladı.
Mineral deregi retinde hák, por, máyek qabırshaǵı, súyek unı, shıǵanaq, pretsipitat, trikalsiyfosfat, fosforin, terek kúli, as duzı hám basqalardan paydalanıladı. Muskullı as-qazanda sińiw processi jaqsı keshiwi ushın jemniń 1% muǵdarında juwılǵan qızıl qum, graviy tası, maydalanǵan shıyshe hám basqa minerallardan paydalanıladı.
Racionda energiyanıń normaǵa salıstırǵanda artıp barıwı da tawıqlardı semirib ketiwine sebep boladı, ásirese jas tawıqlar organizminde, nátiyjede máyekdarliq tómenlesedi. Onıń ushın fazalı azıqlandırıw engizilgen, bunda tawıqlardıń jası hám máyekdarliq dárejesine qaray racionda shiyki protein muǵdarı belgilenedi.