19-Ámeliy: Máyek beretuǵın tawıqlar ushın azıqlandiriw recepitin dúziw

Máyek baǵdarındaǵı tawılardı fazalı azıqlandiriw

Faza	Jası, hápte	Máyekdarlıq ,%	Racion quramındaǵı shiyki protein,%
1	20-40	80-85	17
2	20-40 hám odan úlken	70-75	15
3	Úlken jastaǵı tawıqlar	65	13

Sonı atap ótiw kerek, qustıń sińiriw organlardıń anatomiyalıq dúzilisin inabatqa alǵan halda olardıń jelinetuǵın azıq muǵdarı tómendegishe belgilengen: úlken jasdaǵı máyek baǵdardaǵı parodalı tawıqlar ushın keteklerde saqlanǵanda (máyekdarliǵi 70% hám odan kóp) - 115 g, polda saqlanǵanda - 120 g, gósh baǵdardaǵı tawıq parodaları ushın keteklerde saqlanǵanda - 145-150 g, polda saqlanǵanda - 150-155 g tolı racionli juǵumlı jem jew kerek. Sonıń ushın qusshılıqta azıq normaları 100 g tolı racionli qurǵaq juǵumlı jem quramındaǵı energiya hám toyımlı elementler muǵdarı menen belgilenedi. Bunda, jem quramında almasiw energiya, shiyki protein, kalciy, fosfor, natriy hám orınalmaspaytuǵın aminokislotalar konsentraciyası anıqlanadı.

Tawıqlardıń ónimdarlıǵına racion quramındaǵı proteinniń biologiyalıq qásiyeti úlken tásir etedi, sol sebepli bul kórsetkish turaqlı túrde qadaǵalanadı. Racion quramın orınalmaspaytuǵın amiokslotalar menen bayıtıw maqsetinde jem quramına gósh, gósh-súyek unları, azıqlıq ashıtqısı, balıq unı, gidrolizlengen pár hám basqa haywanat áleminen alınǵan azıqlardan paydalanıladı. Kritik aminokslotalar dáregi retinde soya shroti hám azıqlıq metionen paydalanıw múmkin.
Racion quramındaǵı shiyki kletchatka muǵdarınıń normaǵa salıstırǵanda asıp ketiwi tawıqlardıń máyekdarliǵına keskin tásir etedi, sol sebepli bul kórsetkish mudami qadaǵalap normaǵa salıstırǵanda asıp ketpewin támiyinlew zárúr.
Tawıqlardıń ónimdarlıǵı organizmde mineral almasıwınıń jedel boliwi menen xarakterlenedi. Máyek quramında ortasha 2 g kalciy saqlanadı. Kalciy defitsiti máyekdarliq, máyek sapası hám tawıqlardıń ulıwma sawlıǵına unamsız tásir kórsetedi.
Ratsion quramına kiritilgen dánli azıqlar fosforǵa bay, biraq olardıń tek 50% ózlestiriledi, sol sebepli racionlar fosfor menen yamasa fitaza fermenti menen bayıtiladi. Natriyge bolǵan talaptı tiykarınan balıq unı esabına qandırıw mumikin. Eger bul azıqtan paydalanılmasa bir kúnde bir basqa 0,5 g muǵdar talap etiledi, racion quramında natriy 1% ten zıyat bolsa hám suw támiynleniwi jeterli bolmasa záhárleniw júz beredi.