2-bob: “Shon-sharaf” davlat muzeyi

General-mayor Bekjanov Ibragim Paskaevich.
Birinchi jahon urushi va Ikkinchi jahon urushi qatnashchisi. 1924-1926 yillarda Toshkentdagi birlashgan O‘rta Osiyo millatlari harbiy maktabida eskadron komandiri bo‘lgan. 1929 yildan o‘zbek kavaleriya polkining alohida shtabi boshlig‘i bo‘lgan. 1940 yilda G‘arbiy maxsus harbiy okrugning 6-mexanizatsiyalashtirilgan korpusi 29-motorlashtirilgan diviziyasi qo‘mondoni bo‘lgan. Ikkinchi jahon urushida Bekjonov diviziyasi Belorussiyadagi janglarda ishtirok etgan.
Lenin, ikki marta “Qizil Bayroq” ordeni, 1-darajali Vatan urushi ordeni, “Qizil Yulduz” va Buxoro Xalq Respublikasi ordenlari hamda O‘zSSRning “Mehnat Qizil Bayroq” ordeni bilan taqdirlangan.
General-leytenant Shohmurod Olimov. O‘spirinlik davrida Germaniyada tahsil olgan. Nemis tilini mukammal egallagan. Moskva harbiy bilim yurti, so‘ngra Kuybishev nomidagi harbiy muhandislik akademiyasini tamomlagan. Urushning dastlabki kunlaridayoq harbiy muhandislar tarkibida janglarda qatnashgan. Og‘ir jarohatdan so‘ng oyog‘idan ajralgan. Lekin harbiy xizmatni davom ettirib, harbiy akademiyada tinglovchilarga ta'lim bergan. General-leytenant unvonigacha xizmat qilgan.