2-lekciya ims lar tayarlaw texnologiyasi. Ims aktiv hám passiv elementleri reje

2-LEKCIYA


IMS LAR TAYARLAW TEXNOLOGIYASI. IMS AKTIV HÁM PASSIV ELEMENTLERI


REJE

1. 
   IMS táriypi
   
2. 
   IMS klassifikaciyası
   
3. 
   IMS passiv elementleri
   
4. 
   IMS tayarlaw texnologiyası
   

Integral mikrosxemalar elektr a’spablarinin’ sapa da’rejesindegi jan’a tu’ri bolip electron qurilmalarinin’ tiykarg’ı negiz elementi esaplanadi.

Integral mikrosxema (IMS) elektrlik ta’repten o’zara baylanisqan elektr radiomateriallar (tranzistorlar, diodlar, rezistorlar, kondensatorlar ha’m t.basqalar) kompleksi bolip, jeke texnologitaliq ciklda orinlanadi, yag’niy bir waqittin’ o’zinde jeke konstrukciya (tiykar)da ma’lim informaciyani qayta islew funkciyasin orinlaydi.
IMS lerdin’ tiykarg’I qa’siyetleri sonda, ol quramali funkciyalardi orinlawi menen birge ku’sheytkish, trigger, esaplag’ish, yad qurilmasi ha’m basqa funkciyalardi da orinlaydi. Tap usinday funkciyalardi orinlaw ushin diskret elementlerde sa’ykes keliwshi sxemani jiynaw talap etiler edi.
IMS ler ushin eki tiykarg’I belgi bar: konstruktivlik ha’m texnologiyaliq. Konstrukciya belgisi sonday, IMStin’ ba’rshe elemenleri tiykarg’I tiykar ishinde yaki betinde jaylasadi, elektrlik ta’repten birlestirilgen ha’m jalg’iz qabatta jaylastirilg’an bolip, pu’tin esaplanadi. IMS elementlerinin’ ha’mmesi yaki bir bo’legi ha’m elementlerara baylanislar pu’tin texnologiyaliq ciklda orinlanadi. Usi sebepli integral mikrosxemalar joqari isenimlikke ha’m kishi bahag’a iye.
Ha’zirgi ku’nde jasaliw tu’ri ha’m hasil bolatug’in strukturag’a ko’re IMSlerdin’ u’sh principal tu’ri bar: yarim o’tkizgishli, perdeli ha’m gibridli. Ha’r bir IMS tu’rinin’ konstrukciyasi, mikrosxema quramina kiretug’in element ha’m komponentler sanin an’latiwshi integraciya da’rejesi menen xarakterlenedi.
Element dep qandayda bir elektroradioelement (tranzistor, diod, rezistor, kondensator ha’m t.basqalar) funkciyasin a’melge asiriwshi IMS bo’limine aytiladi ha’m ol kristall yaki tiykardan ajiralmag’an konstrukciyada jasaladi.
IMS konponenti dep onin’ diskret element funkciyasin orinlattug’in, biraq da’slepki bo’lek erkin o’nim siyaqli montaj qilinatug’in bo’legine aytiladi.
Tiykarg’I IMS konstruktivlik belgilerinen biri bolip tiykar tu’ri esaplanadi. Bul belgige ko’re IMSler eki tu’rge bo’linedi: yarim o’tkizgishli ha’m dielektrik.
Tiykar retinde yarim o’tkizgishli materiallar arasinda kremniy ha’m galliy arsenide ken’ qollaniladi. IMS tin’ ba’rshe elementleri yaki elementlerinin’ bir bo’legi yarim o’tkizgishli monokristall plastina ko’rinisinde tiykardin’ ishinde jaylasadi.
Dielektrik tiykarli IMSlerde elementler onin’ betinde jaylasadi. Yarim o’tkizgish tiykarli mikrosxemalardin’ tiykarg’I abzallig’I – elementlerdin’ ju’da’ u’lken integraciya da’rejesi esaplanadi, biraq onin’ nominal parametrleri diapazoni ju’da’ sheklengen bolip olar bir-birinen izolyaciyalaniwin talap qiladi. Dielektrik tiykarli mikrosxemalardin’ abzallig’I – elementlerdin’ ju’da’ jaqsi izolyaciyasi, olardin’ qa’siyetlerinin’ turaqlilig’I, ha’mde elementler tu’ri ha’m elektr parametrlerinin’ tan’lawinin’ ken’ligi.