2-ma’ruza: windows serverlarga kirish. Windows serverlar haqida tushunchalar va ularda xavfsizlik. Reja

2-MA’RUZA: WINDOWS SERVERLARGA KIRISH. WINDOWS SERVERLAR HAQIDA TUSHUNCHALAR VA ULARDA XAVFSIZLIK.

REJA:

1. 
   Windows server haqida tushunchalar.
   
2. 
   Windows serverga kirish.
   
3. 
   Windows serverda xavfsizlik.
   

Windows Server 2003 - Microsoft kompaniyasining serverlarda ishlash uchun mo'ljallangan Windows NT oilasiga mansub operatsion tizimi. 2003 yil 24 aprel kuni chiqarilgan. Windows Server 2003 Windows 2000 Server davomchisi va Windows XP operatsion tizimining server varianti hisoblanadi. Windows Server 2003 – oldindan o'rnatilgan .NET Framework obig'i bilan birga sotiladigan birinchi Microsoft operatsion tizimi. Bu tizimga qo'shimcha dasturiy ta'minotni o'rnatmay, Microsoft .NET platformasi uchun ilovalar server xizmatini bajarishga imkon beradi.

Windows Server 2008 - Microsoft server operatsion tizimining ushbu versiyasi Vista (NT 6.x) avlodi operatsion tizimlari vakili sifatida Windows Server 2003 tizimining o'rnini bosish uchun mo'ljallangan. Windows Server 2008 Windows Vista kodiga o'xshash kod asosida yaratilgan bo'lib, o'xshash arxitektura va funksionallikka ega. Bundan tashqari, mazkur OT Windows Vistaning xavfsizlik va tizimni boshqarish imkoniyatlariga ham ega. Protsessorlar va xotira qurilmalari Plug and Play qurilmalari sifatida yaratilgan bo'lib, ularni tez almashtirish mumkin. Windows Server 2008 buyruq qatori asosida boshqarish texnologiyasi Windows PowerShell bilan sotiladigan birinchi tizimdir.