2-mavzu. Anorganik birikmalarning eng muhim sinflari reja

Kislotalarning nomlanishi: kislotalar IYUPAK ning 1979 – yilda qabul qilgan nomenklaturasiga asosan nomlanadi.

Agar kislorodsiz kislota suvda erimagan gaz holida bo’lsa, vodorod so’zidan keyin kislota hosil qiluvhi element nomiga “-id” so’fiksi qo’shiladi. Masala: HF_gaz – vodorod ftorid

H₂S_gaz – vodorod sulfid

Agar bu gaz holidagi kislotalar suvda eritilib ularning eritmasi olinsa ularni nomlashda dastlab kislota hosil qiluvchi element nomiga “-id” so’fiksi qo’shiladi keyin esa kislota so’zi qo’shiladi.

Masalan, HF – ftorid kislota

H₂S – sulfid kislota

Kislorodli kislotalarni nomlashda kislota hosil qiluvchi element nomiga uning oksidlanish darjasi mos ravishda –it, -at, -gipo, -per qo’shimchalari qo’shiladi (-it kislorod kamligini, -at va per – kislorod ko’pligini bildiradi). –at va per – qo’shimchalari kislota hosil qiluvchi elementni yuqori oksidlanish darajasida ekanligini bildiradi.

1. 
   Kislorodli kislotalarda element turli valentlik (yoki oksidlanish darajalari ) namoyon qilsa:
   

• 
  Eng past oksidlanish darajasida bo’lsa “gipo” – old qo’shimchasi qo’shiladi; HClO – gipoxlorit
  
• 
  O’rta oksidlanish darajasida bo’lsa “it” – qo’shimchasi qo’shib aytiladi; HClO₂ – xlorit
  
• 
  Yuqori oksidlanish darajasida bo’lsa, kislota xosil qiluvchi element nomiga –“at” – qo’shimchasi qo’shib aytiladi; HClO₃ – xlorat kislota
  
• 
  Bir element bir xil oksidlanish darajasida turli tarkibli kislotalar hosil qilsa, vodorod atomlari (suv molekulalari soni) kami – “meta” – vodorod atomlari ko’piga “orto” - old qo’shimchasi qo’shib: HP⁺⁵O₃ – metafosfat; H₃P⁺⁵O₄ – ortofosfat
  
• 
  Kislota hosil qiluvchi elementning juda yuqori oksidlanish darajasini ko’rsatish uchun “per” – old qo’shimchasi qo’shib kislota nomi aytiladi; HCl⁺⁷O₄ – perxlorat
  
• 
  Agar kislota bir xil tarkibli kislotaning ikkita molekulasi birikib, bir molekula suv chiqib ketishidan hosil bo’lgan bo’lsa, uning nomiga “piro” – qo’shimchasi qo’shib aytiladi; H₄P₂O₇ – pirofosfat kislota (yoki difosfat kislota).
  

Kislota tarkibidagi ionlarga ajraladigan vodorodlar soni uning negizliligini bildiradi. Kislotalarning ionlanishi bosqich bilan boradi va ularning soni kislota negizliligiga teng bo’ladi.

Masalan,

HCl → H⁺ + Cl^-; HI → H⁺ + I^-; HNO₃ → H⁺ + NO₃^-

H₂SO₄ → H⁺ + HSO₄^- - birinchi bosqich HSO₄^- → H⁺ + SO₄^2- - ikkinchi bosqich

H₂SO₄ → 2H⁺ + SO₄^2- - umumiy holda.

Ikki va undan ko’p negizli kislotalar bosqich bilan dissotsilanganligi uchun nordon tuzlar hosil qiladi. Kislotaning har qaysi molekulasi dissotsilanganda hosil bo’ladigan vodorod ionlarining soni bilan kislota qoldig’ining valentligi aniqlanadi. Xlorid va nitrat kislotalar faqat bir valentli kislota qoldiqlari (Cl^-, NO₃^-)ni, sulfat kislota ikkita bir valentli va ikki valentli kislota qoldig’i (HSO₄^-,SO₄^2-)ni hosil qiladi. Fosfat kislota esa uchta (H₂PO₄^-, HPO₄^-2, PO₄^-3) kislota qoldig’ini hosil qiladi.Lekin, ba’zan, kislotalar tarkibidagi barcha vodorod atomlarini metallga almashavermaydi. Masalan, CH,COOH bir negizli kislota boMib, bu yerda karboksil gruppadagi (COOH) vodorod metallga almashadi, xolos. Uning tuzlari: CH₃COONa, CH₃COOK dir. H₃PO₃ tarkibidagi faqat ikkita vodorod atomini metall atomiga almasha oladi: Na₂HPO₃. Shuning uchun ham bu kislota ikki negizli kislotadir. H₃PO₂ faqat bittagina vodorod atomini metall atomiga almashtiradi: NaH₂PO₂ Shuning uchun bu kislota bir negizli kislotalar jumlasiga kiradi. Buning sababini kislota molekulasining tuzilish formulasi asosida tushuntirish mumkin: