2-Ámeliy jumís paketli kommutaciyalaw blogíNÍŃ DÚziliw principin úyreniw

Paketli maǵlıwmatlardı deytagrammalı uzatıw. Paketler tarmaqtıń bir túyininen ekinshi túyinine bir-birinen ǵárezsiz túrde ulıwma qaǵıydalar boyınsha uzatıladı (2.8-súwret.). Paketti qayta islew procedurası tek ol jaǵdayda bolǵan parametrler hám tarmaq jaǵdayı boyınsha anıqlanadı. Uzatılǵan paketler boyınsha informaciya tarmaq tárepinen saqlanmaydi hám bunı paket qayta islew waqtında názerge alınbaydı. Hár bir bólek paket tarmaq tárepinen ǵárezsiz uzatıw birligi dep kórip shıǵıladı. Paket uzatıw boyınsha qarar, kommutaciya (marshrutizaciya) kestesi tiykarında qabıl etiledi, bul maǵlıwmat boyınsha keyingi tranzit (aqırǵı ) túyin marshruti anıqlanadı.

2.8- súwret. Deytagrammalı tarmaq
Paketli maǵlıwmatlardı logik jalǵanıw arqalı uzatıw. Logik jalǵanıwdı ornatıw arqalı uzatıw - bul xost- uzatıwshı hám xost-qabıl etiwshi arasında, paket almaslaw procesiniń bir neshe parametrleri (eki aqırǵı túyinler shártlesiw procedurası) bar ekenligi esaplanadı. Bul procedura tómendegishe anıqlanadı (2.9 - súwret):
1. Jalǵanıwdı iniciator túyini qabıl etiwshi túyinge jalǵanıwdı ornatıw usınısı menen xızmet paketin jiberedi.
2. Eger qabıl etiwshi túyin onı qabıl qilsa, jalǵanıwdı ornatıwdı tastıyıqlaytuǵın jáne bul logik jalǵanıw shegarada isletiletuǵın, bir neshe parametrlerdi usınıs etetuǵın basqa xızmet paketi jiberiledi.
3. Jalǵanıwdı iniciator túyini úshinshi xızmet paketi jibergeninde jalǵanıwdı ornatıw processni tamamlaw múmkin, ol jaǵdayda usınıs etetuǵın parametrler oǵan uyqas túsedi dep xabar beredi.

2.9 - súwret. Logik jalǵanıwdı ornatıw arqalı uzatıw

Virtual kanaldı ornatıw arqalı uzatıw. Virtual kanaldı ornatıw arqalı uzatıw - logik jalǵanıwdıń jeke mısalı esaplanadı. Ol jaǵdayda barlıq paketler ushın marshrut anıqlanǵan. Bir jalǵanıw shegarasında uzatılıp atırǵan barlıq paketler bir anıq jol boyınsha ótiwi kerek (2.10-súwret). Paketli kommutaciya tarmaǵında aqırǵı túyinlerdi jalǵawshı, bir aldınan qoyılǵan fiksaciyalangan marshrut virtual kanal dep ataladı (virtual circuit yamasa virtual channel vC). virtual kanallar turaqlı informaciya aǵısları ushın ornatıladı. Ulıwma trafikten informaciya trafigin ajıratıw ushın hár bir paket arnawlı belgi — metka menen belgilenedi.
Virtual kanaldı ornatıw menen uzatıw procedurası tómendegi qádemlerdi óz ishine aladı :
1. Virtual kanaldı ornatıw-arnawlı paketti derek túyininen jıberiw-jalǵanıwdı ornatıw sorawın (qoyılatuǵın sol virtual kanal jiberetuǵın adresi hám aǵıs metkasi ushın).
2. Tarmaq boylap ótiw waqtında soraw, hár bir kommutatorda jańa jazıwdı qáliplestiredi, bul jazıw berilgen metkaga iye bolǵan paketti kommutator qanday xızmet kórsetiwi kerekligin kórsetedi.

2.10 - súwret. Virtual kanaldı ornatıw menen uzatıw.
3. Qáliplestirilgen virtual kanal sol metka menen identifikaciyalanadı.
4. Virtual kanal ornatılǵanınan keyin tarmaq kerekli maǵlıwmat aǵısların bul kanal boyınsha jiberiwi múmkin.
5. Kirisiw interfeysine paket qabıl etilgeninen keyin kommutator paket basınan metkani oqıydı hám óziniń kommutaciyalaw kestesin kórip shıǵadı, bul keste boyınsha paketti qaysı shıǵıw portına jiberiwdi anıqlaydı.