2. Stereofotosxema ha`m onı tayarlaw. Aerosu`wretten paydalanıp eroziyag`a ushırag`an maydanlardı anıqlaw

2. Stereofotosxemalar ha`m olardı tayarlaw usılları

İnjenerlik joybar izlew jumıslarında rel`ef steroskopik u`yreniw za`ru`r boladı. Bug`an mısal qılıp suw toplaytug`ın gidrotexnik imaratlar shegarasın anıqlawda ha`m geologik ha`mde topıraq deshifrovkasın o`tkiziwde rel`efti stereoskopik u`yreniw za`ru`r boladı. Ortasha masshtablı ha`m iri masshtablı kosmik fotosu`wretler uzın fokuslı kameralar tan`lang`anlıg`ı ushın ko`riw maydanının` mu`yeshi kishi boladı. Bazisti su`wretke alıw biyikligine qatnası VN aerofotos`yomka qarag`anda ju`da` kem .

Sol sebepli stereomodeldin` vertikal masshtabı kosmik su`wretlerdi baqlag`anda gorizontal masshatabqa qarag`anda mayda boladı. Stereokosmik ko`riwden tısqarıda rel`eftin` mikro ha`m mezorel`efi qaladı.

Bir waqıttın` o`zinde ko`riwdi ken`eytip ha`m rel`efti stereokopik qaliplestiriw, stereofotosxema payda etiw menen usı ma`sele sheshiledi.

Stereofotosxemanı tayarlaw printsipi to`mendegishe. Marshrutta ha`r bir aerofotosu`wret eki ma`rte stereoskopik baqlanadı. Bir stereojupta shep su`wret bolıp ekinshi stereojupta on` su`wret bolıp baqlanadı. Eger ha`r bir su`wrettin` shep ha`m on` bo`limin belgilep individual usılda kesip olardın` o`z aldına tiykarg`a jabıstırıp fotosxema payda qılınadı. Usı fotosxemanı stereoskop penen baqlap marshruttın` stereomodeli payda qılınadı. Kesilgen aerosu`wretlerdin` ayrım bo`limleri za`ru`r bolmay qaladı. (bular su`wret shtrix penen ko`rsetilgen)

Stereofotosxema – bul bir birin qaplawshı aerosu`wretlerdin` shep ha`m on` bo`limlerinen du`zilgen jup fotosxema stereofotosxema ko`p marshrutli bolıwı mu`mkin. Bir marshrutli stereofotosxemalardın` bo`limlerin birlestiriw arqalı payda etiledi.

Bir marshlutli stereofotosxemani individual usılda montaj qılıw sxemasi.

Montaj qılıwda sızıq boyınsha indivudual kesiw usılı qollanıladı. Bir yamasa ko`p marshrutlı stereosxemalardı montajlawda kesilisiwshi jup noqatlar biyikligi ilajı barınsha bir qıylı bolıwı kerek. Stereofotosxema menen islew qolay ha`m na`tiyjeli stereofotosxemanın` jeke tu`ri bul anaglifik stereofotosxema. Ol ren`li fotoqag`azdı bir bag`dar (polosa) qızıl ha`m ko`k jasıl jaqtılıq fil`trleri ja`rdeminde aerosu`wretlerdin` ha`m on` bo`limin gezek penen basıp shıg`arıw usılında tayarlang`an na`tiyjede eki ren`degi fotografik su`wret payda boladı.