2-tema. Ónim sapasín bahalaw kórsetkishleri

Estetik kórsetkishler
Estetik kórsetkishlerge ajíralíp turíwshílíq, sírtqí kórinisiniń racional bolíwí, kompoziciyasíníń tolíq bolíwí, ónimdi islep shíǵaríwdí orínlawdíń quramalí bolíwí, tovar kórinisleriniń turaqlí bolíwí síyaqlí kórsetkishler kiredi.
Ónimniń sapasí qanday degen sorawǵa juwap beriw ushín bir túrdegi ónimniń sapa kórsetkishleri ekinshisi menen salístíríladí. Salístíríw nátiyjesinde qaysí ónimniń sapasí joqarí ekenligi haqqínda juwmaq shíǵaríw múmkin (3-sízílma).

Ónimniń sapa kórsetkishlerin aníqlaw usíllarí

Ekspert usílí

Dizimge alíw usílí

Organaleptik usílí

Maǵlíwmatlar derekleri boyínsha

Esaplaw usílí

Ólshew usílí

Sociallíq usílí

Dástúriy usílí

3-sízílma. Ónimniń sapa kórsetkishlerin anílaw usíllaríníń klassifikaciyasí


Ólshew usílí texnikalíq ólshew ásbaplarí járdeminde alínǵan maǵlíwmatlarǵa tiykarlanǵan. Bul usíl járdeminde ónimniń awírlíǵí, boyí, eni, razmeri síyaqlí parametrlerin aníqlaw múmkin.
Esaplaw usílí teoriyalíq yamasa empirik baylaníslar járdeminde alínǵan maǵlíwmatlardan paydalaníwǵa tiykarlanǵan. Bul usíldan joybar basqíshínda ónimlerdiń awírlíǵí, ónimdarlíǵí, quwatlíǵí, shídamlílíǵí síyaqlí kórsetkishlerdi aníqlawda qollaníladí.
Organoleptik usíl – seziw organlarí: kóriw, esitiw, seziw organlarí arqalí alínǵan maǵlíwmatlardí analizlewge tiykarlanǵan. Organoleptik usílínan shireshilik (kanditer, qandolatchilik) ónimleri, temeki ónimleriniń sapasín bahalawda, gezlemege berilgen reńlerdiń tíníqlíǵín, gúllerdiń túrlerin, ayaq kiyim ónimleri, tigiwshilik ónimleriniń sírtqí kórinisi, kózge kóriniwshiligin bahalawda qollaníladí.