2-tema. Ónim sapasín bahalaw kórsetkishleri

Dizimge alíq usílí málim predmetler yamasa qárejetlerdiń, mísalí, sínaw waqtínda sínawdan ótealmaǵan ónimlerdiń sanín esaplaw jolí menen alínǵan ónimlerden paydalaníwǵa tiykarlanǵan. Bul usílda unifikaciyalash kórsetkishi, huqíqíy patent kórsetkishi síyaqlílar aníqlanadí.
Maǵlíwmatlardíń dereklerine qaray sapa kórsetkishleri dástúriy, ekspert hám sociallíq usíllarǵa bólinedi.
Dástúriy usíl – shólkem hám kárxanalardíń arnawlí eksperimental hám esabatlar bólimlerindegi lawazímlí shaxslar tárepinen ámelge asíríladí (olarǵa qánigelesken laboratoriyalar, poligonlar, sinew stendleri hám basqalar kiredi).
Ekspert usílínda ónim sapasíníń kórsetkishlerin bahalaw qánige ekspertler toparí, yaǵníy dizaynerler, degustatorlar, marketologlar hám sol síyaqlílar tárepinen ámelge asíríladí. Ekspert usílí járdeminde basqa usíllarda aníqlap bolmaytuǵín ayírím sapa kórsetkishlerin bahalaw múmkin. Bul usíl ayírím ergonometric hám estetik kórsetkishlerdi bahalawda qollaníladí.
Sociallíq usíl ónimniń haqíyqattaǵi yamasa potencial tutíníwshílarína tiykarlanadí. Tutíníwshílardín pikiri haqqíndagí maǵlíwmatlardí toplaw, soraw-juwap yamasa arnawlí soraw anketalarí arqalí, kórgizbeler, konferenciyalar hám basqalar arqalí ámelge asíríladí.
Ónimniń sapasín bahalawda tómendegi túsiniklerdi bir-birinen ajírata biliw auríqsha áhmiyetke iye.
Ónimniń sapa kórsetkishi dep oníń sapasín belgilewshi bir yamasa bir neshe belgileriniń muǵdarlí sípatlamasína aytíladí.
Ónimniń belgisi – oníń barlíq ózgeshelik hám jaǵdaylaíníń sapa hám muǵdarlғ sípatlamasí.
Ónimniń parametri – oníń belgisi bolíp, barlíq muǵdarlí ózgeshelik hám jaǵdaylarín sáwlelendiredi.
Ónim sapasíníń birlik kórsetkishleri deb, oníń qandayda belgi hám ózgesheligin sáwlelendiriwshi kórsetkishke aytíladí. Ónim sapasíníń birlik kórsetkishine missal etip, gezlemelerdiń hawa ótkeriwsheńligi, shídamilíǵí síyaqlí belgilerin keltiriwimiz múmkin.