3-Ma’ruza. Mavzu: Sistema bloki komponentlarini o‘rganish. Mikroprosessorlar va ularning turlari

Xeon oilasiga mansub protsessorlar
Kuchli kompyuterlarda Xeon protsessorlari qо‘llaniladi. Ushbu protsessorlar uchun slot 2 joriy etilgan. Ushbu slot (yangi protsessorning interfeysi bilan birgalikda) FRC li ortiqcha tizimlarni ham, 1, 2, 4 va hattoki 8 protsessorli simmetrik tizimlarni ham yaratish imkonini beradi. Shinalarining chastotasi 100 MGs, yadrosining chastotasi esa 400 MGs va bundan ham yuqori, ikkilamchi kesh-xotira qurilmasi xuddi Pentium Pro da singari yadro chastotasida ishlaydi. Ikkilamchi kesh-xotira qurilmasining hajmi 512 Kbayt, 64 Gbaytgacha keshlashtirilganida 1 yoki 3 Mbayt (36 bitli manzil belgilanishida jamiki manzil makoni). Xeon protsessorlari nafaqat katta quvvati, balki katta, xususan: 15,2 x 12,7 x 1,9 sm о‘lchamlari bilan ham ajralib turadi
Xeon protsessorlari tizim axborotini saqlash uchun mо‘ljallangan yangi vositalarga ega. Protsessordagi faqat о‘qish uchun mо‘ljallangan protsessorga oid axborotni saqlovchi doimiy xotira qurilmasi PIROM (Processor Information ROM) yadro protsessori va kesh-xotira qurilmasining elektr tasniflarini (chastotalar diapazoni va iste’mol qilinadigan elektr kuchlanishlarni), Stasniflarni va protsessorning 64 bitli seriya raqamini saqlaydi. CPUID identifikatsiyalash yо‘riqnomasiga kо‘ra bunday axborotga kirib bо‘lmaydi. Energiya jihatidan muxtor sanalgan Scratch EEPROM xotira qurilmasi protsessorni (yoki ushbu protsessor о‘rnatilgan kompyuterni) yetkazuvchi tomonidan tizimga oid axborotni kiritish uchun mо‘ljallangan bо‘lib, bundan boshqa navbatdagi axborotni kiritishdan himoya qilingan bо‘lishi mumkin. Protsessor, haroratni nazorat qilib borish uchun dasturlanadigan qurilma bilan birgalikdagi harorat datchigi (yadro kristali ustiga joylashtirilgan termodiod) bilan jihozlangan. Ushbu qurilma kartridj sinovdan о‘tkazilayotgan bosqichda muayyan protsessordagi termodiod bо‘yicha tekshirib tо‘g‘rilanadigan analog-raqamli о‘zgartirgichga ega. Termometr sozlanishining doimiy soni (konstantasi) PIROM ga kiritiladi. Haroratni nazorat qilish qurilmasi dasturlanadi, ya’ni unga о‘zgartirishlar chastotasi hamda harorat chegaralari kiritiladi. Harorat ushbu chegaralarga yetganida tizim ishida uzilish rо‘y bergan signal shakllanadi. PIROM, Scratch EEPROM va haroratni nazorat qilish qurilmasi bilan hamkorlik qilish uchun protsessor I² C interfeysiga asoslangan ketma-ket ulangan qо‘shimcha SMBus (System Management Bus) shinasiga ega.