3-Мавзу. Оралиқ дастурий таъминот – Middleware. Ттлардаги ўрни ва ахамияти. (2 соат)

3-Мавзу. Оралиқ дастурий таъминот – Middleware. ТТлардаги ўрни ва ахамияти. (2 соат)

Режа

1. 
   Оралиқ қатлам тизими (middleware)
   
2. 
   Middleware сервислари
   
3. 
   Оралиқ қатлам дастурий таъминотлари
   

Оралиқ сатх воситалари (middleware)

ТТ хизматларини шакллантириш учун ОТ ларга қўшимча компоненталар (дастурий таъминотлар) қўшилади.

Улар оралиқ сатх воситалари (middleware) ҳисобланиб, ресурслар тақсимотининг тиниқлигини таъминлайди.
Оралиқ қатлам тизимлари (middlеware systems) – бу тармоқ дастурий таъминоти ёки махсус иловалар ва турли хил платформалар ўртасидаги маълумот алмашинишини таъминлаб берувчи тизим хисобланади. Middlеware термини 1968 йилдаёқ қўлланилган, лекин бу турдаги оралиқ қатлам дастурий таъминотлари 1980 йилларга келиб қўлланила бошлаган.
Оралиқ сатх воситалари замонавий ТТ ларнинг асосини ташкил этади. Расмда оралиқ сатҳли ТТ нинг умумлаштирлган схемаси келтирилади.
Оралиқ сатҳ дастурий таъминоти тақсимлаш ва алоқа масаласини ҳал қилиши учун аниқ бир моделга таяниши керак. Бу маънода «тақсимланган файлли тизим» модели энг датлабки модел ҳисобланади, масалан, Unix операцион системанинг файлли тизими.

Middlеware оралиқ қатлам дастурий таъминотлари асосий

2 турга бўлинади:

1. 
   Дастурлар аро алоқани таъминловчи Middlеware
   
2. 
   Маълумотлар базаси билан алоқани таъминловчи Middlеware
   

Йирик ташкилотларнинг хисоблаш мухити электр энергия ва телекоммуникацияларни эслатиб юборувчи одатий хизматга айланиб бормоқда. Ахборотлаштириш хизмати нуқтаи назари билан қараганда, ташкилотларда ахборот билан ишлайдиган ва терминал(компютер қурилмалари)га эга хар қандай ходим, ушбу хизматдан фойдаланиш имкониятига эга бўлади. Бунда ахборотдан фойдаланиш қурилмаси терминал хисобланади, яъни компютерлар, телефон, планшет, ишчи стансия ва б. Бу хизмат - локал ва глобал тармоқлардаги дастурий таъминот хамда маълумотлар базасини ўз ичига олувчи ташкилотлар кўламидаги ахборот сервислари тармоғи хисобланади.