3 Mavzu. Sug‘urta munosabatlari va ularni tartibga solish mexanizmlari

1.Shaffoflikni ta’minlash

Sug‘urta bozorining ishlashi va uning professional ishtirokchilari faoliyati ochiqligi va shaffofligini, sohadagi statistik va moliyaviy ko‘rsatkichlarni muntazam e’lon qilish yo‘li bilan ta’minlash;

2.Sug‘urta madaniyatini oshirish

Sug‘urta xizmatlari iste’molchilari va sug‘urta munosabatlarining ishtirokchilari huquqlari himoyasini ta’minlash, aholining sug‘urta bozoriga ishonchini oshirishga ko‘maklashish;

3.Kadrlar tayyorlashga ko’mak

Sug‘urta bozori mutaxassislarini tayyorlash, qayta tayyorlash va ularning malakasini oshirishni xalqaro darajadagi ekspertlar va mutaxassislarni jalb qilgan holda tashkil etishga yordam berish;

4.Normativ talablarni belgilash

Sug‘urtalovchilarning to‘lov qobiliyati, sug‘urta zaxiralarini shakllantirish va ulardan foydalanish bo‘yicha majburiy normativ talablar hamda tavsiyalar ishlab chiqish;

5.Qonuniy faoliyat nazorati

Sug‘urta bozorining professional ishtirokchilari tomonidan sohadagi qonun hujjatlariga, shuningdek, ularning moliyaviy barqarorligini ta’minlash bo‘yicha belgilangan talablarga rioya etilishini nazorat qilish;

6.Sug‘urtalovchilar hisobini yuritish

Sug‘urta bozorining holati va uning professional ishtirokchilari faoliyatining hisobotini yuritish, masofaviy nazorat qilish va tezkor onlayn-monitoringini olib borish;

7.Sug‘urta turlarini kengaytirish

Sug‘urta xizmatlarining talab yuqori bo‘lgan an’anaviy turlarini rivojlantirishga va yangi turlarini joriy qilishga ko‘maklashish, qishloq xo‘jaligi faoliyati sohasida sug‘urta himoyasini kuchaytirish;

8.Litsenziyalash va sertifikatlash

Sug‘urtalovchilar (qayta sug‘urtalovchilar) va sug‘urta brokerlarining sug‘urta faoliyatini litsenziyalash, aktuariylar faoliyatini sertifikatlash;

9.Xalqaro aloqalar o‘rnatish

Xorijiy davlatlarning o‘xshash tuzilmalari, xalqaro moliya institutlari va boshqa tashkilotlar bilan sug‘urta faoliyati sohasida hamkorlikni tashkil etish.