3. Saylov demokratik, fuqarolik jamiyatining asosiy belgisi sifatida. Javoblar: Endi bevosita fuqaroviy ongning mazmun mohiyatiga e’tibor qaratish o’rinlidir

33-BIQ-16 Nuriyev Dostonxo’ja

7-Variant

1.Fuqarolik ongi – jamiyat taraqqiyotining mezoni. Fuqarolik ongining asosiy

vazifalari.

2. Fuqaroviy faollikka ta’sir ko’rsatuvchi omillar

3.Saylov - demokratik, fuqarolik jamiyatining asosiy belgisi sifatida.
Javoblar:

1.

Endi bevosita fuqaroviy ongning mazmun mohiyatiga e’tibor qaratish o’rinlidir. Fuqarolik ongi demokratik qadriyatlar, ideallar, huquq va erkinliklar nuqtai nazaridan shaxs, jamiyat va davlat o’rtasidagi munosabatlarni anglashdan iborat. Albatta har bir davlat va jamiyatda demokratik qadriyatlar o’ziga xos tamoyillir va me’yorlar asosida qabul qilinadi. Fuqarolik ongi jamiyat taraqqiyotining shunday bosqichidagi ruhiy holatini anglatadiki, bu davrda demokratik me’yorlar va qadriyatlar hayotning asosiga aylanadi.

Fuqarolik ongi iqtisodiy, siyosiy, huquqiy, ma’naviy sohalarda me’yoriy, shakllantiruvchi, yo’naltiruvchi, muloqotga yetaklovchi singari rang barang vazifalarni bajaradi. Bu vazifalar ta’sirlashgan holda o’zaro kesishadilar va bir-birini to’ldiradi. Ularning ko’pchiligi davlat va uning institutlariga xosdir. Ammo davlat organlari qonunlar, me’yoriy hujjatlar, qoida va talablardan iborat huquqiy doirada faoliyat yuritsa, fuqarolik ongi erkin shakllanadi. Fuqaroviy ong me’yorlari ijtimoiy-siyosiy jarayonlar natijasida shakllanadi, uni muvofiqlashtiradigan yoki uni amalga oshiradigan maxsus tuzilmalar bo’lmaydi. Fuqarolik ongining vazifalari alohida individ emas, balki butun jamiyat faoliyati bilan bog’liq.

Fuqarolik ongi jamiyat hayotida turli shakllarida namoyon bo’ladi. Kishilar shaxsiy va ijtimoiy qadriyatlar borasida o’z qarashlari, tasavvurlari, qadriyatlari, intilishlari, me’yorlarini turli ko’rinishlarida namoyon etishadi. Jamiyat, guruhlar, shaxsning ijtimoiy manfaatlari namoyon bo’ladigan fuqaroviy manfaatlar tizim holiga keladi. Aynan tizim holida bo’lganligi tufayli fuqaroviy manfaatlar har bir shaxsning qadriyatlarini hayotga tatbiq etadi, uning jamiyatga, davlatga, boshqa fuqarolarga nisbatan munosabatini shakllantiradi. Fuqaroning mas’uliyati, maqsadlari, vazifalarini belgilashga, ijtimoiy ahamiyatga ega bo’lgan xususiyatlarini shakllantirishga ko’maklashadi. Aynan ana shu tarzda shakllangan fuqaroviy ong fuqarolik jamiyatining shakllanishiga xizmat qiluvchi qadriyatlar, me’yorlar, g’oya hamda tasavvurlarni shakllantirish, jamiyatni komillik va erkinlikka yetaklashga xizmat qiladi.

Fuqarolik jamiyati bir necha avlod almashinuvini talab etadigan jarayon bo’lgani singari fuqaroviy ong ham tarixiy davr mobaynida shakllanadi. Har bir mamlakatdagi fuqaroviy ong shu mamlakatdagi ijtimoiy-siyosiy tizimning tabiatiga mos ravishda shakllanadi. SHu mamlakatga xos bo’lgan ijtimoiy tizim, aloqalar va munosabatlarni aks ettiradi.

Fuqarolik ongi tabiiy va tadrijiy taraqqiyot mahsuli bo’lib, uni sun’iy jihatdan tezlashtirish mumkin emas. U ijtimoiy, iqtisodiy hamda siyosiy omillar negizida tadrijiy tarzda shakllanadi. Har bir avlod mavjud demokratik qadriyatlarni o’zlashtiradi va yangilarini yaratadi. Bu jarayonda fuqarolik ongini belgilab beruvchi me’yorlar va qadriyatlarni saqlash hamda uzluksiz takomillashtirish eng muhim faoliyat hisoblanadi.

Tadrijiy taraqqiyot natijasida demokratik tasavvurlar mustahkamlanib, asta sekinlik bilan fuqarolik tajribasi to’planib boradi.

Fuqarolik ongi bir qator o’ziga xos xususiyatlarga ega. Fuqarolik ongi ijtimoiy tizimning o’zgarishi bilan yangilanadigan qadriyatlarga moslashib boradi. Boshqa tarafdan fuqarolik ongi ijtimoiy o’zgarishlarni keltirib chiqaruvchi faol omil hisoblanadi. U fuqarolarni faol harakatga boshlovchi tasavvurlar bilan bog’liq bo’lganligi tufayli, jamiyat o’zligining yangilanishiga, ijtimoiy taraqqiyotni tezlashtiruvchi omilga aylanishi mumkin. Fuqarolik ongi ijtimoiy taraqqiyotning ruhiy negizini yaratgan holda jamiyatning mustahkamlanishiga xizmat qiladi.

Fuqarolik ongi yangi g’oyalarni qabul qilish darajasida ochiq xarakterga ega. Yangi g’oyalar shu tizimga mos ekanligi o’z isbotini topgan taqdirda asta sekin jamiyatning mohiyatiga singib boradi.

Madaniy yangilanishlar uzluskiz tarzda ijtimoiy ongga ta’sir ko’rsatish darajasida ko’p ro’y bergan taqdirda jamiyatda voqelikni his etish uchun yangicha usullar vujudga keladi va bu o’z navbatida fuqaroviy ongning o’zgarishiga olib keladi.

Mamlakatda siyosatni tubdan o’zgartirish hatto mulkka nisbatan munosabatni ham butunlay o’zgartirish mumkin, ammo kishilarning asosiy qarashlari va qadriyatlarini tezlik bilan o’zgartirib bo’lmaydi.

Fuqarolik ongi umumiy tamoyillargagina asoslanmasdan, mohiyati jihatidan o’zgarib boradi. Albatta jamiyatda barqaror bo’lgan, har qanday siyosiy tizimga xos bo’lgan tarixiiy tajriba, an’analar singari o’zgarmas xususiyatga ega qadriyatlar mavjud bo’lib, ular fuqaroviy ongda ro’y berishi mumkin bo’lgan tezkor o’zgarishlarni tiyib turadi. Yangi tarixiy tajriba esa aynan ana shunday qadriyatlar negizida vujudga keladi va fuqarolar ongiga singib boradi.

Tushuncha sifatida “fuqarolik ongi” haqida gap ketganda avvalo fuqaroning davlat bilan siyosiy-huquqiy munosabatlari nazarda tutilib, kishining biror-bir davlatga mansubligi va shu davlatning qonunlariga bo’ysunishi tushuniladi. Kishining huquqiy maqomida ifodalangan fuqarolik davlat bilan fuqaro o’rtasida amal qiladigan bir qator huquq va burchlar bilan mustahkamlangan.

Turli ijtimoiy sub’ektlarning o’zaro ta’sirlashuvi ro’y beradigan va manfaatlari amal qiladigan jamiyat munosabatlariga fuqaroviy ong kirib boradi va ularni aks ettiradi. SHuningdek, u kishilararo munosabatlarga ta’sir ko’rsatgan holda ularga aniqlik, mazmun va shakl bag’ishlaydi. Kishilarning ijtimoiy hayot hamda davlatga nisbatan, shaxs bilan davlat o’rtasida haqiqiy va me’yoriy munosabatlar to’g’risidagi tasavvurlari fuqaroviy ongda mujassamlashgan.

Ijtimoiy-siyosiy, diniy, axloqiy, huquqiy, iqtisodiy va boshqa me’yorlar, talablar, tamoyillir, qoidalar umumiy fuqaroviy dunyoqarash shaklida fuqaroviy ongning tarkibiy elementlari sifatida namoyon bo’ladi.

Demokratik jamiyatning barqarorligi demokratik qadriyatlar bilan boyishni taqozo etadi. Bu jarayon jamiyatdagi fuqarolarning ijtimoiy erkin sharoitda yashashga qanchalik tayyor ekanliklari, ya’ni shaxslarning fuqaroviy yetukligi va faolligiga bog’liq. O’z navbatida fuqaroviy yetuklik va fuqaroviy mus’uliyat jamiyat a’zolarining fuqaroviy ongi darajasi bilan belgilanadi. Aynan fuqaroviy ong jamiyatning ma’naviy, intellektual hamda ijtimoiy-iqtisodiy salohiyatini shakllantiradi.

Fuqaroviy ong jamiyatni birlashtirishga xizmat qiladi, umumiy manfaatlar yo’lida fuqarolar o’rtasida kelishuv bo’lishiga xizmat qiladi. Jamiyatda ro’y beradigan turli ijtimoiy-madaniy omillar ta’sirida fuqaroviy ong o’zgarib boradi va fuqaroviylik to’g’risidagi g’oyalar taraqqiyotida o’z aksini topadi.

Davlat va jamiyat, davlat va shaxs o’rtasidagi munosabatlarning tabiati haqidagi bilimlarning kengayishi “fuqaroviylik” tushunchasini qayta qayta tafakkur qilishni taqozo etadi. Ijtimoiy jarayonlar natijasida sayqallangan fuqaroviy madaniyat va fuqaroviy ong kishilarni iqtisodiy, siyosiy, huquqiy, axloqiy jihatdan shakllantiradi

2.

1. 
   Fuqaroviy faollik va uning fuqarolik jamiyatidagi o’rni
   

Fuqaroviylik va fuqaroviy ongni o’rganishdan asosiy maqsad fuqarolik jamiyatini barpo etishda fuqaroviy faollikni o’rganishdan iborat. Zero fuqarolik jamiyati nafaqat fuqaroviylik xususiyatlariga ega ongli fuqarolar vositasida, balki faol bo’lgan fuqarolar bilan barpo etiladi. Ana shu faollikni keltirib chiqaruvchi omillarni o’rganish muhim ahamiyatga egadir. Zero ular fuqarolik jamiyatini barpo etishning umumiy va xususiy qonuniyatlarini anglash imkonini beradi.

Fuqaroviy faollikni ijtimoiy-siyosiy va mehnat faoliyatiga ijodiy yondashuv sifatida baholash mumkin. Aynan insonning fuqaroviy faolligi shaxsning to’laqonli rivojlanishiga, undagi imkoniyatlarning to’liq namoyon bo’lishiga xizmat qiladi. Fuqarolik pozitsiyasi hamda fuqaroviy faollikka ega bo’lish jamiyatda ro’y berayotgan barcha voqea-hodisalarni, ularning oqibatlari va mavjud muammolarning yechimini chuqur anglashni taqozo etadi.

Ijtimoiy faollik tushunchasi fuqarolik jamiyati tushunchasi bilan chambarchas bog’liqdir. Bu yerda jamiyatning davlat faoliyatidan xoli holda jamoaviy tashabbuslar bilan rivojlanishi nazarda tutilmoqda. Bu partiyalarga a’zolikni nazarda tutuvchi siyosiy faollik, nodavlat notijorat tashkilotlar faoliyatida ishtirok etish, turli ijtimoiy tashabbuslar va ijtimoiy harakatlarni anglatadi. SHu ma’noda jamiyat uchun foydali bo’lgan turli dasturlar va jamoat birlashmalarida ishtirok etish ham fuqaroviy faollikka kiradi.

Aslini olganda jamiyat a’zolarining asosiy ko’pchiligi jamiyatda mavjud qoidalar asosida faoliyat yuritgan holda ijtimoiy faollik ko’rsatishmaydi. Bunday passivlikning jamoat tartibini saqlash nuqtai nazaridan qaysidir darajada ijobiy jihatlari ham mavjud bo’lsa-da, fuqarolik jamiyatini qurishda fuqaroviy faollik juda muhim ahamiyatga ega ekanligini esda tutish lozim. Zero passiv fuqarolar hech qachon o’z huquqlari uchun kurashishmaydi. Fuqaroviy faollik o’z kuchiga ishonish, mavjud vaziyatni o’zgartirishga qodirlik hissining yaqqol namoyon bo’lishi bilan vujudga keladi. Ko’pgina hollarda fuqaroviy faollikning boshlang’ich nuqtasi sotsiologlarni qiziqtirgan masaladir. Zero aksariyat jamiyatlarda ijtimoiy o’zgarishlar davlat yetakchiligida amalga oshiriladi va jamiyat a’zolari keyinchalik bu o’zgarishlarga moslashishadi.

Ko’pincha fuqaroviy faollik yoshlarda kuzatiladi. Albatta fuqaroviy faollikka ta’sir ko’rsatuvchi omil faqat yosh bilan chegaralanmaydi. Bilim darajasi, dunyoqarash, tarbiya va hatto yashash manzili ham bunga ta’sir ko’rsatadi.

Ko’pincha yoshlar fuqaroviy faollik ko’rsatishni istashsa-da, siyosiy sohada bunday faoliyat ko’rsata olmaydilar. Boshqacha aytganda, yoshlar davlat siyosati murakkab bo’lganligi tufayli o’z istaklarini siyosatchilar oldida to’g’ri shakllantirishga qodir bo’lmaydilar. Boshqa tarafdan siyosiy soha yoshlardan ancha uzoq bo’lganligi tufayli yoshlar o’z manfaatlarini davlat siyosati bilan muvofiqlashtirishda murakkabliklarga duch kelishlari mumkin. SHu tufayli ularning ba’zilari siyosiy partiyalarga a’zo bo’lishadi, aksariyati esa umuman siyosatga qiziqmay qo’yadilar.

Biror-bir sohadagi muammolarni bartaraf etish imkoniyati nodavlat notijorat tashkilotlarida mavjud bo’lganligi tufayli yoshlarning aksariyati shunday tashkilotlarga a’zo bo’lib kirishadi. Davlatning siyosiy tuzilmalarida professional faoliyatga kirish fuqaro/yoshlardan ma’lum ish tajribasi, bilim va ko’nikma talab qilsa, jamoat birlashmalariga a’zo bo’lib kirish uchun ish tajriba talab etilmaydi, balki faqat qiziqishning o’zi yetarli bo’ladi.

Aynan fuqaroviy faollikning o’zi bir necha jihatlar bilan ajralib turadi;

• 
  faol fuqaro guruhiga mansub kishilar asosan siyosiy va iqtisodiy tizim to’g’risida bilim olishga tayyor bo’lgan kishilardan iborat;
  
• 
  faol fuqarolarda o’z haq-huquqlarini faol amalga oshirish uchun bilim va qobiliyat mavjud;
  
• 
  faol fuqarolarda ana shu bilimlarni joriy qilish uchun ko’nikmalar mavjud bo’ladi¹.
  

Fuqarolik faolligi bugungi kunda davlat uchun misli ko’rilmagan ko’makchiga aylanmoqda. Turli ijtimoiy loyihalarga birlashgan fuqarolar ro’y berayotgan, tug’ilayotgan va mavjud muammolarni muhokama qilish, ularning yechimini topish va hukumatga taklif etish imkoniyatiga ega. Turli nodavlat tuzilmalaridagi yetuk mutaxassislar bozor munosabatlari sharoitida kutilmaganda ro’y beradigan muammolar, bozorning betartartib jarayonlarida yuzaga keladigan muammolarni bartaraf etishga hukumatga ko’makchilik qilmoqdalar.

Fuqarolik jamiyati rivoj topgan mamlakatlarda ijtimoiy hayotning barcha sohalarida faoliyat yurituvchi jamoat birlashmalari mavjud bo’lib, ular serqirra faoliyat yuritadilar. Masalan, jamiyatdagi ma’lumotlilik darajasini oshirish yoki zamonaviy ta’lim texnologiyalarini joriy etish bo’yicha ma’lum tadqiqotlar olib borishadi va natijada parlamentga tegishli qonun o’zgartirishlari taklif etishlari mumkin.

Tabiatni asrash yoki ekologik muammolarni bartaraf etish bo’yicha, yuqumli kasalliklarni oldini olish, shahar havosining ifloslanishi, chiqindilardan tozalash bo’yicha jamoat birlashmalari hukumatga qimmatli fikrlar bilan bir qatorda amaliy loyihalarni taklif etadilar.

Bir so’z bilan aytganda, fuqarolik jamiyati uchun fuqaroviylik, fuqaroviy ong va fuqaroviy faollik juda muhim ahamiyatga egadir. Taraqqiyotni maqsad qilgan har qanday jamiyat uchun inson salohiyatidan foydalanish, insonning o’zligida, uning qalbida mavjud bo’lgan birdamlik, saxiylik, bag’rikenglik kabi fazilatlarga murojaat etishning o’zi kifoyadir.

Fuqarolik jamiyatini qurish uning ma’naviy negizlari bilan uzviy bog’liq xolda kechadi. Har qaysi xalq yoki millatning tafakkuri, turmush tarzi, ma’naviy qarashlari o’z-o’zidan, bo’sh joyda shakllanib qolmaydi. Ularning vujudga kelishi va rivojlanishida aniq tarixiy, tabiiy va ijtimoiy omillar asos bo’ladi. Mustaqillik tufayli jamiyatimiz ma’naviy negizlariga alohida e’tibor qaratildi. Sobiq sovet davlatining ma’naviyatga nisbatan pisandsizlik bilan qarash siyosatiga barham berildi. O’zbekiston Respublikasi Prezidenti I.A.Karimovning “Yuksak ma’naviyat – yengilmas kuch” asari ma’naviyat va fuqarolik jamiyatini o’zaro bog’liqligini tushunishda muhim ahamiyatga ega. “O’tgan davr mobaynida eski tuzumdan og’ir meros bo’lib qolgan ana shunday illatlarga, el-yurtimizga nisbatan kamsitish va milliy manfaatlarimizni mensimaslik holatlariga barham berish, ko’hna qadriyatlarimiz, dinu diyonatimizni tiklash, hayotimizda tarixiy adolatni qaror toptirish, yangi jamiyat qurish yo’lida xalqimizning ma’naviy yuksalishini o’z oldimizga qo’ygan olijanob maqsadlarga yetishda hal qiluvchi mezon deb qarash va shu asosda ish olib borish biz uchun doimo ustuvor vazifa bo’lib kelganini va bugun ham e’tiborimiz markazida turganini ta’kidlash lozim²”.

“Ma’naviyat” tushunchasining ilmiy, falsafiy, adabiy yoki oddiy tilda ifodalanadiganko’plab ta’riflari mavjud.O’zidajuda chuqur va keng qamrovli ma’no-mazmunni mujassam etganbu tushunchaga har qaysi ma’rifatli inson o’ziningfalsafiy yondashuvi, siyosiy qarashlari va e’tiqodi, ongu tafakkuridan kelib chiqqan xoldaturlicha ta’rif va tavsiflar berishi tabiiy. SHuning uchun ham bu masala bo’yichailmiy adabiyotlarda, kundalik matbuotlarda bir-biridan farq qiladigan fikr-mulohazalarni uchratganda bundan taajjublanmasdan, ularni har qaysi muallifning o’ziga xos dunyoqarashi, mushohada tarzi ifodasi sifatida qabul qilish o’rinlidir. Prezidentimiz I.Karimov o’zining “Yuksak ma’naviyat – yengilmas kuch” nomli asarida ma’naviyatga quyidagichata’rif beradi: “Ma’naviyat – insonni ruhan poklanish, qalban ulg’ayishga chorlaydigan, odamning ichki dunyosi, irodasini baquvvat, imon-e’tiqodini butun qiladigan, vijdonini uyg’otadigan beqiyos kuch, uning barcha qarashlarining mezonidir³”.Daxldorlik hissi esa fuqarolarning tug’ilgan joyi, ona Vatani, mustaqillikni anglash, uni asrab-avaylash, himoya qilish, uni yanada rivojlantirishga chorlaydigan, shart-sharoit, omillar majmuidir.

Men, o’zbekistonlik, O’zbekiston fuqarosi deb bilgan har bir kishi shu tuyg’u bilan yashashi,intilishi, faoliyatda bo’lishi zarur.

Daxldorlik hissi:

1. 
   Insonga atrofdagi odamlarga nisbatan daxldorlik;
   
2. 
   Oilaga daxldorlik;
   
3. 
   Maxallaga daxldorlik;
   
4. 
   Millatga daxldorlik;
   
5. 
   Mamlakatga, Vatanga daxldorlikni his etish bilan bog’liq holatlardir.
   

Insonning ma’naviy olamining yuksalishiva dahldorlik xissi fuqarolik jamiyati qurish vazifalarini amalga oshirish bilan uzviy bog’liq. Fuqarolarning davlat va jamiyat boshqaruvida ishtiroki ularning ichki dunyosi va irodasini baquvvat, imon-e’tiqodini butun qilishda yorqin namoyon bo’ladi. Insonning jamiyat hayotiga munosabati, qonunlarni hurmat qilishi, adolat tamoyillariga amal qilishi, insonni qadrlashi, ularning huquq va erkinliklarini oliy qadriyat deb bilishi,halol va pok yashashi ularning yuksak ma’naviy dunyosi va daxldorlik hissining amaliy ifodasi ekanligini hisobga olish lozim.Fuqarolik jamiyati qurilishi shu ma’noda insonning yuksak ma’naviy hamda daxldorlik hissi fazilatlari bilan uzviy bog’liq ekanligini ko’rish mumkin. Fuqarolik jamiyati – ijtimoiy makondir. U fuqarolarning davlat va jamiyat munosabatlarida aniq namoyon bo’ladi. Fuqarolik jamiyati – fuqarolarnintegishli fuqarolik jamiyati institutlari orqali davlat va jamiyat boshqaruvida faol ishtirok etishi ta’minlangan jamiyatdir. U tegishli qonunlar bilan tartibga solinadi va amalga oshiriladi. Fuqarolik jamiyati shu ma’noda demokratik jamiyat qurishning muhim shartidir. Jamiyatning ma’naviyati va daxldorlik hissiqancha yuksalib borsa, fuqarolik jamiyatini rivojlantirish vazifalarini amalga oshirish inmkoniyatlari shuncha oshib boradi. “Yuksak ma’naviyat” tushunchasi jamiyatning ma’naviy taraqqiyot darajasini belgilaydigan o’ziga xos mezoni hisoblanadi. U jamiyatdagi har bir insonning ruhiy olami, ichki dunyosi, imon-e’tiqodi va qarashlarining mezoni sifatida jamiyat hayotining o’ziga xos fazilatlarini namoyon etadi. Yuksak ma’naviyat jamiyatning milliy ma’naviy merosi va qadriyatlari hamda ilm-fan rivoji, demokratik jamiyat qurish tajribasi, yutuqlari bilan uzviy bog’liq bo’ladi.

Fuqarolik jamiyati qurilishi ma’naviyatni anglash va daxldorlik hissi, uni shakllantiruvchi mezonlar bilan bog’liq. Fuqarolik jamiyati qurilishi har bir xalqning milliy-ma’naviy merosi va qadriyatlari bilan bog’liq o’ziga xos milliy xususiyatlarga tayanadi hamda dunyo xalqlarining erishgan yutuqlarini xisobga oladi. Ma’naviyat insonning qon-qoni, suyak-suyagiga yillar davomida ona suti, oila tarbiyasi, ajdodlar o’giti, Vatan tuyg’usi, bu hayotning ba’zida achchiq, ba’zida quvonchli saboqlaribilan qatra-qatra bo’lib singib boradi. Ayniqsa, tabiatga, odamlarga yaqinlik, doimo yaxshilikni o’ylab yashash, halol mehnatqilish, dunyoning tengsizne’mat va go’zalliklaridan bahramand bo’lish ma’naviyatga oziq beradi, uni yanada kuchaytiradi.

Jahon xalqlari tajribasi, ularningbosib o’tgan murakkab rivojlanish yo’llari, bu boradagi saboq va xulosalar shundan dalolat beradiki, qaerda davlat va jamiyat taraqqiy topsa, xalqning tinch-osoyishta hayot kechirishi, o’z oldiga ezgu va buyuk maqsadlar quyib yashashi uchunetarli shart-sharoitlar yaratilgan bo’lsa, o’sha yerda erkin fikrlash muhiti va shu asosda ma’naviy yuksalish va daxldorlik hissini anglash uchun yangi imkoniyatlar tug’iladi.

Umuman olganda, insoniyat tarixi ma’naviyat –insonning, xalqning, jamiyat va davlatning buyuk boyligi va kuch-qudrat manbai ekanini, bu hayotda ma’naviyatsiz xech qachon odamiylik va mehr oqibat, baxt va saodat bo’lmasligini yaqqol tasdiqlaydi. Yer zida qancha inson, qancha taqdir bo’lsa, har birining o’z ma’naviy olami bor. Ma’naviyatni tushunish,anglashuchun avvaloinsonni tushunish, anglash kerak. SHuning uchun ham o’zligini, insoniy qadr-qimmatinianglab yetgan har qanday odam bu haqda o’ylamasdan yashashini tasavvur qilish qiyin. Milliy ma’naviyatni yuksaltirish asosiy vazifa hisoblanadi. Bugungi kunda ma’naviyatimizni shakllantiradigan va unga ta’sir o’tkazadigan barcha omil va mezonlarni chuqur taxlil qilib, ularning fuqarolik jamiyatida qanday o’rin tutishini yaxshi anglab olish maqsadga muvofiq. Prezidentimiz I.Karimov har qaysi xalq yoki millatning ma’naviyatini uning tarixi, o’ziga xos urf-odat va

an’analari, hayotiy qadriyatlaridan ayri holda tasavvur etib bo’lmasligini ta’kidlab, bu borada ma’naviy meros, madaniy boyliklar, ko’hna tarixiy yodgorliklar⁴eng muhim omillardan biri bo’lib xizmat qilishini ta’kidlaydi.

1. 
   Ma’naviyat va daxldorlik hissi fuqarolik jamiyati rivojining muhim omili
   

Ma’naviyat va daxldorlik hissiinson va jamiyat hayotida, uning yangilanish hamda demokratik fuqarolik jamiyati maqsad va vazifalarini amalga oshirishda muhim omil hisoblanadi. Mustaqillik O’zbekiston jamiyati yangilanishida yangi davrni boshlab berdi. Jamiyat rivojlanishini bir tomonlama tushunishya’ni moddiy omilni mutloqlashtirishga barham berildi. Jamiyat hayotida “ma’naviy va moddiy hayot” uyg’unligi (I.Karimov) nuqtai nazardan yondoshish o’ziga xos qonuniyatdir. Bu moddiy ehtiyojlariniinsonning ruhiy olamiga qarama-qarshi qo’yishlarga barham berdi.

Jamiyat rivojida ma’naviy va moddiy omillarning o’zaro bog’liqligiga asoslanadi. Bu fuqarolik jamiyatining ijtimoiy, iqtisodiy asoslarini, bozor iqtisodi qonunlarini to’g’ri tushunishga imkoniyat beradi. CHunki hamma narsa davlat mulki bo’lgan eski tuzumda xususiy mulkka ega bo’lish, tadbirkorlik va kichik biznes bilan shug’ullanish bizga begona bo’lgan tushunchalar sifatida baholangan edi. Bugungi kunda esa xususiy mulk tushunchasiga nisbatan munosabat qanday o’zgarib, hayotimizdan qanchalar chuqur joy olib bormoqda.

Ma’naviyat insonni ulg’ayish va kuch quvvat manbaidir. Bu insonning ruhiy poklanish va qalban ulg’ayishi bilan bog’liq. Hayotda har xil odamlar uchraydi. Ularning ma’nan halol, pok yashaydigan odamlarga hamda aksincha ma’nan zaif, halol va pok yashamaydigan odamlar ham mavjud. Ammo ma’naviyatni barqarorligi ham ana shunday halol-pok niyatli insonlarning borligi tufaylidir. Fuqarolik jamiyatini qurish va rivojlantirish ezgu maqsad. Ufuqarolarning davlat va jamiyat hayotida faol ishtiroki bilan uzviy bog’liq. Fuqarolik jamiyati ana shunday odamlarning yuksak ma’naviyati, daxldorlik hissiga, oliy maqsadlariga tayanadi.

Bunday odamlar o’zlarining ezgu g’oya va amallari bilan fuqarolik jamiyati institutlarida faol ishtirok etadi. Bu institutlar: 1) NNT, 2) jamoat birlashmalari; 3) turli xil jamg’armalar; 4) mahalla; 5) oila; 6) OAV; 7) turli xil ijtimoiy harakatlar va b. Fuqarolik jamiyati institutlari manfaatlar muvozanatini ta’minlashga ko’maklashadi, unga xizmat qiladi. Bu bilan bog’liq turli xil qonunlarning ijrosini ta’minlaydi.

Bunga yuksak ma’naviyat, ta’lim-tarbiya va chuqur daxldorlik hissi orqali erishish mumkin. Ilm-fan, adabiyot, san’at, xalqimizning boy ma’naviy merosi, qadriyatlarini o’rganish va hurmatqilishorqali fuqarolik jamiyati milliy-ma’naviy va umuminsoniy negizlarining o’zaro mushtarak xolda rivojlanishini ta’minlash mumkin. Bu yuksak ma’naviyat va daxldorlik hissini shakllantirishda oilaning o’rni beqiyosdir. Oila esa fuqarolik jamiyatining muhim bo’g’inidir Mustaqillik yillarida “Kuchli davlatdan kuchli fuqarolik jamiyati sari” kontseptsiyasi amalga oshirildi. Kuchli fuqarolik jamiyati: 1) inson manfaatlarining ustuvorligiga; 2) insonlarning yuksak ma’naviyatiga; 3) qonun ustuvorligiga; 4) davlatning bosh islohotchilik roliga; 5) siyosiy plyuralizmga; 6) mafkuraviy plyuralizmga; 7) fikrlar xilma-xilligiga; 8) demokratik saylov printsiplariga va boshqalarga asoslanadi. Bu fuqarolardan yuksak mas’uliyat, daxldorlik hissi, demokratik ong va tafakkur talab etadi. Globallashuv davrida ma’naviy tahdidlarning oldini olish mamlakatimizda belgilangan fuqarolik jamiyatini rivojlantirish maqsadalariga to’g’ri keladi. Bunda fuqarolarning yuksak ma’naviyatini shakllantirish orqali ularning milliy-ma’naviy qadriyatlariga, tarixiy merosimizga, demokratik qadriyatlarga bo’lgan ishonch va e’tiqodini mustahkamlash orqali zararli g’oyalarning oldini olish mumkin.

Xulosa o’rnida aytish mumkinki, yuksak ma’naviyat va daxldorlik hissi ma’naviyatni inson va jamiyat hayotida, fuqarolik jamiyati qurilishi maqsad va vazifalarini tushunishda muhim nazariy va amaliy ahamiyatga ega. Yuksak ma’naviyat va fuqarolik jamiyatining o’zaro bog’liqligini quyidagi yo’nalishlar orqali ko’rish mumkin:

1. 
   Ma’naviyat insonga xos xususiyat, ma’naviyatni tushunish uchun insonni bilish zarur;
   
2. 
   Insonning ma’naviyat darajasi uning daxldorlik hissini belgilaydi. Insonning ma’naviyati hamda daxldorlik hissi qancha yuqori bo’lsa, uning fuqarolik jamiyati mas’uliyatini, maqsad va vazifalarini tushunishi hamda ishtiroki shuncha yuqori bo’ladi;
   
3. 
   Inson ma’naviyatli va daxldorlik hissi yuqori bo’lsa, milliy-ma’naviy meros va qadriyatlarni hurmat qiladi, unga sodiq bo’ladi. Bu fuqarolik jamiyati uchun muhim negizdir;
   
4. 
   Insonning qonunlarni hurmat qilishi, amal qilib, uning ijrosini ta’minlashi ham yuksak ma’naviyatihamda daxldorlik hissimezonidir;
   
5. 
   Milliy g’oya maqsadlari bilan fuqarolik jamiyati maqsadlari mushtarak;
   
6. 
   Yuksak ma’naviyatli shaxs ozod va erkin shaxs ma’naviyatidir. Ozod va erkin shaxs esa fuqarolik jamiyatiningfaol ishtirokchidir, bunyodkordir;
   
7. 
   Ma’naviy tahdidlar – insonning o’zligiga, ma’naviyatiga tahdiddir. SHuning uchun ham insonni uning har qanday ko’rinishidan himoya qilish fuqarolik jamiyati rivojlanishining ustuvor maqsadlariga to’g’ri keladi. Daxldorlik hissining yuqori bo’lishi insonlarga xos muhim fazilatdir.
   

3.

Saylov huquqi erkinligi – fuqarolik jamiyatining muhim mezoni

Saylov - demokratik, fuqarolik jamiyatining asosiy belgisi sifatida. Fuqarolarning siyosiy-ijtimoiy jihatdan yetukligi uning ijtimoy hayotida faol ishtirok etishi bilan belgilanishi. Saylov – ovoz berish yordamida davlat hokimiyatining vakillik organlarini yoki mansabdor shaxsni, fuqarolarning o’zini o’zi boshqarish organlarini, jamoat birlashmalarini va boshqalarni bevosita xalqning xohish- irodasiga asoslangan holda, ular tomonidan yoki boshqa organ tomonidan shakllantirish mezoni. Saylovlarning turlari. Saylov printsiplari: umumiy saylov huquqi; teng saylov huquqi; to’g’ridan-to’g’ri (bevosita) saylash huquqi; yashirin ovoz berish huquqi. Insonning o’z xohish-irodasini erkin bildirishi hamda uni amalga oshirishi, ozchilikning ko’pchilikka bo’ysunishi, barcha fuqarolarning teng huquqliligi, davlat va jamiyat boshqaruvida qonun ustuvorligi, davlatning asosiy organlari saylanishi, ularning saylovchilar oldida hisob berishi, tayinlash yo’li bilan shakllanadigan davlat organlarining saylovchi tashkilotlar oldidagi javobgarligi.

Jahon tajribasida fuqarolik jamiyati institutlari faoliyati

XX asrning ikkinchi yarmidan boshlab AQSH va Yevropa mamlakatlarida fuqarolar o’z salohiyatlarini ro’yobga chiqarishi, ularning ijtimoiy, ijtimoiy-iqtisodiy va huquqiy madaniyatini oshirish uchun shart-sharoitlar yaratuvchi fuqarolik institutlarining faoliyati rivojlanishi. XX asr oxiri – XXI asr boshida dunyo miqyosida globallashuv jarayonlari chuqurlashishi, jahon moliyaviy-iqtisodiy inqirozi rivojlanishi, ma’naviy-axloqiy inqiroz kuchayishi sharoitida AQSH va Yevropaning qator mamlakatlari nohukumat sektori bilan hamkorlikka oid yagona davlat siyosatini ishlab chiqish bo’yicha tegishli chora-tadbirlarni amalga oshirilishi. Hozirgi davrda AQSH, Frantsiya va Germaniyada NNTning faoliyati. AQSH va SHvetsiyada NNTlarning ro’yxatdan o’tish shartlari.

Ijtimoiy va texnologik innovatsiyalarning fuqarolik jamiyati shakllanishi va rivojlanishiga ta’siri

Texnologik innovatsiyalar zamonaviy taraqqiyotning kafolati sifatida. Fuqarolik jamiyati ana’anaviy tushunchalarining texnologik rviojlanish natijasidagi o’zgarishlar va yangi qirralarning ochilishi. Ijtimoiy innovatsiya tushunchasi. Ijtimoiy innovatsilarning qo’llanilishi. Ijtimoiy tarmoqlar zamonaviy fuqarolik jamiyatining bo’g’ini sifatida. Innovatsion faoliyatining boshqarish mexanizmlari va fuqarolik jamiyati.

Fuqaroviylik, fuqaro faolligi

Fuqaroviylik tushunchasi. Fuqaroviylikning asosiy belgilari va me’zonlari. Fuqaroviylik vatanparvarlikning namoyon bo’lishi. Fuqaroning o’z haq-huquqlarini tushuniish va uni amaliyotda qo’llash ko’nikmasi va boshqa fuqarolarning haq-huquqlarini hurmat qilishi. Fuqaroning o’z hatti-harakati uchun shaxsiy javobgarligi. Fuqaroning davlat va jamiyat oldida o’z huquqiy va ahloqiy mas’uliyatini anglashi. Fuqaroviy o’zlikni anglash fuqaroviylikni ifoda etuvchi muhim jihat. Fuqaroviylikni faollik nuqtaiy nazaridan shartli ravishda darajalarga bo’lish. Fuqaroviy ong. Demokratik qadriyatlar, ideallar, huquq va erkinliklar nuqtaiy nazaridan shaxs, jamiyat va davlat o’rtasidagi munosabatlarni anglash. Fuqarolik ongi – jamiyat taraqqiyotining mezoni. Fuqarolik ongining asosiy vazifalari. Fuqarolik ongining jamiyat hayotida turli shakllarda namoyon bo’lishi. Fuqarolik ongining o’ziga xos xususiyatlari. Fuqaroviy ong jamiyatni birlashtiruvchi kuch sifatida. Fuqaroviy faollikka ta’sir ko’rsatuvchi omillar.

Taraqqiyotning o’zbek modeli va fuqarolik jamiyatini barpo etishning ilmiy-metodologik asoslari

O’zbekiston Respublikasi Prezidenti I.A.Karimov tomonidan mamlakatimizda yangi huquqiy demokratik davlat va fuqarolik jamiyatini barpo qilishning kontseptual zaminlari asoslab berilishi. Rivojlangan mamlakatlaring taraqqiyot modellari. Taraqqiyotning “O’zbek modeli”ni yaratilishining siyosiy-ijtimoiy, tarixiy asoslari. Taraqqiyotning “O’zbek modeli”ning asosiy tamoyillari, mohiyati va o’ziga xos xususiyatlari. Taraqqiyotning “O’zbek modeli” jamiyatimizda huquqiy demokratik davlat va fuqarolik jamiyatini barpo etishning yetakchi asosi ekanligi.

Fuqarolik jamiyatini tadqiq etishning metodologik asoslari. Demokratik taraqqiyot fuqarolik jamiyatini shaklantirishning asosi sifatida. Davlat fuqarolik jamiyatini shakllantirishda bosh islohotchi sifatida. O’zbekistonda “Kuchli davlatdan – kuchli fuqarolik jamiyati sari” tamoyili asosida jamiyatni yangilash jarayonlari. O’zbekistonda fuqarolik jamiyatini shakllantirishning ijtimoiy-iqtisodiy asoslari. Demokratik islohotlarning zamonaviy sifat bosqichida fuqarolik jamiyatini rivojlantirishning strategik yo’nalishlari.

Mamlakatni yangilash va modernizatsiya qilish – fuqarolik jamiyatini rivojlantirishning ustuvor sharti

Modernizatsiya tushunchasining mazmuni va mohiyati. Ijtimoiy-gumanitar fanlardagi modernizatsiya kontseptsiyalari. Modernizatsiyaning nazariy-metodologik modellari. Modernizatsiya nazariyalarining evolyutsiyasi. Modernizatsiya turlari, mexanizmlari va asosiy bosqichlari. Modernizatsiya jarayonlarining maqsad va vazifalari.

Demokratik taraqqiyot modernizatsiya jarayonlarini yetakchi asosi. Mamlakatimizdagi yangilanish va modernizatsiya jarayonlarining asosiy yo’nalishlari va o’ziga xos jihatlari. Mamlakatimizni isloh etish va modernizatsiya qilish jarayonlarining izchilligi va bosqichma-bosqichligi. “Yangi uy qurmay turib, eskisini buzmang”, “Islohot islohot uchun emas, avvalo, inson uchun” degan qoida va tamoyillarning ahamiyati va dolzarbligi.Mamlakatimizda modernizatsiya jarayonlarining kontseptual zaminlarining asoslanishi va rivojlantirilishi. Mamlakatimizda amalga oshirilayotgan o’zgarishlarning qonunchilik, huquqiy va normativ bazasi chuqurlashtirilishi va kengaytirilishi. Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish kontseptsiyasida “davlat hokimiyati va boshqaruvini demokratlashtirish” ustuvor vazifa etib belgilanishi. Davlat boshqaruvini modernizatsiyalash sharoitida davlat hokimiyati tarmoqlarining “bir-birini tiyib turish va muvozanatda saqlash” tamoyilining mohiyati va hokimiyatlar taqsimlanish amaliyotidagi ifodasi. Mamlakatimizdagi demokratik islohotlar va yangilanishlarning Konstitutsiya va qonunlarimizda izchil ravishda aks etishi.

Yurt tinchligi, Vatan ravnaqi va xalq farovonligi – fuqarolik jamiyati barpo etishning eng muhim sharti

Yurt tinchligi – bebaho ne’mat, ulug’ saodatdir. Bashariyatning o’z taraqiyotning barcha bosqichlarida tinchlik-totuvlikka intilishi. Yurt tinchligi – barqaror taraqqiyot garovi. Fuqarolarning Vatanga sadoqati. Vatanparvarlik. Fidoiylik. Sarhadlar dahlsizligi. Zamonaviy qurolli kuchlar. Vatan tushunchasi. Vatan ravnaqi g’oyasi v uni ta’minlashning asosiy omillari. Ijtimoiy omillar. Siyosiy-huquqiy omillar. Iqtisodiy omillar. Ma’naviy omillar. Halq farovonligi g’oyasi va uning ta’minlovchi kursatkichlar. Farovon turmush daraja. Insonga munosib farovon, moddiy va ma’naviy hayt tarzi. Kuchli ijtimoiy himoya. Inson omilining yuksak mavqeiga erishganligi. Isloxot islohot uchun emas, inosn uchun, uning farovon xayoti uchun xizmat qili zarurligi.

Yuksak ma’naviyat va daxldorlik hissi – fuqarolik jamiyati a’zolarining muhim fazilati

Fuqarolik jamiyatining madaniy-ma’naviy asoslari. Madaniyat va ma’naviyat. Fuqarolik jamiyatini rivojlantirishda ma’naviy qadriyatlar. Milliy va umuminsoniy qadriyatlar. Milliy g’oya va ma’naviyat. Moddiy va ma’naviy madaniyatning uyg’unligi. Ma’naviy tahdidlarga qarshi kurash mexanizmlari. “Ma’naviy tiklanish” va “ma’naviy yangilanish” tushunchalari. Demokratiya – milliy va umuminsoniy qadriyat ekanligi. Fuqarolarning huquq va manfaatlarining ustuvorligi oliy demokratik qadriyat ekanligi. “Hamma narsa inson uchun, uning kelajagi uchun” tamoyili.

Demokratik institutlarni rivojlanttirishda siyosiy partiyalarning o’rni va ahamiyati

Ko’ppartiyaviylik – fuqarolik jamiyat barpo etishning muhim sharti. Mamlakatimizdagi mavjud siyosiy partiya va harakatlar faoliyatini jonlantirish. O’zbekiston Xalq demokratik partiyasi, O’zbekiston Adolat sotsial-demokratik partiyasi, O’zbekiston Milliy Tiklanish demokratik partiyasi, Tadbirkorlar va ishbilarmonlar harakati – O’zbekiston Liberal-demokratik partiyasi. Partiyalarning Oliy Majlis Qonunchilik palatasidaga o’rni. “Davlat boshqaruvini yangilash va yanada demokratlashtirish hamda mamlakatni modernizatsiya qilishda siyosiy partiyalarning rolini kuchaytirish to’g’risida” (2007)gi qonun va uning saylovlarda g’olib partiyaning Bosh vazir nomzodini ko’rsatish huquqi hamda uning mohiyati.

1^ Карпова Н.В. Политическая культура в процессе становления гражданского общества// Вестник Московского университета. – Сер. 18 : Социология и политология. – 2006. – №1.

2

3

4