3-tema. Balalardı mektepke tayarlıq dárejesine qoyılatuǵın minimal talaplar

3-tema.Balalardı mektepke tayarlıq dárejesine qoyılatuǵın minimal talaplar.

Reje:

1. 
   Ózbekistan Respublikasınıń erte hám mektepke shekemgi jastaǵı balalar rawajlanıwına qoyılatuǵın Mámleket talapları.
   
2. 
   Mektepke shekemgi tálim hám tárbiya haqqındaǵı Ózbekistan Respublikasınıń Nızamı kóz-qarasınan Mektepke shekemgi bilimlendiriw shólkeminde balalardı mektep tálimine tayarlıq dárejesine qoyılatuǵın Mámleket talapları.
   

Tayanısh túsinikler: minimal talaplar, mektep, mektepke tayarliq

Ósip kiyatırǵan jas áwladtı belgili maqset jolında hár tárepleme kámal taptırıw, onıń sanası, dúnyaqarası, minez-qulqın rawajlandırıw mektepke shekemgi bilimlendiriw mákemeleriniń aktual mashqalalarınan biri bolip sanaladı. Mektepke shekemgi tálim mákemelerine qoyilatuǵin mámleket talaplarina balalardiń fizikaliq rawajlaniwi, óz-ózine xizmet hám gigiena, til ósiriw hám sawat ashiwǵa tayarlaw hámde biliw protsessin hám dógerek-átirap haqqindaǵi bilimlerge iye boliwin názerde tutadi.Bul mámleket talaplari tiykarinda balalardi mektepke tayarlaw hámde olardiń fizikaliq hám aqliy rawajlaniwin támiyinlew maqsetinde arnawli «Daslepki qadem»dástúri islep shiǵilip, házirgi waqitta ámeliyatqa engizildi. Mektepke shekemgi mákeme tárbiyashisi hám ata-analar bul dástúrge tiykarlanip balalarǵa dáslepki matematikaliq túsiniklerdi hámde matematikaliq máselelerdi sheshiwge úyretiw jollarina itibar beredi. Tálim-tárbiya sapasin kúsheyttiriw talaplarin qoyip atirǵanda jas áwlad penen islesiw zárúr bolip tabiladi, mektepke shekemgi tálim tek ǵana aniq bilimler kólemin belgilep ǵana qalmay, bálkim ózlestirilgen bilimler alinǵan nátiyjeler tiykarinda balalarda matematikaliq túsiniklerdi rawajlandirwdan ibarat bolip tabiladi. Mektepke shekemgi tálim sistemasin qayta quriwdiń tiykarǵi baǵdarlarinan biri balaniń qásiyetleri, imkaniyatlari, qábileti hám uqipliliqlarin itibarǵa alǵan halda oni shaxs sipatinda belgili rawajlandiriwǵa qaratilǵan tálim bolip tabiladi. Málim bolǵaninday, hár bir insan óziniń umtiliwlari, qábileti imkaniyatlarina kóre turmista óz ornin taba alǵan shárayatta rawajlaniwshi jámiyetti payda etiwi múmkin.

Jámiyettegi insanniń toliq túrdegi iskerligi, yaǵniy oniń hár kúngi turmisi, óndiris iskerligi, onnan joqari dárejedegi uliwma rawajlaniw hám uliwma mádeniyatiniń jetilisip bariwi talap qilinadi. Soniń ushin biziń tiykarǵi waziypamiz mektep jasina deyin bolǵan balalardi bilimge úndew, iskerlikke shaqiriw, ámeliy iskerliktiń hár bir túrinde matematikaliq túsiniklerdiń zárúrligin kórsetiw, pikirlewge úyretiwden ibarat bolip tabiladi. Demek, zamanagóy mektepke shekemgi tálim aldinda balalarǵa jasliǵinan baslap erkin, aktiv matematikaliq túsiniklerdi rawajlandiriw waziypasi turipti.
Ózbekstan Respublikasiniń «Bilimlendiriw haqqinda»ǵi Nizam hám Kadrlar tayarlaw milliy dástúri talaplari tiykarinda mektepke shekemgi tárbiya jasindaǵi balalarǵa tálimtárbiya beriwdiń tiykarǵi maqseti jas áwlad keleshek ideologiyasi tiykarinda salamat, hár tárepleme rawajlanǵan shaxs sipatinda tárbiyalaw hám mektep tálimine tayarlawdan ibarat.
Mektepke shekemgi tárbiya jasindaǵi balalarǵa tálim tárbiya beriwdiń tiykarǵi waziypalari balalardi fizikaliq, aqiliy hám ruwxiy tárepinen rawajlantiriwda, olardi tuwma talantli, qiziǵiwi, iqtiyari hám múmkinshiliklerin esapqa alǵan halda, milliy hám uliwma insaniyliq qádiriyatlar tiykarinda ssistemali tálim aliwǵa (baqsha-mektep) tayarlawdan ibarat.
Mektepke shekemgi jastaǵi balalardi rawajlantiriw hám mektepke tayarlaw protsessi, aldina qoyilǵan maqset hám waziypalardi orinlaniwi usi mektepke shekemgi tárbiya jasindaǵi balalar tálim tárbiyasina qoyilatuǵin mámleket talaplari, mektepke shekemgi tárbiya jasindaǵi balalarǵa beriletuǵin tálimtárbiya mazmuniniń tiykarǵi baǵdarlari hám olardiń mektepke tayarliq dárejesine qoyilatuǵin minimal talaplar belgilep berilgen bolip, ol mámleket hújjeti sipatinda tán alinadi.
Mámleketlik talaplari kórsetkishlerin belgilewde mámlekett hám jámiyettiń sotsial buyirtpasi, mektepke shekemgi jastaǵi balalardiń fizikaliq salamatliǵi, qábileti, iqtiyaji hám múmkinshilikleri, yaǵniy bala shaxsiniń ustinliǵinen kelip shiǵiladi.
Mektepke shekemgi jastaǵi balalar tálimtárbiyasina qoyilatuǵin mámleket talarlarin orinlaw Ózbekstan Respublikasi aymaǵqinda xizmet kórsetip atirǵan mulkshiliq formasi hám irodaviy boysiniwdan qatiy názer bárshe tálim mekemeleri ushin májbúriy.