3. тема. Хызмет ҳәм мотивация Жоба

Түсиник
анализ мазмуны
Хызмет	Xızmet – insanǵa ǵana tiyisli bolıp, sana menen basqarılatuǵın zárúrlikler tiykarında payda bolatuǵın hám sırtqı álem menen adamnıń ózin – ózi biliwge, onı qayta qurıwǵa qaratılǵan aktivligi. Insan óz zárúrliklerin qanaatlandırıw ushın aktivlik kórsetedi. Adamda tábiyiy zárúrlikleri esaplanǵan awqatlanıw hám adamzat tárepinen islep shıǵılǵan sociallıq tájiriybe tiykarında qanaatlandırıladı. Mısalı, bala stulǵa otırǵannan baslap qasıqtı aladı, ol awqatlanıw zárúrligin qanaatlandıra baslaydı. Awqattı qasıqsızda jewi múmkin biraq oǵan qasıq penen jewdi anası úyretedi. Tárbiya bala xızmetiniń qáliplesiwinde úlken rol oynaydı hám zárúrliklerin qanaatlandırıwda aktivlik kórsete baslaydı.
Интериоризация	sırtqı predmetli háreketlerdiń ishki aqılıy ámellerge aylanıw procesi
Экстериоризация	Eksteriorizaciya ishki psixikalıq xızmettiń sırtqı, predmetli xızmetine, janlı háreketke aylandırıw. SHaxs xızmetiniń sırtqı hám ishki sisteması bir – biri menen baylanıslı. Insan xızmetiniń sırtqı kórinisi onıń dógerek – átirapqa tásir kórsetiwine gózlengen háreketler psixikalıq qásiyetke iye boladı. Olardı motivlestiredi, biliwge baǵdarlaydı. Psixikalıq xızmet zatlar hám processler ózgesheliklerin ózinde kórsetedi. Olardı maqsetke muwapıq túrde qayta – qayta ózlestiriwin ámelge asıradı.
Көнликпе	Kónlikpeler aldınnan belgilengen maqsetke say bolıwı, ayırım háreketlerdiń tolıq, anıq bolıwın talap etedi. Kónlikpe qanday dárejede ekenligin bir – birinen parqın biliw kerek. Sonıń ushın da kónlikpe tek bilim talap etip qoymastan, bálkim, qanday da bir maqsetti ámelge asıratuǵın óz – ara say háreketlerde de sáwlelenedi. Oqıwshılar kónlikpe menen baylanıslı bolmaǵan bilimlerge iye bolıwı múmkin. Mısalı, oqıwshı orfografiya qaǵıydaların bilgeni menen sawatlı jaza almawı múmkin. Kónlikpeler ámeliy xızmetke, bilimlerdi ámelde qollana alıwǵa baylanıslı.
Тәжрийбе	Tájiriybede arnawlı zor bermesten, hám sanalı háreketlerge qaraǵanda tez payda bolıwı sebebinen, xızmettiń ayırım túrleri hám quramalı kónlikpelerdiń ámelge asırılıwın jeńillestiredi. Hár bir tájiriybe belgili bir sharayatta xızmet procesinde sanalı háreketlerge aylanıwı múmkin. Kerisinshe, júdá kóp sanalı háreketler xızmet procesinde tájiriybege aylanıp qalıwı da múmkin. Bunda payda bolǵan tájiriybelerden racional paydalanılsa olar jáne de artıǵıraq bekkemlengen, sanalı dóretiwshilik xızmeti ushın tiykar hám sharayat bolıp xızmet etiwi múmkin.
Ойын	Oyın xızmeti rawajlanıwdıń dáslepki genetikalıq basqıshlarında adamnıń dógerek átirap penen baylanıs ornatıwınıń tiykarı sıpatında onıń psixikası qáliplesiwiniń payda bolıwınıń sheshiwshi faktorı sıpatındaǵı xızmet oyınlar kórinisinde boladı. Bala oyında sociallıq qarım – qatnasqa kirisedi. Sóylewdi úyrenedi, zat hám hádiyselerdi qabıl etiwge, olar haqqında qıyal etiw hám pikir júrgiziwge, óz – ózin tuta biliwge, qıyınshılıqlardı jeńiwge úyrenedi hám fizikalıq jaqtan rawajlanadı. Oyın xızmetiniń motivleri sol oyınnıń ózinen – aq, balalar payda etetuǵın fizikalıq hám emocional qanaatlanıw arqalı belgilenedi.
Оқыў	Oqıw – oqıtıwshı menen oqıwshınıń subekt – subekt múnásibetindegi birge islesiw xızmeti esaplanadı. Balalar oqıw procesinde ózinen burınǵı áwladlardıń tájiriybesin úyreniw menen birge, sawat ashıwǵa, ilim tiykarların úyreniwge izlenedi hám dóretiwshilik etedi, onıń ushın ol biliw xızmeti menen bánt boladı. Bul xızmettiń basqa xızmetten parqı sonda, oqıwshı studentlerdiń pikir júritiw processleri qáliplesedi, logikalıq pikirlewge úyrenedi, pikirlew processleri aktivlesedi. S
Мийнет	Miynet xızmeti, jasaw ushın zárúrliklerdi qanaatlandırıw, keleshek ushın molshılıqtı támiyinlew, jaratılǵan ónimlerdi saqlaw, miyras sıpatında qaldırıw funkciyaların atqaradı. Sonıń ushın da miynet xızmeti professiogrammaǵa tiykarlanǵan halda túrli formada shólkemlestiriledi hám belgili joba, maqset tiykarında hár qıylı jaǵdaylarda ámelge asırıladı
мотив	Motiv – belgili zárúrliklerdi qanaatlandırıw menen baylanıslı iskerlikke iytermelewshi sebep. Motivtiń dúzilisine shaxstıń baǵdarlanıwı, onıń xarakteri, emocional jaǵdayı, qábileti, ishki keshirmeleri, xızmet hám biliw processleri kiredi. Emocional keshirmeler motivlesken faktorlar sisteması menen tıǵız baylanıslı boladı. Motiv mexanizmleri shaxs sıpatların qayta qurıw, olardı rawajlandırıw procesiniń aktivlesiwi túrinde júzege shıǵadı hám sonıń menen birge insannıń kamal tabıw procesine, xızmet ortalıǵı hám sharayatı áste yamasa tez ózgeriw motivleriniń jetilisiwi, turaqlasıwı sıyaqlı faktorlar tásir etedi
мотивация	Motivaciya – insannıń minez – qulqı, onıń baylanısı, baǵdarlanıwı hám aktivligin túsindirip beriwshi sebepler jıyındısınan ibarat.