3-тема. PuwlandíRÍw puwlandırıw usılları Kóp korpuslı qurılmalarda puwlandırıw

2. Kóp korpuslı qurılmalarda puwlandırıw.
Bul túrdegi qurılmalarda ısıtıwshı puw sıpatında ekilemshi puw qollanıladı. Nátiyjede júdá kóp muǵdarda jıllılıq tejeledı. Eritpeden 1 kg suwdı puwlandırıw ushın ısıtıwshı, toyınǵan suw puwınıń salıstırma sarpı tómendegishe
– bir korpuslı qurılma ushın 1,1...1,2 kg;
– eki korpuslı qurılma ushın 0,55 kg;
– úsh korpuslı qurılma ushın 0,40 kg;
– tórt korpuslı qurılma ushın 0,30 kg.
Kóp korpuslı qurılmalarda puwlandırıw processin joqarı basımlı ısıtıwshı puw yamasa vakuum járdeminde ámelge asırıw múmkin.
Puwlandırıw korpuslarındaǵı basım sonday bolıwı kerek, oǵan berilip atırǵan puw temperaturası, sol korpustaǵı eritpeniń qaynaw temperaturasınan joqarı bolıwın támiyinlew kerek. Aqırǵı korpustaǵı ısıtıwshı puwdıń basımı texnikalıq – ekanomikalıq esaplar tiykarında anıqlanadı.
Isıtıwshı puw hám eritpeniń háreket jónelisine qarap parallel (bir qıylı), qarama-qarsı hám kombinaciylanǵan jollı kóp korpuslı puwlandırıw qurılmalarına bólinedi. 4.50-a-súwrette úsh korpuslı parallel baǵdarlı puwlandırıw qurılması keltirilgen.
Baslanǵısh eritpe korpus 1 ge jiberiledi, soń korpus 2 hám 3 ge jiberiledi hám kereklı koncentraciyaǵa deyin qoyıwlastırılǵanınan soń korpus 3 tiń tómengi bóliminen shıǵarıladı. Korpus 1 den korpus 3 ke qarap basım páseyıp baradı. Sonıń ushın, eritpe basımlar parqı astında korpustan korpusqa ótıp baradı. Isıtıwshı puw eritpe sıyaqlı sol jóneliste bir korpustan keyingisıne háreket qıladı. Yaǵnıy, korpus 1 de payda bolǵan ekilemshi puw 2- korpusqa ısıtıwshı puw bolıp, 2 – korpusta payda bolǵan ekilemshi puw bolsa, 3 korpusqa ısıtıwshı puw bolıp, 3 – korpusta payda bolǵan puw kondensaciyalanıw ushın barometrlik kondensator 4 ke jiberiledi.
4.50-b-súwrette úsh korpuslı qarama-qarsı baǵarlı puwlandırıw qurılması súwretlengen. Taza ısıtıwshı puw 1 – korpusta aydaladı, ekilemshi puwlar bolsa 1-korpustan 3 ke qarap háreket qıladı. Baslanǵısh eritpe bolsa, aldın 3-korpusqa júklenedi, soń bolsa 3-korpustan 1-korpus tárepke qarap beriledi. Qoyıwlastırıp bolınǵan eritpe 1-korpustıń tómengi bóliminen shıǵarıp alınadı. Hár bir keyingi korpustaǵı basım aldınǵı korpustikinen kem bolǵanı ushın, eritpeni jetkeriw ushın nasos 5,6,7 ler xızmet qıladı. Kombinacıyalanǵan puwlandırıw qurılmalarında eritpeni kirgiziw hám shıǵarıw variantlari hár túrli bolıwı mumkin.
Parallel baǵdarlı puwlandırıw qurılmasınıń artıqmashlıqları: eritpeni korpustan korpusqa jetkeriw ushın nasos kerek boladı. Hár bir keyingi korpusta, joqarı koncentraciyalı eritpe, salıstırmalı páslew basımda puwlatıladı.
Usı aqırǵı korpustaǵı jıllılıq ótkeriw koefficientı birinshısıne qaraǵanda ádewir kishi boladı.
Qarama-qarsı baǵdarlı puwlandırıw qurılmalarınıń artıqmashlıqları: júda joqarı koncentraciyalarǵa shekem qoyıwlastıriw múmkin; bir baǵdarlı qurılmalarǵa salıstırǵanda kishkene ısıtıw júzesi talap etiledi.
Kemshılıgi: eritpeni korpustan korpusqa jetkeriw ushın nasoslar zárúr.
4.51-súwrette puwlandırıw qurılmaları sanınıń artıwı menen túrlı sarıplar ózgeriwi kórsetilgen. Joqarıda aytılǵanlardan málım bolǵanınday, qurılmalar sanı ósiwi menen eritpe quramındaǵı 1kg suwdı puwlandırıw ushın ısıtıwshı puw sarpı keskin kemeyıp baradı. Biraq, qurılmalar sanı artıwı menen temperatura joǵalıwı kóbeyedi. Jıllılıq almasıw processi nátiyjeli ótiwi ushın temperaturalardıń paydalı parqı belgili mániske iye bolıwı kerek. Tabiyǵıy cirkulyaciyalı qurılmalar ushın bul parıq 5...7°С hám májbúriy cirkulyaciyalar ushın bolsa - 3°С dan kem bolmawı zárúr.