3-тема. PuwlandíRÍw puwlandırıw usılları Kóp korpuslı qurılmalarda puwlandırıw

3-тема. PUWLANDÍRÍW


1. Puwlandırıw usılları
2. Kóp korpuslı qurılmalarda puwlandırıw.
3. Puwlatqıshlar dúzilisi hám islew principleri


1. Puwlandırıw usılları
Sanaatta bar texnologiyalarda tómendegi puwlandırıw usıllarınan paydalanıladı:
– ápiwayı puwlandırıw (úzlikli hám úzliksiz)
– kóp korpuslı qurılmalarda puwlandırıw (tek úzliksiz);
– ıssılıq nasosların qollanıp puwlandırıw.
Eritpeler hám ısıtıwshı puw qásiyetlerine qarap hámme 3 túrdegi puwlandırıw usılları vakuum hám basım astında ótkeriliwi múmkin. Jıllılıq jetkerip beriwshi sıpatında, toyınǵan suw puwı qollanıladı. Kemnen -kem jaǵdaylarda eritpeler elektr toki yaki aralıq jıllılıq jetkerip beriwshiler járdeminde ısıtıladı.
Ápiwayı puwlandırıw. Issılıq tejelıwi úlken áhmiyetke iye bolmaǵan hám ónimdarlıǵı kishi bolǵan qurılmalarda ápiwayı puwlandırıwdan paydalanıladı. Bunnan basqa, temperatura depressiyası joqarı eritpelerde ǵana úzlikli isleytuǵın, bir korpuslı puwlandırıw qurılmalarında ámelge asırıw ekanomikalıq tárepten tuwrı hám máqsetke muwapıq. Úzlikli puwlandırıwdı eki turli jol menen alıp barıw múmkin: baslanǵısh eritpeni basında júklew hám az-az muǵdarda júklew.
Úzliksiz isleytuǵın ápiwayı puwlandırıw qurılması 4.47-súwrette keltirilgen.



Baslanǵısh koncentraciyalı eritpe nasos 1 járdeminde sarıp ólshegish 2 arqalı ısıtqısh 3 ke beriledi. Ol jerde eritpe qaynaw temperaturasına shekem ısıtıladı, soń puwlatqısh 4 ke puwlandırıw ushın jiberiledi. Qurılma 4 tıń páski bóliminde eritpe suw puwı járdeminde ısıtıladı, nátiyjede eritiwshi puwlanadı. Payda bolǵan ekilemshi puw qurılma 4 tıń joqarǵı bólimi bolǵan separaciyalıq bóliminde mayda tamshılardan ajıratıladı hám barometrlik kondensator 5 ke jiberiledi. Onnan ekilemshi puw kondensaciyalandı. Kondensaciyalanbaǵan inert gazlar uslaǵish 6 arqalı vakuum - nasos 8 járdeminde sorıp alınadı. Suwıtıwshı suw menen payda bolǵan kondensat barometrlik truba 7 arqalı jiynaǵishqa túsıriledi. Qoyıwlastırılǵan eritpe nasos 8 járdeminde tayar ónim skladına jiberiledi.