30 маъруза Электр манбаларни лойихалаш ва мухофазалашга доир масалалар

Электр манба қурилмаларини ихчамлаштиришдаги асосий йўналишлар
Аппаратларнинг хажмини, оғирлигини ихчамлаштириш ҳозирги замон техникасининг асосий вазифасидир.
Ихчамлашганини баҳолаш учун элементларни қай ҳолатда жойлаштирилиши бахоланади, яъни бир бирликдаги ҳажмга жойлашган элементлар сони билан аниқланади. Ҳозирда 1 см³ да 10⁵ элемент жойлаштирилган. Электр манба энергетика аппаратлари таркибига кирган бўлиб энергия ўзгартирувчи қурилма ҳисобланади. Шунинг учун қурилмани ихчамлаштиришнинг эффективлигини аниқлашда солиштирма қувват Р_сол, (Вт/дм³) дан фойдаланилади, яъни чиқишдаги қувватни унинг ҳажмига нисбати ёки электр манбанинг эгаллаган ҳажмини бутун радиосистеманинг эгаллаган ҳажмига нисбати билан ўлчанади.
Электр манба ихчамлаштирилганда шунга алоқадор бўлган комплекс муаммолар ҳал қилиниши лозим, яъни энергетик, структура, конструктив – технологик ва системали метод муаммолари хал қилинади.
Энергетик жихатдан ихчамлаштириш ф.и.к. ни оширишга олиб келади.
Структурали ихчамлаштириш қурилмани ташкил қиладиган блоклар истеъмол қувватларини камайтириш ва реактив элементларнинг сонини камайтиришга олиб келади.
“Қурилмани системали ихчамлаштириш” дейилганда аввалги қаралган ихчамлаштириш типларини бир бўлак ҳолда боғлаб туриб энг яхши система қабул қилиниши тушинилади.
Танланган система интеграл технология асосида қобиқсиз янги технология асосида яратилган материалларни ишлатиб ҳосил қилинган ярим ўтказгичли асбобларни қўллаб зич кампановкалар ҳосил қилиниб ва бу кампоновкаларда электр майдон мутаносиблигини хисобга олган холда ишлаб чиқилади.